الاخ العزيز القيصر..
السلام عليكم ورحمة الله وبركاته ..
يسرني ان اجيب على الاسئله التي خصيتني بها بارك الله فيك ..
وامل ان تحوز على رضاك ..ورضاء الاخوه المتابعين ..
واليك الاجابه ..
(من انت)
انا الفقير لعفو ربً كريمي=وانا الغني بعز نفسي عن الناس
اقولها والله ابقولي عليمي=اقولهاصادق من شعور واحساس
(رساله الى ابنك الاكبر)
احسب حساب خطاك رفقه وعجلات=ووزن قدم رجلك على وين ماطاه
ولاتندفع من دون قيس وحسابات=والهرج فكر به من اوله لاقصاه
(عودة سدير)
اعشق العوده وذي ميزه حميده=والشرف لي في هواها ياعيالي
غاليه عندي اقوله ثم اعيده=ديرتي عودةسدير اغلا الغوالي
داري الي حبها عالً رصيده=ومع مرور الوقت يعلا فالعلالي
(الانثى)
هي سعادتنا وهي لم الشتات=هي عمود البيت وابصم بالعشر
مالنا عنها غناةً فالحياة=من قديم الوقت الى يوم الحشر
(رأيك في المسابقات الشعريه)
ياكثرهن مابين صالح وطالح=فيهن منافع والمساوي كثيره
احداً كسب منهن علوم ومصالح=واحداً قبل وقت الثمر جف بيره
(والدك)
ابوي تاج الراس مافيه شكه=ظلي عسى الله في جنانه يظله
اللي رسم لخطاي بالعز سكه=حقً علي اطيع شوره واجله
(الصداقه)
كنز الحياة ومكسب الناس للناس=لافزت لك بأصدق صدوق بحياتك
يكفيك واحد صادقً ثابت الساس=تلقاه فالشدات مركب نجاتك
(تعليقك على الصوره)
الصوره الي شفتها رجعتني=للماضي اللي مانسيته من سنين
صورة حياةً عشتها علمتني=ان الحياة دروس بالعسر واللين
تـــحــــيــــاتي لك ..
ودمت سالماً ..
لوحة الشـرف
العرض العادي
