|
رد: | من مذكرآت صبآي |
هي أثبتت وجودها بطريقتها الخاصة , غلط صح هذا موضوع أخر ,
و أنا ماني متابعها وش أبيبها , هي اللي خالقه هالأجواء في الحاره , عجيبه غريبه مثل ماقالت الاخت زخات المطر , سابقة عصرها بالفعل , الا الحين وعصرها ماحصل , ** هذا جزء من تاريخها في صغرها , يوم كبرت صارت حرمه خلاص , فتح لها أبوها دكان في كراش بيتهم يبيها تهجد , تبيع حلاو و تفافيخ و طرطعان و كل مايخص الأطفال , متغطيه و جالسه عقلت شوي , مغير تدب في اللي يشتري بالدين ويتأخر يسدد , تدبغه في وسط الشارع الين يقول بس , تشوف هالحرمة بعبايتها تدح لها ولد و مانسمع الا " آه , اوه أح لا , بس , خلاص " . |
رد: | من مذكرآت صبآي |
انت خسران يومنك ماتتابعها اجل احد يفوت هالروايات الجميلة
اما تجلد واهي متغطية من الغلطان الي يشتري منها اصلا ههه طيب ماقلت لنا وش وضعها اللحين وش صارت ؟!! |
رد: | من مذكرآت صبآي |
وشفيكم يالعرب انتم
كلش تبونه مرتن وحده , أفرضي أني قلت وشهي الحين و شالفايده وراكم ماتحبون انكم تستمتعون بالروايات و الأحداث, |
رد: | من مذكرآت صبآي |
لاعادي متحمسين بكل مراحلها حتى لو قلت وش اهي اللحين ؛ ماشاء الله تحمس الي مايتحمس
, |
رد: | من مذكرآت صبآي |
طيب علشانكم شاطرين و تردون بأخلاق أختصر و أوصل إلى مرحلة متقدمه , مع أني متحسف على بعض المواقف ,
ماعلينا المدرسه تنجحها و لا تسقط أبد يبون يتخلصون منها و راحت للمتوسط ونفس الشيء نجحت ,, بعد كذا حنا نزلتا عن بيتنا , و بعد حوالي أكثر من سبع سنين حصل شيء ماكنت أتوقعه ,, |
رد: | من مذكرآت صبآي |
طيب علشانكم شاطرين و تردون بأخلاق أختصر و أوصل إلى مرحلة متقدمه , مع أني متحسف على بعض المواقف ,
ماعلينا المدرسه تنجحها و لا تسقط أبد يبون يتخلصون منها و راحت للمتوسط ونفس الشيء نجحت ,, بعد كذا حنا نزلتا عن بيتنا , و بعد حوالي أكثر من سبع سنين حصل شيء ماكنت أتوقعه ,, |
رد: | من مذكرآت صبآي |
خلصت الدراسة و مابقى الا إستلام الشهادة , و خلصت علاقتي بالعائلة و وضبطت الشنطة و خلَّصت جميع الأمور و مامعي الا حق التكسي و شوي قريشات تمشيني في المطار لو بغيت أكل شيء , باكر أبا أستلم الشهادة ثمن أسافر موعد الرحلة الساعة تقريباً 5 العصر , جا باكر و رحت للجامعة و معي أغراضي بس أخذ الشهادة و أمشي , ماخذت الشهاده و لا مشيت , لقوا أسمي مختلف عن الجواز , طيب وش الحل , قالوا يمكن خطأ مطبعي في الشهاده , راجعوا كل أوراقي لقوها كلها نفس الاسم المختلف , مانقدر نغير كل تاريخك في الجامعة لكن تقدر تغير اسمك في الجواز , إبلش يافلان, وش أسوي و الله النشبه و الورطه مامعي قروش أهم شيء غير من اللي يبي يغير لي أسمي و متى ؟ ...
|
رد: | من مذكرآت صبآي |
لا وش تتختصر كمل كمل الله يصلحك مواقفها ,
جبها هي تسنع امورك هههههههههههههه مفروض مع وجود هذي مايحتار الواحد كيف يمشي معاملاته هههههه بعد توفيق وتيسير من الله طبعا , اها وش سويت . |
رد: | من مذكرآت صبآي |
ياختي زخات المطر , وشبلاك علي كأنك معها ضدي , أنا اسرد قصتها الحقيقية للأمانة لا تخليني أحرف الحقايق علشان ماخليك تتشمتين , إنذار أخير ,,
|
رد: | من مذكرآت صبآي |
حياكم الله جميعاً ياللي بالمتصفح
حياك الله استاذنا قلم صريح الله يعظم اجرك على قليلات الصبر اللي يبون القصه تخلص بسرعه وش معجلهم مادري ؟ ياخبر اليوم بفلوس بكره بلاش شرايك استاذنا ؟ قلهم قصتنا مسلسل تركي على شان يهجدون الله يعافيك و يوسع صدرك بالعافيه تراني متابعه بصمت .. |
رد: | من مذكرآت صبآي |
يأختي كل الغلا , حضورك يُعتبر ضربة قوية و تأييد صارخ ضد تدخلات المستعجلين , إختصرت أشياء كثيرة لابارك الله في بليس , مادري الأن إختصرت حوالي خمس سنوات ,
|
رد: | من مذكرآت صبآي |
استاذنا قلم صريح حرام تختصر السواليف حلاتها تطول
والأختصار هنا ضد الصراحه ماعليك منهم هم يبون الزبده مثل الحلقه الأخيره ماجهلوك الحريم دايم عجلات "ياويلي منهم بيقولون كل الغلـا مسترجله" لايهمونك لا تختصر .. |
رد: | من مذكرآت صبآي |
اقتباس:
افا ليه ضدك بالعكس:icon1366: انا احسها بجد حرمتن سنعة بحكم شخصيتها تخوف الشعب ماجبت طاري الضد :nmad: خلاص لاتختصر كلتوني بسم الله علي ماعاد ابي اعرف وش صارت اللحين يالله رجع خمس سنين , |
رد: | من مذكرآت صبآي |
اقتباس:
هذا سواق معه عمته ذبحته بالتردد كل يوم تركب معه , رح يمين لا رح يسار الين قال " أنا مافيه سيم سيم حقي نظف قزاز سياره ماما , كلو يوم يمين ياسار ياسار يمين" , يبي يقول من الزعل " وش شايفتني , مساحة قزاز السياره بدون كهرب ؟ " |
رد: | من مذكرآت صبآي |
الحاصل أني أتصلت على الملحقية ورد علي واحدن اجودي و شرحت له الظروف و قال الموضوع بسيط تعال , قلت ماعندي قروش اجي فيها , قال عطني اسمك في الجواز و ابا ارسل لك تذكره تجي للملحقيه, رح للمطار و استلم التذكره من عند الكاونتر الفلاني , رحت و وصلت الملحقيه و أكرموني , و أنا جالس في بهو الملحقية الا أم صعرور الخالق الناطق قدامي , متحجبه و صعرورها مطلعته موضه
مادري أروح لها أكلمها , الا وانا أهوجس الا تجي تقول لي " ماتغيرتا ؟" سلمت عليها سلام المفجوع , و أستغربت أنها حتى ماسألت أذا كنت المقصود ولا لا , قالت شفت أسمك في المكتب و عرفت مشكلتك و عرفتك من صورتك , أنا زوجي اللي كلمته و جابك, متزوجة و جايه تدرس لغة و تشتغل مع زوجها في القسم النسوي , الله يعين الخوجات , قلتها في نفسي , |
| الساعة الآن 01:38 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه