|
رد: فضفض بالعامي
إذا ما تراه ينقصك هو الحريه ؛ فأنت ضعيف بُني . 17 / 5 / 1427 هـ رحمة الله عليك . مرات كثيرة كنت أجالس بها جدي أتبادل أنا و هو كلمات تسلي لنا جلستنا التي أعتدنها و الناس نيام في الصباح الباكر , في يوماً من الأيام أتيت ولكن بصمت الهدوء وهذا ليس من عادتي جلست متكئاً على الجدار رافعاً رأسي إلى السماء و أغمضت عيني بهدوء و أنا أعلم بأن جدي يراقبني و هو يعرف أنني كتوم فتنحنح وقال ما أعرف سر يخليك إلى هالدرجة تنسى من حولك , أأساء إليك من تحب بُني ؟! قلت : ودي أصير حر في تفكيري و إختياراتي حتى ديني أبي أختار اللي أبيـه , طفشت تتبع ما قاله من في زمن أول أو من هو أكبر مني , أبي أصير حر يبـه . قال : طيب وش تبي مني أسوي . سكت أنا ! وقال يابوك أنت حر محد يملي عليك أفعالك و هذاني أحذرك تسمح لواحد يقولك وش تسوي . قلت يعني أنت مع كلامي قال كلامك هو ما ربيتك عليه أكيد أنا معك وأنت أصلاً حر و إذا ما تراه ينقصك هو الحريه ؛ فأنت ضعيف بُني . فكرة الحرية شلها من راسك خل الحرية هي طريقتك نفذها ولا تفكر فيها . .... و مع مرور الزمن عرفت أن للحرية قوانين لسلوك الدرب الصواب . و أقول الآن ليتني كتبت ما دار بيني و بينه حرفياً على ورقة لأحفظها فلهجتنا البدوية تحمل معاني حكيمة وذات عمق يجبرالسامع على التفكر بالحديث . شاركتكم بما لدي و أتمنى يلقى فائدة بينكم |
رد: فضفض بالعامي
سالفة صايره لها قناعه خاصة للي يقرا , الله يبارك فيك على هلحكمة الطيبة , بس خلها كلها عامي و ببدويتك الاصيله الاصليه عاد انتوم اهل القصص و السواليف , , ترانا نستانس على الحكيات اللي تذكرنا بالطين و بيوت الشعر و الوناسه الاوله , عافاك ربي لواء العز لا تحرمنا
|
رد: فضفض بالعامي
يـووووووه . . > معليشش جآيه اركـض خلوني أخـذ نفس يووه . . !
معليشش يَ جمآعه أسفه جداً على تأخير > ترآ والله مآسحبت عليكم بس خبركم أنظآم في الأجآزه ماشاء الله الموهيم سألت أمي عن حيآتهآ قلت لي . . مره رحنآ لبيت عم أبوي هي واختهآ الكبيره . . عآد كآنت جدتي الله يرحمهآ وأموآت المسلمين ان شاء الله . . تعطيهم أكل أو ملآبس مثل كـذآ يعني تقول أذآ جينآ عندهم تقولنآ (( متى الموت يجينآ انى في تسعين وذآ شآيب في 100 )) >> لآ اله إلآ الله معمرين ماشاء الله >< الله يرحمهم بس ^__^ وكآنت فيهآ غده كبييييره في حلقهآ وكنت تجيب شآأهي بأإآآأإآأإآأإآأإآأإآأإرد ! تقول أمي نتغصب وأنآ وأختي الكبيره نشربه عآد عند الأولين يعني فشيله الوآحد يردهم ولمآ شآهي يرفض انه يصب > مدري وش كآنت برقآنهم أول ؟ كنت تنفخ فييه عشآأإن ينزل أشآأهي ههههههههههههههههههههههههه والله حيآتهم كآأإنت كآنت توسـع الصـدر طبعاً ورتني بيتهم > اقصد بيت العجوز وشآيب بس نسيت اصوره >< لـي عوده بـإذن الله . . =) |
رد: فضفض بالعامي
أيه كانوا ينفخون فتحة الصب لأن ورق الشاهي أول عريض فيسد الفتحة, أول كلش راهي , أو مع البطى تمدد , و ثمن الشاهي البارد هذا شرب الخوجات , يسمونه أيس تي , يعني شاهي مثلّج , يحطون معه ثلج بعد ,
عودة حميدة , وكل هذا يسجل لك و للأخوات و الإخوان في هذا المتصفح , على الأقل نلحق شوي عن اللي صار أول و يوثق على قد حالنا فيذا . شكرًا الله يعافيك |
رد: فضفض بالعامي
ساآلفه يقولها عمي صارت بقريتنا عن حب زوج لزوجته وأم عياله
كان كل ماجاء ورآح وكل مادخل البيت يقولها (عساتس ماتذقين حزني ولا أذوق حزنك ) سبحان الله .. استجاب الله دعاآه ..في يوم من الأياآم كانوا جالسين في المشرآق تحت جدار طاآح الجدار عليهم و ماتوا جميع .. فعلا ( لم يذق حزنها ولم تذق هي حزنه ) . سالفة تذكرتها ومعجبتني وحبيت أنقلها لكم .. |
رد: فضفض بالعامي
رحمهم الله تعالى جميعا وأسأله تعالى كما جمعهم أزواج بالدنيا أن يجمعهم بالآخره . |
رد: فضفض بالعامي
إختنا إحتياج , كسرتي قلوبنا بهالسالفة القصيرة جداً ,
|
رد: فضفض بالعامي
كانفيه رجالن كبير بالسن , يغلط دايم في حكيه , مرتن ينادي على ولده :
" يامحمد , يامحمد " " سم " " خل العنز تحلب أمك " و لا : " خل أمك تحط الضو على الما " |
رد: فضفض بالعامي
أضحك الله سنك أخوي فيصل .. والله بعض الأحيان نطلع بلاوي بالحتسي خاصتن اذا استعجلنا بالكلام
|
رد: فضفض بالعامي
يصـلح أقـول عن مشغبآتي وانآ صغيـره ولآ مـآيصـلح ؟ =/
|
رد: فضفض بالعامي
سواليفن وش زينهن مرتن ابوي الله يحفظه يقول لنا عن ايام زمان يوم كان يدرس ويذاكر.ايام الامتحانات.............. كان هو مع مجموعه مع عيال خالته ..... يعني مجتمعين يذاكرون .. وعندهم صينيه به ابريق شاهي وبصحن سكر وكان معهم ولد خالة ابوي وياحول وهو يذاكر جاه النوم ونام عندهم .......وهو فاتحن <<< اثمه >> افمه ويجي ابوي ومعه ثاني << ياااهوووو ويكبون السكر بااثمه وصار السكر يخرفش ويقوم ويلحقهم وزعل عليهم خخخخخخخخ >> وعاد رسب ولد خالة ابوي يااااهو هاذا اللي مايذاكر.. مت ضحك اتخيل شكله شرق بالسكر... |
رد: فضفض بالعامي
اقتباس:
|
رد: فضفض بالعامي
اقتباس:
الله يسعدك أخوي |
رد: فضفض بالعامي
أجل أبقول وتوكل على الله . .
مره يوم كنت صغيره تعرفون أذآ جا رمضآن نتحمس نروح المسجد كنت أقدس هـ شي يوم كنت يوم كنت صغيره . . مآلكم بطويله الموهيم أهلي كلهم يعيو يرحون أمي كآأنت رجليهآ توجعهآأإ متفخه وأختي البيت طآيح على رآسه ضعيفة الله فظطرت تقعد وتروح يوم ثآني أنآ عصبت أبي أروح المسجد أبي اصلي ~> أطوع مقطعني يةم صغيره :ض: ودقت أمي على خآلتي وقآلت اجل مآدآمتس بتروحين للمسجد مري غلآ وخـذيهآ وأنآ برقص من الفرحه وأخيراً بروح المسجد :ض:. . شفت حمد أخوي : وصلني عند خآلتي بروح معهآ المسجد قآل يله أجل مشينآ وشفنآ حرمه تمشي بتروح المسجد قآلي : روحي هـذي خآلتي ~> توبه أن صدقته ! >< وأروح لهآأ طيرآأإن وأمسك يدهآأإ خـآلتـي فلآنه وتلتفت ومسكت يديني قآلت لي : يَ بنيتي انآ موب خآلتس فلآنه تعآلو شوفو قلبي بيطلع من مكآأنه مآزل الوضـع تمآم وصلنآ للمسجد بدينآ نصلي وحنآ سآجدين والله وتنحآش بنت أبوهآ من المسجد وهي تصيح ومسك خط لبيتنآ طبعاً المسجد قريب لبيتنآ وانآ أركض وأصيح فجأه حسيت أحد يمسكني يوم لفيت لقيت خيآل الأبدآع مسكتني ! (( غلآ وش فيس )) (( وأنآ صيآح وشهآق )) ~> لآتلوموني ترآ مآتعودت اروح المسجد إلا مع أهلي أو خآلآتي وأشوى الله هـدآني رحت وصليت معهم ويوم خلصنآ قلت لخيآل السآلفه يوم جيت لبيت تعآلو شوفو الهوآش من أمي واليوم الثآني هآشوني خآلآتي عآد كنت ضعيفة شخصيه مآعرف أرد خفت أرد وألقى طرآأإق موصلني لسدير عقبهآ قسم بالله حرمت أروح إلآ مع أمي وأختي وبس عآد يوم كبرت صرت الوضع عآدي يعني بس مستحيل انسآه كلمآ تـذكرته ضحكت بس السؤآل الي حيرني وشلون نحشت مدري ؟ خبري يومي صغيره خوآأإفه مرررره . . !! |
رد: فضفض بالعامي
مشاء الله عليكم قصص الطفوله والبراءة شيء رائع بارك الله فيكم انا ايضا حصلي قصص كثيرة واناطفله يعني سبع ثمان زي كذا عند اهلي عيب البنت تطلع في الشارع تعرفين اهل القرى بعضهم شديد شوي وانبسط اذا رحت لاخوالي في احدي قرى سدير ---وحدة ما تستحي:nhl: نطلع ونروح على كيفنا محد يقول شيء ففي يوم من الايام كان فيه بدو يسقون جمالهم مويه واحد من البدو كان منزل راسه في القليب يشوف المويه<البير> فجيت انا يالمرجوجه ودفيت الرجال لانه مضيق صدري بوصاخته وريحته خايسه طاح الرجال في القليب عادي عندي البنات الي معي مايدرون وش السالفه لانه شيء نعتبره عادي فجاه جا خالي يبي ياخذنا الا ويسمع الي يصايح وقال وش هذا الصوت قلتله هذا وصخ ودفيته علشان يتنضف طبعا قام بالواجب وطلعو الرجال ولا ادري وش صار بعدها لان خالي سحبني باذني ووداني البيت انا والي معي وعطاني كم طراق بس ماصحت ابد علشان مااضحك البنات علي فدخلت الغرفة وصحت الين قلت بس --استاهل--- ولي قصص اخرى في الاجرام ساوردها لاحقا انشاء الله |
| الساعة الآن 04:29 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه