دعوة للأديب الشاعر الاستاذ أبوإبراهيم الشويعر
بسم الله الرحمن الرحيم أضع بين أيديكم هذه الأبيات دعوةً للأستاذ أبو إبراهيم الشويعر لعل الله أن يشفيه ويمتعه بالصحة والعافية (إنه سميعٌ مجيب) يالله يامعبود ياخالق الناس=ياعالمٍ سر العباد وعلنّها ياحي ياقيوم يارافع الباس=يامالكٍ للملك تامر وتنّهى تشفي لنا حرٍ له الطيب نبراس=شيخٍ مواجيبه جويدٍ رسنّها العز والتقوى له ادروع وإلباس=وعنه المذله والضلاله ركنّها كريم سبلا كاسبٍ كل نوماس=بالحيل للضيفان يملى صحنّها بنك الغلا ماهو مثل بنك الافلاس=له عملةٍ ماحدن يحصل ثمنّها سعد الرفيق ومجلسه خير مجلاس=يجلي عن النفس الحزينه حزنّها هذا الشويعر غير عن كل الأجناس=وإن قيل إلي منّها فلاهوب منّها من روس قومٍ تعتلي قب الأفراس=يشهد لها سالم ويشهد زمنّها لاثارت الهيجا ودقنّ الأجراس=تقضي على الاخصام داخل وطنّها بمصقلات الهند واسهوم الأقواس=وعلط الرماح اللي حديدٍ سننّها على المعادي مثل قطّاع الأنفاس=وتحمى الوجيه وتمّن اللي زبنّها قبيلةٍ بأمجادها ترفع الراس=تغلب هل النخوه قليلٍ اقرنّها هاذي شهادة حق لمعرب الساس=شيخٍ نطق بالشعر منّها وعنّها أخوكم ذياب العصيمي |
رد: دعوة للأديب الشاعر الاستاذ أبوإبراهيم الشويعر
بيض الله وجهك أخوي ذياب ..
شاعر جزل ولا هي غريبه عليك .. ويستاهل أبو ابراهيم عسى ربي يشفيه ويعافيه ويرده لنا سالم غانم في أسرع وقت ... لك الود يالغالي .. |
رد: دعوة للأديب الشاعر الاستاذ أبوإبراهيم الشويعر
مَشَاعِرَ تُعَانِقُ قِمَمِ الْجِبَالِ بَهَاءً صَحَّ لِسَانُكَ أَخِيْ وَلَاعَدِمَنَا هَذَا الْعَزْفِ بَلْ الْنَّزْفِ فَقَدْ عُزِفَتْ عَلَىَ وِتْرٍ ٍ مُوْجِعٌ ٍ حَدَّ الْارَقْ بِلَحَظَاتِ فِرَاقُ ٍ شَيْخٌ ً وَأَبْ ًتأبى الْقُلُوْبُ فِرَاقُهُ أَسْالُ الَلّهَ انّ يَلْبَسُهُ لِبَاسٌ الْصِّحَّهْ وَالْعَافِيَهْ .. وَيَرُدُّهُ سَالِما مُعَافا كَمَا كَانَ يَا رَبُّ الْعَالَمِيْنَ أَكَرِّرُ شُكْرِيْ وَتَقْدِيْرِيْ لَكَ أَخِيْ .. |
رد: دعوة للأديب الشاعر الاستاذ أبوإبراهيم الشويعر
السلام عليكم ورحمة الله وبركاته ،،
وصح الله لسانك ذياب العصيمي ،، وكفيت ووفيت وهذا من طيبك بيض الله وجهك ،، وتستاهل أنت ويستاهل أديبنا أبو إبراهيم الشويعر كل علم طيب ،، والحمدلله على سلامته وما يشوف شر إن شاءالله ،، وعسى الله يرده لنا وهو باتم صحة وعافية ،، تحيتي وتقديري لك ،، |
رد: دعوة للأديب الشاعر الاستاذ أبوإبراهيم الشويعر
الله يشفي أديبنا إنه سميع مجيب وبيض الله وجهك شاعرنا القدير وصح لسانك والجزل من الجزل ما هو غريب |
رد: دعوة للأديب الشاعر الاستاذ أبوإبراهيم الشويعر
الشاعر ذياب العصيمي صح الله لسانك وبيض الله وجهك وافي يابو تركي والله يعطيك العافيه ومايشوف شر ابو ابراهيم الشويعر والله يقومه بالسلامه |
رد: دعوة للأديب الشاعر الاستاذ أبوإبراهيم الشويعر
^
ماشاءالله تبارك المولى .. صح لسانك وعلى شانك وبيض الله وجهك على هالقصيده الرائعه .. الله يشفي أديبنا ابو براهيم الشويعر ويقومه بالسلامه ويرده لنا سالم يارب .. |
رد: دعوة للأديب الشاعر الاستاذ أبوإبراهيم الشويعر
اقتباس:
وجهك أبيض أخوي راعي الأوله وجودك شرف وفخر لي لاعدمتك يابوعبد العزيز وشكراً على تواجدك وأسأل الله العلي العظيم أن يحفظك ويرعاك... |
رد: دعوة للأديب الشاعر الاستاذ أبوإبراهيم الشويعر
اقتباس:
مسك الخزامى صح بدنك أختي الفاضله وشكراً مرورك العطر وأسأل الله للجميع التوفيق والفلاح.. |
رد: دعوة للأديب الشاعر الاستاذ أبوإبراهيم الشويعر
اقتباس:
وعليكم السلام ورحمة الله وبركاته المشرف القدير حمد ولد أبو حمد صح بدنك أنرت متصفحي بتواجدك وجهك أبيض ولاهنت على كل حال وشكراً على معدنك الأصيل لك مني كل التقدير والإحترام.. |
رد: دعوة للأديب الشاعر الاستاذ أبوإبراهيم الشويعر
اقتباس:
حلمي شاعر صح بدنك وجهك أبيض وشكراً على تواجدك وأسأل للجميع التوفيق والسداد... |
رد: دعوة للأديب الشاعر الاستاذ أبوإبراهيم الشويعر
اقتباس:
الشاعر عبد العزيز الصعب صح بدنك وجهك أبيض وماعليك زود والله يعافيك والحمد لله على سلامتك وشكراً على تواجدك الغير مستغرب لك من أجمل تحية.. |
رد: دعوة للأديب الشاعر الاستاذ أبوإبراهيم الشويعر
اقتباس:
أختي الفاضلة شيخة البنات صح بدنك وجهك أبيض وشكراً على تواجدك وأسأل الله لكِ وللجميع التوفيق والفلاح....... |
رد: دعوة للأديب الشاعر الاستاذ أبوإبراهيم الشويعر
ابوتركي
بيض الله وجهك قصيدة رائعه ووافيه لاشخص عزيز على قلوب الجميع اسأل الله ان يشفيه ويرده سالماً معافى ماقصرت يابو تركي ودايم علمك طيب ومهما تعددت القصائد الا ان قصائدك لها اسلوب خاص ودائماً في المقدمه عسى الله يوفقك يابوتركي واعتذر لك وللجميع عن انقطاعي عن هذا القسم تقبل احترامي اخوك عبدالرحمن بن سعد في امان الله |
رد: دعوة للأديب الشاعر الاستاذ أبوإبراهيم الشويعر
ياحـي ياقيـوم يارافـع البـاس - يامالـكٍ للملـك تامـر وتنّهـى تشفي لنا حرٍ له الطيب نبـراس -شيخٍ مواجيبـه جويـدٍ رسنّهـا اللهم امين كلمات راقيه من شاعر راقي إن دلت هذه الابيات دلت على وفائك وسمو خلقك صح لسانك وبيض الله وجهك لك مني خالص الود والاحترام |
الساعة الآن 01:16 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه