رد: &^ بــــــوح القصــــــيد ^&
ياللي بحسن الدل طاغي ومملوح مثل القمر لاطل يضوي على الكون ريح ضميرك ياهوى البال والروح مافيه غيرك منزله داخل النون كم مرة قلبي لك اسراره يبوح اللي كتب لك صك بالحب مضمون مايكفي اني صرت بالحب مفضوح الين كل قال عاشق ومفتون وش عاد تبغى من بيانات وشروح اكثر من اللي قالوا الناس مجنون بوحي |
رد: &^ بــــــوح القصــــــيد ^&
غيابنا والله ماهو بيدينا
بين الظروف القاسية والمقادير غبنا طويل وماسألتوا علينا وين الغلا يامكثرين المعاذير لا لاتكلف او تعنا وتجينا عطني رسالة كان للشوق تقدير اللي يبينا ندري انه يبينا الوضع واضح مايبي اي تبرير بوحي |
رد: &^ بــــــوح القصــــــيد ^&
يالله يالمعبودياخالق الناس
ياللي بيدينك تملك الكون كله تزيل عنا الهم والغم والباس وتغفر جميع الذنب دقه وجله وتجعل لنا عفوك وعافيتك لباس وتجعل لنا امنك وامانك مظله وتحمي وطنا من حقودين وانجاس واهل القلوب اللي علينا مغله وتحفظ بلدنا عن عميل ودساس وعن فتنة عدونا يستغله وثبت علينا الدين للقلب نبراس اللي جعلته للبشر خير مله ونحيا الحياة اللي بها نرفع الراس ونموت مامرت علينا مذله بوحي |
رد: &^ بــــــوح القصــــــيد ^&
ياشايف نفسه على الناس بالهون
الله خلق كل المخاليق من طين تراك من ماء مني ومهيون ساترك ربي يوم اخرجك من عين كل البشر مثلك تعيش ويموتون حتى اولياء الله هم والنبيين لكن نصيحة من خوي ومضمون خل التواضع من صفاتك مع اللين بوحي |
رد: &^ بــــــوح القصــــــيد ^&
يبقى الغياب بسوق الاحباب ميزان
يعطيك عند اهل الغلا كم وزنك اماغديت برجعتك غال الأثمان والا اخلف اهل السوق بالسوم ظنك بوحي |
رد: &^ بــــــوح القصــــــيد ^&
مع شديد الأحترام لكل شخص بهالبلد
للمواطن والمقيم وللصغير وللكبير اعرف ان الوضع ماهو بهالبساطة ياولد واعرف ان الأمر هذا يالخوي والله خطير كل يوم لهالوباء المنتشر يولد ولد والسبب ناس تجاهل بالغباء كل تحذير كم عنيد للأوامر طاع نفسه وانجلد خاطر بنفسه وصابه عقبها سوء المصير لكن اللي التزم بالأمر للراحة خلد قدر الموقف بفعله للسبب والله قدير ندري ان الله خالق والد وما ولد لكن المولى عطاك العقل حتى تستنير بوحي |
رد: &^ بــــــوح القصــــــيد ^&
الكرونا بينت ناس كثيره
يوم داعي الحرب طبله دندنه يوم كل بالرخا حاله ستيره تكشف الشدات وشو معدنه بينت حال الذهب من حال غيره كل موقف للرجال تبينه مير يالله تردع الجند المغيره وان حال المسلمين تزينه بوحي |
رد: &^ بــــــوح القصــــــيد ^&
خل المبادئ والحكم خل الأمثال
العاطفة ماتعترف بالعوايد الحب معروف على مر الاجيال ماينفع براعيه نصح ونقايد كم واحد قبل الهوى قال ماقال وعقب الهوى اصبح طريح الوسايد يفضح طريح الحب اقوال افعال تبين به لوكان ماهوب رايد ان كان حبه صدق فالعشق قتال ماتحمله اهل العزوم الشدايد يبقى حنين القلب للخل ميال لويمنعونه عنه ماهوب فايد بوحي |
رد: &^ بــــــوح القصــــــيد ^&
حبيبي يابعد عمري يزين الوقت بوصالك
تعال نعيد حزات الغرام ونقهر الغيبه على ذاك المكان اللي هدوءالليل يحلالك انا باقي على حطة غلاك وكل ترتيبه على عهد الغلا باقي وفي الخفاق منزالك وطيفك كل ماحن الخفوق اشواقي تجيبه بوحي |
رد: &^ بــــــوح القصــــــيد ^&
لاياعساني عند الأجواد وان غبت
ان طروا اسمي صرت مذكور بالخير والقى حضوري عندهم لاتوجدت نسايم يرقص على جوها الطير بوحي |
رد: &^ بــــــوح القصــــــيد ^&
مشاعرك قلها ولوكنت محجور
لأجل الغلا بين الحبايب طلايب منتا على كتم الأحاسيس معذور اطلق عنان خيولها للحبايب اهل الفضاءوالعلم مامنهم قصور خلوا بريد الحب فوق السحايب عبر الفضاء ترسل احاسيس وشعور كله بضغطة زر والبال طايب بوحي |
رد: &^ بــــــوح القصــــــيد ^&
وش لون اغيب واحاجتي لك كبيره
ماتدري انك صرت انفاس روحي ياورد بستاني وريحة عبيره ياعطري اللي في ثيابي يفوحي وش لون اقول لغيرك الحب سيره وانت الطبيب اللي يداوي جروحي لا لا يصيبك شك فيني وغيره مادام شعري في غرامك يبوحي بوحي |
رد: &^ بــــــوح القصــــــيد ^&
ادري ان اللي ابي مابه مجال
والمصيبة ماله بقلبي بديل وادري انه صار في حكم المحال بس شسوي احب المستحيل بوحي |
رد: &^ بــــــوح القصــــــيد ^&
الشهر مبروك يالربع الكرام
يوم حل بدارنا شهر رمضان ارجي من الله نصومه كل عام وكل عام ودارنا أمن وأمان بوحي |
رد: &^ بــــــوح القصــــــيد ^&
ياربنا ياللي لك الخلق تعبد ياواحد كل الملا يرتجونه ياللي لك العباد تركع وتسجد ماغيرك احد يالولي يعبدونه تقبل دعاء من قام ليل وتهجد واسبل من الخشية مدامع عيونه تكتب له الرحمة ليا صام واجهد وتغفر ذنوبه وتعفو عن ديونه ومن الجحيم اللي لهبهاتصاعد تجير عبدك من عذاب المهونه وتكتب له الجنه وهي خير مقعد في مسكن لأهل التقى يسكنونه وجعله يوافق ليلة القدر وان جد في ليلة رب البشر يسألونه يدعي بهامن له مرام ومقصد والناس فيهاربهم يطلبونه ومن يطلبك يالواحداللي تفرد يرجيك يالله لاتخيب ظنونه ويالله عسى من صام يفرح ويسعد ويفوز في رضوان خلاق كونه وختامها واعداد ماحن وارعد واعداد براق تلاعج مزونه صلوا على المبعوث للناس احمد ياللي لمنهاج النبي تتبعونه بوحي في 1441/9/5هجري |
رد: &^ بــــــوح القصــــــيد ^&
انا ياناشدي صحراء وانا من هالحجر والطين
وانا ارض الحماد ومن جبال طويق تكويني وانا كم مرة فيها مشيت وحافي الرجيلن تحت شمس سبايبها غدا لوني وتلويني اخذت من القمر بعده واخذت من النجوم البين ومن شمس الضحى نورعلى الغربة يوديني واخذت من الفصول الأربعة شدة قساها سنين بأرض مابها غير الجفاف وبردها شيني وانا اللي من طبيعتها قسيت وماعرفت اللين ومن جو الجفاف اللي بهاصار الجفا فيني ومن شدة ومن غلظة اهلها خطت لي ثوبين وبشت من خشونة عيشهاوبره مغطيني انا من ديرة تبدأ بنون وبعدها حرفين ومابين الليانه والقسى تلقى عناويني انا وش لون تبغاني بعد هاللي قريته زين اجي انعم من خيوط الحرير وملمس الصيني بوحي |
رد: &^ بــــــوح القصــــــيد ^&
https://v.3bir.net/3bir/2020/05/BvyBuyrCAAAH9ao-1.jpg صباح الرحمة اللي من اله الخلق تغشانا وغفران من المولى يطهر كل مافينا ودعوات نرددها اذا مالليل امسانا عسى ربي يحققها ويعطينا امانينا بوحي |
رد: &^ بــــــوح القصــــــيد ^&
تراهاالعالم الغربي فتح للمعرفة بيبان
الين انه وصل للكوكب اللي يلوح براقي ولا وصل القمر لينه تطور بالفكر انسان وحنا اللي بنظرتنا نقول ان شعبهم راقي اجل وينه شديد اعجابنا يامعشر العربان ورا مانتبع آثار القمر والساق بالساقي لأنا نحفظ الفكرة وفي تطبيقها نقصان وخلف اللي بهايوافق هوانا حيل ننساقي كذا نبقى على قولة ترا كنا زمان وكان ويبقى حالنا نفسه مدام ان الفكر باقي بوحي |
رد: &^ بــــــوح القصــــــيد ^&
عليك من الجفا عدة ملامح والورق شفاف
يبين بلون رسام الوعود ولوحة اعذاره رسم فيها تماثيل الصدود اللي بها تنشاف بريشة سولفت عن تركت البرواز لجداره بوحي |
رد: &^ بــــــوح القصــــــيد ^&
https://encrypted-tbn0.gstatic.com/i...fTlcG&usqp=CAU جعل هذا العيد مبروك وسعيد وجعلنا نحياه في أمن وسلام ونفرح بشوف القريب والبعيد ونحتفل في جيته في كل عام بوحي |
رد: &^ بــــــوح القصــــــيد ^&
عندي أمل بالله كل يوم يكبر
حتى ولو الحظ عاثر له سنين ان الفرج قادم ولوه تأخر وان القسى قافيه عقب البطا لين بوحي |
رد: &^ بــــــوح القصــــــيد ^&
https://encrypted-tbn0.gstatic.com/i...rTN4g&usqp=CAU
ليه اتنازل عن حقوقي واسامحك وانت اللذي مخطي علي متعمد انسى وابنسى لين اضيع ملامحك واقسى وتلقاني شعور متجمد كانك تغني للهجر في مسارحك فأنا اشكرالله للبعد واتحمد بوحي |
رد: &^ بــــــوح القصــــــيد ^&
http://www.7ophamsa.com/up/uploads/159217843181391.jpg
مادام انك مثل طهرالغيوم ومبدأك واضح فلا تنظر ورا واقدم مادامك صافي النيه ولا تهتم لعقول الضعاف وكلمة الجارح ترا من جادل الجاهل يقولون العرب زيه وطنش تنتعش وارمي هموم الأمس والبارح مادام الدنيا ماتسوى وهالأعمار عاريه بوحي |
رد: &^ بــــــوح القصــــــيد ^&
https://v.3bir.net/3bir/2020/06/159259934121031-1.jpg
مافيه شخص الا بقلبه ذكريات تبقى دفينه لين جسمه يندفن مايفضحه الا الأماكن بالحياة ان مرها بيح بهاصوت وجفن بوحي |
رد: &^ بــــــوح القصــــــيد ^&
http://www.tra-sh.com/up/uploads/1484165081211.jpg
بين السهر والنوم في مرقدي حرب حرب على العينين محد خسرها من ثورة الهوجاس في البعد والقرب خلت عيون السلم يكثر سهرها تبدا غياب الشمس لاميلت غرب الين يطلع للعوالم سفرها بوحي |
رد: &^ بــــــوح القصــــــيد ^&
https://encrypted-tbn0.gstatic.com/i...BoDx9&usqp=CAU
لبى ولبى ثم لبى ولبى لبى الخفوق الي يبيني وانا ابيه الي مكانه في خفوقي تربى من يوم شفته في حياتي مربيه حبه عن العذال فيني مخبا وعن كل حاسد في خفوقي مخبيه بوحي |
رد: &^ بــــــوح القصــــــيد ^&
http://www.b44u.com/do.php?img=4101
محطات العمر يبقى لها بالذاكرة تأثير تجي ايامها زينة تجي ايامها شينه عسى وان كانا صرنا محطة في حياة الغير اذا مرت اسامينا نجي ذكرى لهم زينه بوحي |
رد: &^ بــــــوح القصــــــيد ^&
https://www.google.com.sa/url?sa=i&u...AAAAAdAAAAABAD
كل مامر ساعة قلت يمكن تجين لين ضاع انتظاري داخل الأزمنه طال عمر الحنان وشاب منه الحنين وتاب شوق القلوب اللي بنا مدمنه كم تعدت شهور وكم تعدت سنين اثر ساعة لقانا في حسابك سنه بوحي |
رد: &^ بــــــوح القصــــــيد ^&
http://www.7ophamsa.com/up/uploads/159381588410751.jpg
كل مامر ساعة قلت يمكن تجين لين ضاع انتظاري داخل الأزمنه طال عمر الحنان وشاب منه الحنين وتاب شوق القلوب اللي بنا مدمنه كم تعدت شهور وكم تعدت سنين اثر ساعة لقانا في حسابك سنه بوحي |
رد: &^ بــــــوح القصــــــيد ^&
https://www.d1g.com/photos/51/80/2538051_max.jpg
اقرأ كتاب الحب سبعين مره حتى تعرف اش لون درب المحبه لازم تعيش الحب خيرة وشره تعرف ملذاته وتعرف مغبه اما غلبك الحب في قو سحره والا طغى فهمك وخليت دربه بوحي |
رد: &^ بــــــوح القصــــــيد ^&
https://encrypted-tbn0.gstatic.com/i...2IKnQ&usqp=CAU
اسأل الله الكريم العافية والراحه واسأله عفوه وغفران الزلل والجنه واسأله أمن وأمان وعيشة مرتاحه والحياة اللي على نهج النبي والسنه بوحي |
رد: &^ بــــــوح القصــــــيد ^&
https://1.bp.blogspot.com/-lGM6KNKYj...%25D8%25A8.jpg
اغني له على لحن الغلا ابيات من شعري قصايد حب لعيون الغرام اللي له لحاله ترددها قلوب اهل الهووى والعاشق العذري ويبقى ذكرها دايم مع اهل الحب واجياله بوحي |
رد: &^ بــــــوح القصــــــيد ^&
https://alarbelyoum.com/article/77503e1cc6-img.jpg
ياخايفة من نظرة العين للعين عندك سلاح العين ساطي وذباح نظرة خجل قدام نظرة سلاطين اعزل وقدامه رهيفات ورماح عندك سهام الموت وش له تخافين وانا صويب القلب ماعندي سلاح بوحي |
رد: &^ بــــــوح القصــــــيد ^&
https://i.ytimg.com/vi/SycVY1KihzY/hqdefault.jpg
انا اناني حب في حب نفسي معزتي للنفس اكبر صفاتي مع كل مايبدأ نهار ويمسي وانا اكتب الأشعار في حب ذاتي لااليوم لابكرة ولا فيه امسي احد يساوي بالمحبة حياتي بوحي |
رد: &^ بــــــوح القصــــــيد ^&
http://www.7ophamsa.com/up/uploads/159479862990931.jpg
على حروة صباحك ساهر وتاهت عناويني عسى نورك يشعشع بالفضا للكون والقاني تـعــال ودلـني درب عــلى شمســك يــوديني واشـوفـك ياصبــاح طـلته للـقلب عــنواني بوحي |
رد: &^ بــــــوح القصــــــيد ^&
https://2.bp.blogspot.com/-TVrjOoLok...18685378_n.jpg
تعال نسابق الخطوة ولو ان الدروب طوال مدام ان الثمن عزة ولاغيرك يخاويني تعال وخابرك فوق النجوم العاليه نزال تعال نقسم نجوم السما مابينك وبيني تعال وخلنا ناقف ولانطرد سراب اللال ولا نتبع طريق اللي على الصدات ناويني بوحي |
رد: &^ بــــــوح القصــــــيد ^&
https://encrypted-tbn0.gstatic.com/i...0bwwQ&usqp=CAU قامت تبختر كنها باشت الروم من قدها كل يطالع حلاها مالت مع النسمة كما عود يشموم لاهبت النسمة تناثر شذاها صارت قمرهم والبني عندها نجوم غطت على كل الحضوربسناها بوحي |
رد: &^ بــــــوح القصــــــيد ^&
https://pbs.twimg.com/profile_images...6B_400x400.jpg
عيونك يالمهاة الي تناظروالرموش سيوف سهت فيها القلوب الي سعت للموت شفقانة على حد الهدب ذابت ومدت للهلاك كفوف تصافح به هدب عين خلقها الله نعسانة دعاهاداعي عيونك ولبت بالنظروالشوف سرقها رمشك الساهي وعين بعين هيمانة ترامن ناظرعيونك يشوح بناظره مكسوف تموت من الخجل عين تساطع عين شيهانة بوحي |
رد: &^ بــــــوح القصــــــيد ^&
http://4.bp.blogspot.com/-GuTOhRBo53...ho+do+amor.jpg
كتبت اسمك على دفتر سماي وامطرت غيمه على قلب قبل عرفك مزون الماطر تزله معك وسم الغرام الصادق لروحي مثل ديمه تدفق بالغلا لين الخفوق الضامي تبله وخدان الحشاعقبك روت من عذب تسنيمه تبي تحيا العروق اليابسة مادامك تعله ويكبر بالحشا نبت تسابق به براعيمه ونبت الخافق الصادق تجي اشجاره مظله على غصن الهوى طير يرددها ترانيمه بوحي |
رد: &^ بــــــوح القصــــــيد ^&
https://i.ytimg.com/vi/jDRz9pbK-G4/maxresdefault.jpg
كذا خليتني روض به اشواقي لك مقيمه تسابق به عيوني لهفتي وتجيه تحتله ربيع تعشقه اهل النفوس الخضر وتهيمه على جلسة غلا طابت مع الفنجال والدله تعال ولك بساتين جناها حان تقديمه تبيك اشجارها تقطف ورود الكادي وفله ومادام ان لك وسط الحشامنزال وخيمه تعال وربع بقلب كتب لك هالغلا كله بوحي |
الساعة الآن 03:32 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه