|
رد: &^ بــــــوح القصــــــيد ^&
الم غربة وترحال يوردني شتات سنين وليل يكتم انفاس الغريب ويقتل احلامه تعب والوقت مايرحم ولاحتى قساه يلين سجين الوحدة القشرا الا يامطول ايامه بوحي |
رد: &^ بــــــوح القصــــــيد ^&
يحق لك يازين نايم ومرتاح
واناعيون طولت في سهرها يمرني طيفك مع الليل سواح واسامره لين يتبين سفرها واسأل عليك الشوق والشوق فضاح كم نظرة لأهل الهوى ماسترها بوحي |
رد: &^ بــــــوح القصــــــيد ^&
يعض الغرام يعيش حالة صعيبه
تشوف منه البهذله والمذله ناس تحب وفي هواها غريبه صارت على مفهوم الأحباب عله لاصرت كاره صاحبك لاتعيبه فتحت باب فيه لومه وعذله وان كان عايف عشقته وش تبيبه خله على فاله وفاله يدله كل بياخذ في حياته نصيبه خل الهوى والحب والشوق خله بوحي |
رد: &^ بــــــوح القصــــــيد ^&
ياعين نامي هالسهر ليه ياعين ؟؟
منتي على قل المنام محدوده خلي السهر للي مع الحب لاهين اللي محبتهم بصدق معدوده وش عاد لوذولا مع الليل باقين يرجون في هالليل لقيا ودوده عاشوا حقيقة حبهم مع محبين عاشق ومحبوبه يحس بوجوده ماهوب مثلك ماوفوا لك محبين اللي خذوا صدق الشعور ببروده ناس خذت درب المحبين سالين ماقصدها زهر الغرام ووروده بوحي |
رد: &^ بــــــوح القصــــــيد ^&
وصلاة ربي عد ماطاير طار وعد النجوم اللامعات السهيرة وعد الرمال وعد همال الأمطار واعداد من يسكن بلاد وديرة مع ماخلق بالكون في بر وابحار مع مثلهن واكثر صلاة كثيرة على النبي الي من الله مختار محمد الي للخلايق بشيرة بوحي |
رد: &^ بــــــوح القصــــــيد ^&
اللي فبالي مايكفيه بيتين
الله عليه اللي توطن فبالي لو اكتب ابيات الغلا له ملايين والله ماتكفي ولوهي جزالي مستوطن قلبي له شهوروسنين ومتملك بالعشق روحي وحالي له في رفوف القلب كتب ودوواين وحروف عشق سطرتها الليالي وشلون ابين له غلاته بشطرين وله منزل في داخل الروح عالي لكن عسى الله مايفرق محبين والله لا يبين غلا كل غالي بوحي |
رد: &^ بــــــوح القصــــــيد ^&
الزهرة الي زينت بالشوق بستان الغلا
عطرت روض المحاني من عطر تحنانها سيـدة كل الـورود الي تغـار من الحـلا واهـني القــلب يـوم انه غـدا بسـتانها من عبـقها غـنت طيـورالمحـبة ياهــلا رددت احـلى ترانيـم الغــلا لاعيــانها بوحي |
رد: &^ بــــــوح القصــــــيد ^&
اضيق واكتب له من الهاجس ابيات
واقول يمكن قلبه يحس فيني وان كان شفته ماقرأ كل مافات ارجع واعيد اكتب بشوق وحنيني واكتبه له اسم الحب بينه علامات قوسين تحته خط عله يبيني وان كان شفته مر غنيتها اصوات مسحوب والا شلت لحن الهجيني ودي يحس بصادق الشوق لهفات واحس انه داري عن كنيني تلميح والتلميح بالحب شارات يغنيك عن كثر الحكي والرطيني ومن يفهم التلميح لومرك وفات فاعرف ترا مالك برحمه جنيني بوحي |
رد: &^ بــــــوح القصــــــيد ^&
اضيق واكتب له من الهاجس ابيات واقول يمكن قلبه يحس فيني وان كان شفته ماقرأ كل مافات ارجع واعيد اكتب بشوق وحنيني واكتبه له اسم الحب بينه علامات قوسين تحته خط عله يبيني وان كان شفته مر غنيتها اصوات مسحوب والا شلت لحن الهجيني ودي يحس بصادق الشوق لهفات واحس انه داري عن كنيني تلميح والتلميح بالحب شارات يغنيك عن كثر الحكي والرطيني ومن يفهم التلميح لومرك وفات فاعرف ترا مالك برحمه جنيني بوحي |
رد: &^ بــــــوح القصــــــيد ^&
حرام تتعب هاجسك بالتفاكير
لاصار ماتكتبه ماهوب مقري خل الكتابة بالصور والتعابير للصاحب اللي عن مشاعرك يدري بوحي |
رد: &^ بــــــوح القصــــــيد ^&
عود الليل معتم قلت يالله تعين
كن طاري غيابه مع مساي انعقد بين ليل طويل وبين شوق وحنين المشاعر حزينه والجفن مارقد من فقد حس غالي بالليالي يبين جلسة الليل خالي تشعرك بالفقد بوحي |
رد: &^ بــــــوح القصــــــيد ^&
لاجيت اكتب له من الشوق ابيات
اتعب على الكلمة عشان انتقيها واختارله من زحمة الوقت لحظات في ساعة ماضاقت النفس فيها من صادق احساسي لعيناه بالذات مشاعرعذب القصيد يحكيها لان عندي للمحبة مقامات وهو مقامة هامتي معتليها بوحي |
رد: &^ بــــــوح القصــــــيد ^&
لي شرهة بالقلب ماتقبل اعذار
للصاحب اللي مالقيت اهتمامه اخفي جروح القلب لوكانت كبار واقابل اللي ماوفوا بابتسامه حنا خلقنا الله رجاجيل واحرار تفنى النفوس ولاتموت الكرامه بوحي |
رد: &^ بــــــوح القصــــــيد ^&
ماتوقعت الوسايد توقض اللي نايمين
لين شفته في منامي من يبي مراميه صحت باسمه لين بيح فيني السد الدفين والتوجد والغزل كانت بقلبي نايمه اثر هوجاس المحبه نكبة للعاشقين دوم صوته يفضح اسم اللي بروحه هايمه بوحي |
رد: &^ بــــــوح القصــــــيد ^&
عذب المشاعر عذب الاحساس والذوق
من مرهف احساسه تنقاك منهم واعطاك من صادق نواياه منطوق ياسيد اسياد البنات وقمرهم عشان تعرف قدرك المعتلي فوق وانك بمقدار الغلا غير عنهم بوحي |
رد: &^ بــــــوح القصــــــيد ^&
ترا المحترم قبل احترامه للعوالم محترم نفسه
وكل انسان يعكس صورته للناس اسلوبه ومن هرجه جرح غيره يجي له هرج يحسه ومن يكثر لجيجة بالمجالس تظهرعيوبه بوحي |
رد: &^ بــــــوح القصــــــيد ^&
يامزون الخير انا كلي ظما
مدهر حالي على حد الهلاك اسكن بصحرا وتسكن في سما خف من الله والحيا يملا سماك كيف اموت وفي شفاك الحمرما اسقني من عذب ريقك ياملاك بوحي |
رد: &^ بــــــوح القصــــــيد ^&
ادري بان ابيات شعري ملاقيف
ازريت اربيها عن ملاحق الزين ماغير تشغل هاجسي بالتواصيف وتتعب قوافي نظمهالاريش العين ان شافت اللي بالحلا كنه خشيف تراقصت بالراس مثل المجانين ومادام زينك بالخوندات ماشيف ياطاغي بالغنج والرق واللين مانت عليك القافية دون تكليف مادامها شافتك احلى المزايين فاعذر قصيدي يوم يحضنك ياطيف ياللي طيوفك في خيالي مساجين بوحي |
رد: &^ بــــــوح القصــــــيد ^&
الحب ماهو بس هرج وسواليف
ولاتحسبن الحب يكبر من بعيد الحب يصدق بالعطا للمواليف ويكبر بحزات اللقاء والمواعيد مثل الهلال ان كان بالعين ماشيف لا يعتبر به صوم ولا يعتبر عيد بوحي |
رد: &^ بــــــوح القصــــــيد ^&
ياحنان الخافق اللي كل ماتبعد يزود
كثر شوقي لك وشوقي للملاقى مااكثره طالبك في حق شوقي لاتمادى بالصدود كان لي عندك محبة حاجز الصداكسره لاتعاملني بطبع الكبر واسلوب البرود دامني استفزع بحق الغلا واستنصره لاتخلي صادق الاشواق في قلبي شرود ان بغيته بعد هجرك مانت قادر تأسره يجفل الخفاق منك لوتنادي بالورود يحسبك عقب البطاشخص غريب بينحره بوحي |
رد: &^ بــــــوح القصــــــيد ^&
الله خلق فينا مشاعر واحساس
والله عطانا في عطاها اراده لكن مصيبة في طبايع بعض ناس يبخل على اللي مهتويه ومراده هذا بدرب الحب بشره بافلاس لاصار عنده هجر الاحباب عاده بوحي |
رد: &^ بــــــوح القصــــــيد ^&
مالي على العابرمشاريه وعتاب الأجودي ماهوب فيني ومني اشره على اللي معتبرهم لي اصحاب لابطيت عنهم مايسالون عني ؟؟ احباب مدري كيف وشلون احباب لاصار من عقب البطا ماتحني!! لكني افتح دوم لاعذارهم باب وامسح هزيل اعذارهم بالتوني وازيد للي ياصل البيت ترحاب مادام جاني للوصال متعني واللي قطعني عقب عرفه بلا اسباب ابتركه مادام هو ماوصلني اماكتبلي من تواصله بكتاب والا عسانا بالوفا مانغني بوحي |
رد: &^ بــــــوح القصــــــيد ^&
ماعاد لك في خاطري اي احساس
وما عاد لي في شوفتك اي رغبه مادام عرفك مابنيته على اساس فاعرف ترا بنيان عشقك هدمته الناس تربطها الصراحة مع الناس ومن يكذب احساسه يوهقه كذبه بوحي |
رد: &^ بــــــوح القصــــــيد ^&
اشره على اللي معتبرني رفيقه
ماشره على اللي معتبرني عدوه لوشانت طبوع العدو بحريقه ماهمني لوشفت منه الجفوه اعتب على اللي له علاقة وثيقه وش لون يصخي بالوفاءولأخوه هذي حقيقه وان بغيت الحقيقه ذنبه مثل من يدعون النبوه بوحي |
رد: &^ بــــــوح القصــــــيد ^&
اكسر مفاهيم الخجل وانثر الشوق
لاصار صندوق الغلا زاد شوقه كم عاشق من نار الاشواق محروق كتم الغلا بالقلب زود حروقه لاتقتل احساس الهوى في يد العوق صدق الغلا مافيه شي يعوقه بوحي |
رد: &^ بــــــوح القصــــــيد ^&
ابغير اريل القلب ونظامه
واقلب الموجة على شي ابيه واترك ارسال اللي يتعبني كلامه مايبي قلب العنا هم يجيه ودي اتابع قناة ابو دلامه واسمع اللي يطربون متابعيه لكن اللي يخنقون الابتسامه ما اجامل بثهم ولا احتريه كل شخص يتبع القلب ومرامه وكل نفس تأكل اللي تشتهيه ومن عصاه القلب لايلحق ملامه لايعاتبني ولا اشره عليه بوحي |
رد: &^ بــــــوح القصــــــيد ^&
اظاهر ان الوضع مؤسف ومخجل
خجلان من يبغى يوضح بيانه لأن بعض الناس بالحيل يجفل ياطا على زل الحرير بليانه دامك على خط السريعات عجل الناس طارت وانت فيه حبيانه باب المنى ذا الوقت ماهومقفل حتى الأمل تقدر تجيه بمكانه دام العطا مسموح وش فيك تبخل خلك كريم وزود العقد دانه ترا البخيل بقلة البذل يفشل محروم من عطف الرفيق وحنانه هذي حقيقة لوبعض ناس يزعل كلام اقوله من قبيل الأمانه بوحي |
رد: &^ بــــــوح القصــــــيد ^&
استغفرالله عن كل اللذي قلته
ان كان يغضب اله الكون سبحانه ولوفات شي من الرغبات مانلته فالحمدلله على فضله واحسانه بوحي |
رد: &^ بــــــوح القصــــــيد ^&
وش لون اغيب واحاجتي لك كبيره
ماتدري انك صرت انفاس روحي ياورد بستاني وريحة عبيره ياعطري اللي في ثيابي يفوحي لا لا يصيبك شك فيني وغيره مادام شعري في غرامك يبوحي بوحي |
رد: &^ بــــــوح القصــــــيد ^&
والله مادري ويش ذنب المسافه
مدري ورانا نتهمها بلا اسباب نلومها ونقول والله حسافه انتي سبب قلة مواصيل الاحباب لكن حقيقه من بغى الخل شافه والمهتوي لابديعمل بالاسباب يمشي مسافاته بليا كلافه يجيه لوكانت مشاويره صعاب بوحي |
رد: &^ بــــــوح القصــــــيد ^&
وين اختفوا اهل الهوى هجعة الليل
لاطاب جو اللي بليله يغنون دايم بوسط الليل تحلى التعاليل بين النجوم وسهرة اللي يحبون هم وينهم لازان ظرف المواصيل وش لون لاطاب الملاقا يغيبون ؟! بوحي |
رد: &^ بــــــوح القصــــــيد ^&
ياصاحبي كثرت علي المطاليب مالي عليها لوتحملت طاقه لاشك انا شفقان لمعانق الطيب لاكن ظروف الوقت تمنع عناقه والوقت هذا صارللطيب صعيب دونه ودون الطيب مليون عاقه ياما رميناها على الحظ وتخيب عشان مابيني وبينه صداقه لكن عسانا لارمينا به يصيب حظ من اللي رزق الانسان ساقه بوحي |
رد: &^ بــــــوح القصــــــيد ^&
ايه انا مع كل صبح يطل يشرق بي امل
واتغنى بالتفائل وارفعه سقف الطموح وارفع الهقوة لشوق ينتظرلحظة وصل وادري ان الحظ في وقت اللقاءعندي شحوح وانتظر ثم انتظر في وقتها نفس المحل يمكن المح في سماالحروة لها برق يلوح وان سرى ليل المحبة واللقاء به ماحصل مالكلمات الحسايف في خفوقي اي بوح ماخذ قلبي على اللي كل ماينزل رحل ومتعود بالهوى صدري على كثر الجروح بوحي |
رد: &^ بــــــوح القصــــــيد ^&
كن المساء هذا عيونه حزينه
من غابت اشفاقه وهو حيل تعبان مدري على نجومه تزايد حنينه والا على نور القمر ليه مابان والا على اللي دايم مواعدينه اللي جمعهم فيه شوق وتحنان اصحابه اللي دايم مسامرينه اللي لموعدهم فتح كل بيبان مدري نسوا والا الوعد جاهلينه والا لقوا عن ساتر الليل جدران من عاف ستر الليل ربي يعينه لأن نور الصبح فاضح لخلان بوحي |
رد: &^ بــــــوح القصــــــيد ^&
ابشرك مبسوط والراس عالي
ولاهمني بالناس ناقد ومنقود ولو اشرب الأمرار الريق حالي بيض النوايا تغسل ظنونها السود بوحي |
رد: &^ بــــــوح القصــــــيد ^&
الناس ماصاروا يحبون من قلب
وماعاد في هالوقت حب بلاشي اول يغلبك صادق العاطفة غلب وتعيش لحظات الغرام انتعاشي حتى ولوك فوق جمره تقلب تصبر مادام الحب في القلب عاشي حب امس ماهو وسط الاسواق يجلب مايشرط الشهرة وكثرالمعاشي حب عفيف ويَسلب العاطف سلب لوكان توه وسط الاظلاع ناشي راعيه لو طال البعاد يتصلب يصبر لوقت يبرد الوصل جاشي واليوم مابه حب الا بمطلب ان كان له لبيت فالحب ماشي وان كان مالبيت فالقصد يقلب كره عليك ان كان مابك عراشي صار الهوى والحب للناس ملعب يفوزبه لعاب لوكان كاشي ان حصل المطلوب في لحب يلعب والا عطى صدق المحبة طناشي بوحي |
رد: &^ بــــــوح القصــــــيد ^&
ماني مقدرخوي مايقدرني
ومانيب عاشق لشخص يعشق لذاته من لايحشم الغلا ماهوب حاشمني ومن حب نفسه خسرفي الحب لذاته من خصني بالهوى والشوق يملكني واسلمه خافقي يسكن بنبضاته وابادله بالعطا لاصار مكرمني واعطيه صدق الغرام وصدق حزاته واكتب له الروح واعطيه العهدمني اني على رغبته وامشي بمشهاته واصون عهد الوفا لاصار صايني مادامها صافية بالحب نياته ويصيرعنوان اشعاري وملهمني واكتب قصيد يصير بكل ابياته بوحي |
رد: &^ بــــــوح القصــــــيد ^&
كل ماجيت اكتب ابياتي لها
اعتذر للنفس عن نظم القصيد ما اشوف الا معاتب قلبها شرهة تبكي على خد البليد دمعة تبعد تهايم صدها تقلب التهمة على القلب الحديد لكن التهمة في عيني ردها دمعة الأشواق مع نبض الوريد هي دليل اني اعاني بعدها والقصيد اللي يناديها نشيد كيف ابكتب عن مشاعر ودها دام احساس الغلا فيها جليد بوحي |
رد: &^ بــــــوح القصــــــيد ^&
يامن يسامرني على نجمة الشوق
واسامره واعطيه مكنون الأسرار وابادله حلو التعاليل برفوق في ليلة لأهل الهوى مابها اعذار يبشر بليلة كلها دل مع ذوق ليلة عريس ماخذ بنت مسيار بوحي |
رد: &^ بــــــوح القصــــــيد ^&
ياحبيبي صرت لي كل الدروب
يابدايات الغرام برحلتي عن مشاوير المحبة ما اتوب لأجل عينك ما تقصر خطوتي مالشمسك في حياتي من غروب يالوجود اللي ينور دنيتي بوحي |
| الساعة الآن 11:40 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه