|
رد: | من مذكرآت صبآي |
أجملْ بالحروف حين تنساب عذبةً سلسة بلا تكلفٍ ولا صنعة !
زخات المطر أمطرتنا الحروف شيقةً ممتعةً تروي العقل والعاطفة رفع ربي قدركِ وأسكنكِ الفردوس الأعلى من الجنة . |
رد: | من مذكرآت صبآي |
أجناب قسم العامية , هلا و مرحبا باللي لفى ,
مانقول اللغة العربية ممنوعة بس لو تحصل العامية بالردود نستانس مثل غيرنا اللي ماغيروا لهجتهم , و بدلوها بلهجات غريبه , لا هم بدلوها بلغة عربية صحيحه و لا هم قعدوا على لهجتنا , علشان كذا صار هذا القسم , لا تزعلون عاد ثمن ماعاد تجون |
رد: | من مذكرآت صبآي |
اقتباس:
أبشر يا بعد تسبدي ... تسذا زين ... والله يا إن حكيات زخات المطر ومذكراتها تنعش وتنومس . شفتاااااااا إني ما أزعل منك ياقلم صريح أنت و وجهك ... كلّش ولا فيصل بس لا تطيح من فوق الجدار . |
رد: | من مذكرآت صبآي |
اقتباس:
*** يلوموني فيك , كلك ملح و قَبلًه , على طاري طيحة الجدار , طحت و قضيت بس ماتبت ,, مرة الله يرحمها و يرحم أمهات المسلمين , حطت صمغ فيران على قطعت كرتون رصته بجمشتن في وسطها حصاة فوق الجدار , الجدار بين حجايين في السطح مهنا بعد عن الارض , مادريت عنه الا ورجلي تلزق في الصمغ و اجيك مهوي بالجمشه في حضني و دردب على السطح , ثمن جت تركض الله يغفر لها تقول الحمدلله انها ماطاحت الجمشه على راسك و نست تهاوشني , إستانست ؟ |
رد: | من مذكرآت صبآي |
اقتباس:
هلا هلا بأب المنتدى حفدوا المنتدى خلاص غديتا جد < اهم شئ انك عايشه الجو :blink: :ض: والدليل الي موهبته يتسلق على الجدران ويمترها هو من يسجل تاريخ المواليد :ض: هلا فيك منور واجد ادام الله بقائك وحضورك الحمدلله هذا من فضل ربي انني اجيد الثرثره على الصامت < اجل لو انه على العام وش بتسوين < يمقن مااحتسي يمقن ايه :D |
رد: | من مذكرآت صبآي |
اقتباس:
اللهم امين يارب . الله يغفر لها ويرحمها ويسكنها الفردوس يارب . مزدين في بعض الناس :spiteful: احترمُ جدي لدرجة اني قلت فالسابق اعلاه تقسيم 5674 رقم 101 محتجة لماذا لم يحطون انشودة جدي جدي جميل الضحكتِ , لم يزل حبه لو مات جدي :nhuh::ض: حبه ساكناً مهجتي < سبحان الله توني اعرف ليه مملكت موهبة الشعر :ض: الحمدلله على سلامتك فالجدار ولا فيك < بسرعه سوي تسجيل خروج :ض: |
رد: | من مذكرآت صبآي |
مره كان معنا شروخه من النوع اللي كان يجي منول , و علشان تعرفون قوته , نحطه تحت قوطي و نولعه ثم شوي الين القوطي طاير في السماء , المهم أنا ولعت الشرخ و جدعته , أحتريه يضرب أحتريه , أبطئ , قربت لمه و العيال يقولون لا لا تراه يخدعك ,
ماصبرت , خذته و أرفعته لثمي علشان اطفيه بلساني كان فيه ضو , أنا حطيته على لساني الا و ينفجر في وسط اثمي , مادري وش صرت اشوف زول العيال يركضون مادري وش خافوا منه و الدنيا تضرب و نين في راسي و الفطره هي بس اللي وجهتني لم بيتنا و لا لو جت على دبرتي كان يمكن اروح في حفرة و انا اصيح بونين و سكوت ثمن ونين وسكوت مدري من انا و ليش انا و يني فيه , رحت للبيت و لأمي صياح , ارتاعت الضعيفه و فتحت اثمي و قامت تطلع قرطاس كله دم , تقول بعدين أني اطلع القرطاس و أنا احسب اني اطلع لسانك متقطع . إستانسوا علي و تشمتوا ؟ يالله |
رد: | من مذكرآت صبآي |
أبشر يا بعد تسبدي ... تسذا زين ... والله يا إن حكيات زخات المطر ومذكراتها تنعش وتنومس . شفتاااااااا إني ما أزعل منك ياقلم صريح أنت و وجهك ... كلّش ولا فيصل بس لا تطيح من فوق الجدار . مو مصدقه شاعرنا أبو أبراهيم يتكلم مثلنا بالعامي أحسبه بس يتكلم باللغه العربيه الفصحى:biggrin: مره كان معنا شروخه من النوع اللي كان يجي منول , و علشان تعرفون قوته , نحطه تحت قوطي و نولعه ثم شوي الين القوطي طاير في السماء , المهم أنا ولعت الشرخ و جدعته , أحتريه يضرب أحتريه , أبطئ , قربت لمه و العيال يقولون لا لا تراه يخدعك , ماصبرت , خذته و أرفعته لثمي علشان اطفيه بلساني كان فيه ضو , أنا حطيته على لساني الا و ينفجر في وسط اثمي , مادري وش صرت اشوف زول العيال يركضون مادري وش خافوا منه و الدنيا تضرب و نين في راسي و الفطره هي بس اللي وجهتني لم بيتنا و لا لو جت على دبرتي كان يمكن اروح في حفرة و انا اصيح بونين و سكوت ثمن ونين وسكوت مدري من انا و ليش انا و يني فيه , رحت للبيت و لأمي صياح , ارتاعت الضعيفه و فتحت اثمي و قامت تطلع قرطاس كله دم , تقول بعدين أني اطلع القرطاس و أنا احسب اني اطلع لسانك متقطع . إستانسوا علي و تشمتوا ؟ يالله والله ماألومها الضعيفه لو أرتاعت الحين أنا وأنا أقرا لما وصلت لكلمه و فتحت اثمي ارتعت أحسب لسانك جاه شي كنت قوي ولا في أحد يحط شروخ في أثمه :D ياحبهم هالعيال للشروخه وياكثر منول مايروعوني بالشروخه والضببه :S وبعدها خربوني وصرت أنافسهم ع الشروخه ورديت لهم الصاع صاعين oa: |
رد: | من مذكرآت صبآي |
اقتباس:
وش هالشجاعه الاليمه ليه بس تحطه على لسانك وش هالشراسه الزايده:cool: ناوي تقلدني فالشهره:biggrin: ماادري من تقلد مادري اضحك او اصيح ههههههههههههههههه الحمدلله على السلامة زين جت سليمة وماختليت عقليا ولاغيره :biggrin: انا امسك الصاروخ بيدي شجاعة زايدة الين انفقع بيدي والحمدلله جت سليمة . وعلى طاري مادريت وينك فيه هههههههههه ذكرتني بموقف اليم كنت راكبه دبا بانا وبنت خالي اهي تسوق وانا وراها متمسكه زين اقولها لاتسرعين واهي تستعرض والمشكلة تسرع قلت وقفي ياويلك ماصدقتني تحسبني امزح طحت من الدباب يمشي واهو يسحبني الين طحت مره جاني خدش بس الحمدلله جت سليمة داخ راسي مادري ويني فيه قلت وين رجلي وينها قالوا وش رجلك قلت قصدي يدي ههههههههههههههههههه واقصد جزماتي الله يكرمكم . |
من مذكرآت صبآي |
اقتباس:
و انتم ياهالبنات بعضكم كان راس براس عند العيال ابن امه يسوي شيء لها تاكله اكل و سلامتكم و الله يبارك باللي حطت هالمتصفح نتذكر فيه غِبراتنا و حوستنا في ذيك التربات و يبارك باللي يشارك و اللي يبي يشارك |
رد: | من مذكرآت صبآي |
اقتباس:
و انتي سحبك دباب لكن لا يمكن تكونين اشهر من وحده من البنات كانت تلاحق الونيتات تعلق فيهم الين مره تعلقت في ونيت مار و العاده الونيت اذا وصل الشارع العام حاسب و وقف شوي يشوف فيه سيارات و لا لا ثمن ننزل , هذاك ماحاسب و لا وقف و الظاهر انه شايفها متعلقه المجرم , قام و لف لفه بنفس السرعه و طار و ذي شوشتها طايره و تصارخ ماوقف , خافت يروح بها بعيد , طبت على الزفلت و تجرحت و تمشخت و جت تعرج و حنا ميتين عليها ضحك نتشمت فيها و نقول ساد عليك . و الا تذكرت ذيك الايام و حلاوتها أقول ياشين الواحد اذا كبر |
رد: | من مذكرآت صبآي |
السلام عليكم
متصفح للفضايح الطفولية . الصراحة جازت لي مواقفكم و إستآنست وأنا أقراها وبديت استرجع أيام أول . ماشاء الله عليكم وعلى شجاعتكم في مواجهة المخاطر !ولا عمري سويت مثلكم > خوافه . بس بقولكم على موقف للشهرة وما أدراك ماالشهرة .. >> بس لو سمحتوا سكروا الباب وافصلوا المايك عشان عيالي مايسمعون ..الواحد إلا سمعته تتشوه .!! >> ماكنها حفظتهم إياها عن ظهر قلب .., الزبده اني كنت ممثله مشهوره ..أنتي يازخات بالطرب وأنا بالتمثيل المهم كنت أسوي روحي يغمى علي . لمنه أحدن ضايقن أو أبغى شئ أقول ( قلبي ..قلبي ) >> متأثرتن بالمسلسلات ثمن دردب أطيح على الأرض طبعا بداية التمثيل كان على اخواني بس ..يوم شفت أني نجحت قلت بسويها على المدرسات ..في أحد المراري إكتشفتن الاستاذه اني مصححتن لنفسي >> ماشاء الله تعتمد على نفسها حتى بالتصحيح !! عاقبتني بالوقوف آخر الصف >>عزت علي نفسي ورحمتها وشاورتها قلت وش رايك تسوين تمثيلية الأغماء قالت لي نفسي أوكي وأجي أطيح واصبخ بالكرسي وإختبوا الجميع اللي تجيب ماء واللي تهف علي بالدفتر فكانت الخطة ناجحة بكل المقاييس ولله الحمد ..بعد ماتطورت راودتني نفسي أسويها بأهلي >> مجرمه لكن يافرحة ماتمت اكتشفوا موهبتي بالتمثيل من أول مسلسل .. وحصلت منهم على جائزة محترمه وهي حرمان من شيء أحبه..!! خلتني أعتزل التمثيل لأني تبت إلى الله ..>> مثل ماقلتلكم في البداية اني خوافه ..! مايستفاد .. 1- الواحد لازم يبحث على الشهرة لكن موب بالتمثيل بس . 2- لابد من تشجيع المواهب وليس القمع والتحبيط . 3- لابد من وضع خطط مدروسه قبل تنفيذ المواهب . 4- الخوف احذفه من قاموسك لكي تضمن النجاح . |
رد: | من مذكرآت صبآي |
كنت راكبه دبا بانا وبنت خالي اهي تسوق وانا وراها متمسكه زين اقولها لاتسرعين
واهي تستعرض والمشكلة تسرع قلت وقفي ياويلك ماصدقتني تحسبني امزح طحت من الدباب يمشي واهو يسحبني الين طحت مره جاني خدش بس الحمدلله جت سليمة داخ راسي مادري ويني فيه قلت وين رجلي وينها قالوا وش رجلك قلت قصدي يدي ههههههههههههههههههه يالقلوده cb:حتى أنا قد طحت من الدباب طيحه أليمه :Sهالموقف لما كنت في ثالث ثانوي كنا في سدير مجتمعين في مزرعه وركبت الدباب وكنت مطفوقه طايره ومسرعه في هالدباب كان في ارض مرتفعه شوي كلها تراب ومادريت الا وأنا منقلبه أنا والدباب وطاح فوق رجلي وورمت علي وأنكسرت وتعالي شوفي الصيااح من الالم جلست أصيح مثل الأطفال :4r3:وكان اقرب مستشفى لنا هو مستشفى الحوطه قالوا مانقدر نجبر الكسر ورحنا للرياض وطول وقتي في السياره أتلوى وحطوا لي جبس يروع لما الركبه وربي حسيت بمعاناه المعاقين الله يدوم علينا الصحه والعافيه ... وعلى قوله أمي ياكثر كسوري cb:لان بعدها بسنه أنكسرت يدي بسبب سياره واحد يبي يسرق شنطتي وسحبني أنا وشنطتي :ـ.:مجرم الله يسامحه لما خذ الشنطه طحت تحت سيارته وياقوي قلبه مشى وكفرات سيارته مرت فوق يدي وتفتت العظم rt:وجلس الجبس فيني 6 شهور جتني الصيحه لما تذكرت الموقف لان عقبه جتني زي الروعه وجدتي كانت تخليني أشرب شي غريب ومخيس طعمه بس نسيت أسمه تقول انه زين للروعه ومن زود الشطانه اذا راحت كبيته cb: بنغير الموجه لما كنت في أولى ابتدائي يقولون اني ذكيه لان ام جيرانا مدرسه وكانت معي عمتي تدرس بس كانت كبيره في المتوسط وانا صعينونه في أولى وكنت ذاك اليوم أصيح اقولهم لهم جيبوا عمتي عندي في الفصل cb:سألتني المدرسه قالت وش تقرب لك فلانه تقصد عمتي قلت لهم تقرب لي بنت جدتي cb:مشوار لو قايله عمتي أسهل :D و سلامتكم و الله يبارك باللي حطت هالمتصفح نتذكر فيه غِبراتنا و حوستنا في ذيك التربات و يبارك باللي يشارك و اللي يبي يشارك اي والله ياحلو الذكريات وحوسه الطفوله يالله كل واحد يعصر مخه ويجيب لنا مواقف طفوليه ^_^ احتياج يالبى قلبك انت مثلي ياكثر ماأسوي نفسي تعبانه في المدرسه عشان اهج من الحصه :biggrin: مره لما كنت في ثالث متوسط في حصه الانجليزي كنت جوعانه ماتفسحت وبطني يصفر من الجوع قلت لصديقتي خلينا ناكل وهي كان معها مارس وانا معي مالتيزر ذاك الكور الشكولاته واخذحبه واكلها والمعلمه تشرح اذا لفت تكتب ع السبوره انا وصديقتي ناكل المهم كنت أكل وتوني حاطه هالكوره في فمي مادريت الا الممعلمه قالت يافلانه قومي أقري :shok:من الروعه بلعت كوره الشوكلاته بس مانزلت نشبت في حلقي وطلع شكلي وعنوني مثل هالفيس http://sudeer.com/vb/images/abtesamh/a%20(11).gif انقطع التنفس مادريت الا صديقتي تطقني بقوه مع ظهري لما نقزت الكوره وطلعت cb: وانواع الاحراج عند المعلمه cb: ماقلت لكم ياكثر مواقفي :biggrin: بس بكتفي بهذا القدر :) |
رد: | من مذكرآت صبآي |
قلم صريح هههههههههههههههههه اها عرفت ليه سويت كذا .
اما الي تعلقت فالوايت :shok: هههههههههههههههههههههههههههههههههههه من جد منتهية صلاحيتها على كثر ماجتني روعه عليها الا اني ضحكت ضحك الشريرة هذي مير السواق نجس طفس وراه ماوقف وخلاها تنزل بسم الله علي . و انتم ياهالبنات بعضكم كان راس براس عند العيال ابن امه يسوي شيء لها تاكله اكل مزدين فيكم:spiteful: عذبة الصفات : الدباب يالله سترك الحمدلله جت سليمة ياشين المغامرات . ههههههههههههه ياحياة الشقاء الشرير الي مايخاف الله وطاتس بكفر السيارةjup:lk: بغى قلبي يطيح الحمدلله على السلامة والعافية ؛ الي تعطيك اياه جدتك اسمه عصفر حق الروعات هيدا . :ض: اما المالتيزرز هههههههههههههههههههههه الجوع كافر صدقيني مايجي لجوع الا فالحصص حتى لو انك توك متفسحه انا اشرب عصير واكل بطاطس وافقع علك > وجهي وسيع لاقال العلك طع اتلفت ادور منهي <بريئة خالص .:ض: اما بنت جدتي هههههههههههههههه اعجبتني . احتيآج : عليكم السلام والرحمة والاكرام . الله انتحييها هههههههههههههههه اما انتي سالفتك سالفة هذا وانتي خوافه لو ماتخافين وش بتسوين :shok: ؟؟؟ بسم الله علينا بس حلوه قلبي قلبي ودردوب هههههههههههههه . لايكون اهلك حرموك من المدرسه تغيبين خخخخخخخخخخخ .:biggrin: حياك ياطيبة منوره بجد كرري الزيارة نوبات اخرى ودوتس وردة + وردة اخرى مجانا .:a (1): |
رد: | من مذكرآت صبآي |
متصفح رائع سعيده بقصصكم زخات ... قلم .... عذوبه كلكم اجرم راح اغامر ونزل لي قصه :happy: راح اقول لكم سالفه تعرفون كيف رحيق بريئه :grin: عشت فتره في مزرعه (اه على ذيك الايام جتها البتسوه :icon1366: اول ما نطلع من المدرسه نحذف الشنطه في الباحه :icon13::a (1): (ترجمه الصاله وعلى النخل ومعنا البهارات والملح مسروق من المطبخ الفجر وموزا تحت حصاة وراء البركه لان كل يوم على وحده تحطه في شنطتها مع الفزحه ومن الرجه نست المرجوجه بنت الجيران يومها العده في شنطتها :mt: عاد امها سنعه وكريمه في الحبحرtsf:المهم اول من عطس سواق التبيس عاد شايب :):).صرخ علينا قال يامال المر من حاطه في خبزتها بهارات:a (28): بنات الحاره عيونهم ع المرجوجه لانه دورها صارت عيونها تدور تقول الكره الارضيه قالت وحده من البنات بسرعه انطليه من الدريشه ردت وهى تدور عيونها الله ياخذ عمركم كل ابوكم,, بس بشرط مااجيب غيرها الكل شب فيها تخسين دورك ما اكله ترنج يابنت .......ولوع التبيس وما حسينى ان الشايب وقف وعلى روسنا يسحب قرنها جيبها يا التسلبه:((كان اقشر الله يرحمه هى الوحيده اول ما قالو مات طفقت :happy: رحيق ارجعى كميلي القصه يكثر بربرتك تيب المهم طبعا المغرب تجتمع الحريم عند باب وحده من الجيران يطفون اللمبه (يقال لهم ما يحبون الرجاجاجيل يشفونهم وهم قاعدين قالت حرمه السواق ام محمد يزين بهاراتك:) (تخليو كيف شكل ام محمد اكيد قالت الحرمه مجنونه :yes: ابونا جاب لنا منها (راحت ام محمد فيها ردت يا بنت الحلال انتى مضيعه ماعطيت ابوك شئ الا هو سارقها(عصبت ام محمد لانها تذكرت بهارات تنقص وخمس الحريم شكو في رجلها انه يسرق بهارتهم لانها تنقص كل مره وكلهم قالو لها ابوكم كل يوم يجب لكم بهارات (يالبى قلوبهم ماعندهم ردت قالت الشرهه مو عليكم على اللي تعلمكم وانتى ام محمد شوفي شنطه بنتك الدمغه تروح ببهاراتك المدرسه وقامت. والبنات مجتمعين في الباحه عندنا لان بيتنا اكبر واحد (بنت نعمه ..برااااااااااااا ودخلت علينا ام محمد تصرخ سوير يامال المصع تعالى(ياويل قلبي دعوه تكسر العظام ولان شعرها طويل وعراده احسن محل العقاب (دئما اقول لها ادهنيه بكريم الابيض ابو ورده http://sudeer.com/vb/images/smilies/tongue.gif المهم وشتغلت فيها طق ومعط شوشه حتى الشينه اعترفت علينا كلنا وحرمتنا من احلى شئ ترنج مع بهارات وبصل اخضر وملح asb: |
| الساعة الآن 05:06 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه