ناصر بن فهاد هذا ترا شفي وجاك الكلاما((وصف لطير وشف المقناص))

[ناصر بن فهاد]

بسم الله الرحمن الرحيم

السلام عليكم ورحمة الله وبركاته

أترك بين أيديكم هذه القصيده

بعنوان

:

هذا ترا شفي وجاك الكلاما

نبدي بداية خير لأهل العلاما= اليوم جن الشعر صدر وورد
صافي صفا من صفوة أهل الشهاما= راقي ويرقا فالجزيل المفرد
بالجزل نبدع والنياما نياما = نبغا نسريها بعلمن موكد
فيًلي تنقد للقصايد علاما= هاك القصيده ماش حرفن ينقد
ألكم ترا عندي بيوتن طخاما= دايم وبعض الناس بالنقد يسعد
جتكم قصيده للمعادي خزاما= ماهي سوات الهزل ولا المجعد
جيت الربوع وشفت نبت الخزاما= والزهر الأصفر كاسي الريع والخد
لامن وصلت أهل النفوس الحشاما= ياقاف سلملي على طيب الجد
الصاحب اللي ما مشا بالعداما= حرن سليل أحرار والمجد للمجد
ياماحلات خوة رجالن نشاما= بعد الفجر والطير ضارن على الهد
بعد الصلاه وبعد جلي الظلاما= يازين شوف الحر بالطرد يصعد
حرن ينومس عالين بالمقاما = عند الرجال اللي على الطيب توفد
أشقر قصير الساق جبر العظاما= منخر وسيعن وأقطم المنسر الحد
عنقن طويل وعين تقدح زعاما= والمخلب اللي كنه السيف لضد
راسه كما الفنجال والعمر عاما= نادر ترا بالسوق ماهو يورد
لامن رقا للخرب مامن ملاما= بطاش وأفعاله ترا ما تعدد
يضرب لحم والخرب ماله سلاما= عوق الحباري صارمن صلصلن شد
قاطع على صيده ولامن قاما= عسر الحباري سهل بالقرب والبعد
هاذا ترا شفي وجاك الكلاما= ياللي تنقد في بيوتي ترا سد
يللي تفك الرمز أفهم فهاما= الأسم في خمسة بيوتن مشيد
تمت وصلوا عد مالطير حاما= على نبين هاشمي أسمه أحمد

ملاحظه:
الأسم في خمسة بيوتن مشيد
يشار به الأحرف الأولي من كل شطر في أول خمسة بيوت
(( ن ا ص ر ب ن ف ه ا د )) = ناصر بن فهاد ))
وسلامتكم
وأن شاء الله تنال أعجاب الجميع
وتقبلوا تحياتي أخوكم

ناصر بن فهاد

[عبدالرحمن الفهد]

نـــبــــدي بـــدايــــة خـــيــــر لأهـــــــل الــعــلامـــا

الـــــيـــــوم جــــــــــن الـــشـــعــــر صــــــــــدر وورد

صافي صفا من صفوة أهل الشهاما

راقـــــــــــــي ويــــــرقـــــــا فـــالـــجـــزيــــل الــــمـــــفـــــرد

[عبدالعزيز الصعب]

الشاعر القدير ناصر الفهاد

صح الله لسانك وبيض الله وجهك على هالجزله

ابداع بمعنى الكلمه كماعهدناه منكم

تقبل مروري وتحياتي

[ذياب العصيمي]

ناصر بن فهاد

صح لسانك

قصيدة رائعه وإبداع من ملك الإبداع

والمعذرة والله ما أنتبهت

لقصيدتك إلا بعد ماطرحت قصيدتي في البوح

أكرر إعتذاري وتقبل فائق التحايا والتقدير..

[ناصر بن فهاد]

المشاركة الأصلية كتبت بواسطة عبدالرحمن الفهد   نـــبــــدي بـــدايــــة خـــيــــر لأهـــــــل الــعــلامـــا الـــــيـــــوم جــــــــــن الـــشـــعــــر صــــــــــدر وورد صافي صفا من صفوة أهل الشهاما راقـــــــــــــي ويــــــرقـــــــا فـــالـــجـــزيــــل الــــمـــــفـــــرد

حياك الله ولاهنت على التواجد الطيب

[ناصر بن فهاد]

المشاركة الأصلية كتبت بواسطة عبدالعزيز الصعب   الشاعر القدير ناصر الفهاد صح الله لسانك وبيض الله وجهك على هالجزله ابداع بمعنى الكلمه كماعهدناه منكم تقبل مروري وتحياتي

أخوي الغالي ابو بدر


صح الله بدانك يالقرم

شهاده اعتزبها منك ومن شرواك

ولاهنت على التواجد الطيب

[ناصر بن فهاد]

المشاركة الأصلية كتبت بواسطة ذياب العصيمي   ناصر بن فهاد صح لسانك قصيدة رائعه وإبداع من ملك الإبداع والمعذرة والله ما أنتبهت لقصيدتك إلا بعد ماطرحت قصيدتي في البوح أكرر إعتذاري وتقبل فائق التحايا والتقدير..

صح الله بدانك ابو تركي

شهاده اعتزبها منك يالقرم

وشاكرلك جزيل على اللقب الجزيل