|
رد: من روااائع قصائد الأمير بدر بن عبد المحسن
مزهريه لاإانتي وردة .. ولا قلبي مزهرية من خزف صدفه وحده جمعتنّا .. شوفي وشلون الصدف التقينا في مدينه .. وفرقتنا الف ميناء اغفري للريح .. والموج .. والسفينة كانت الرحلة حزينة .. للاسف كنت أحلم لما ناديتك بسافر مع عيونك في شعاع الفجر باكر والله اعلم إني صادق كنت أحلم إني عاشق لاأخاف ولا أضيع .. ولاأفارق ويش اقول غير إني آسف ويش اقول انا خانتني العواصف والفصول آه .. ياتعب المسافر في أراضي الجرح و في بحر المحاجر مالهذا الحزن آخر .. او لهذا الجرح آخر ياشمسي الأخيرة .. في اللحظة الأخيرة أنا .. لي كلمة أخيرة إغفري لي إبتسامي .. قبل جرحي حاولي تنسي كلامي .. قبل صمتي ولو زعلتي .. ياأعز الناس إنتي |
رد: من روااائع قصائد الأمير بدر بن عبد المحسن
ردي علي الصوت ردي علي الصوت ردي حياتـي صمتك على شكوى حنيني مذلّـه اما اقطعي حبل الوصل بالنّجاتـي والا عطينـي باقـي الـود كلّـه لا توعديني عذب الصبـر ذاتـي والبعد حالي مع عنا الوجد سلّـه اشكي الجفا لك ما شفيتي شكاتي الوعـد الأول للقـا فـات حلّـه يرضيك يصبح شملنـا للشتاتـي يرضيك نرضي كل نفس(ن) مغلّه يرضيك لا فرحوا بهمي عداتـي و أقفوا يقولون الغضي عاف خلّه ردي علي الصوت يكفي السكاتي قولي لغيرك ما هفا القلـب للّـه |
رد: من روااائع قصائد الأمير بدر بن عبد المحسن
سلمى اللـي طعنّي بين الاضـلاع وأدمى هذاك نــدٍ لي ونعمـين فارس ومن ينطح الوقت الردي قلبه أعمى كم عامـرٍ خـلاه بالقاع دارس يـابنت مـالي قلب بـالحب يرمى كفي سهـام الفاتـرات النواعس المـا عيـوني أظهـريني مـن المـا وأنـا غريـق الدمع والريق يابس ظميـان من مثلي من النـاس يظما؟ وأنـا علـى أحلى الينابيع حارس والله يالـولا فيّـة عيـون سـلمى ماشوف كل الناس ضاحك وعابس مـن طـاب لي بالنـور ماني بظلمة ومن جـادلي بالغيث مـاني بحابس |
رد: من روااائع قصائد الأمير بدر بن عبد المحسن
يفز نجم يطيح جفن الليـل واهـز كتفـه يفز نجم ، وباقي الليـل مطفـي واحاكي الجدران عن مثل غرفه ماتشبه الجدارن ويطول وصفـي وتملني الجدارن واظهر لشرفـه تحت السماء واسكر الباب خلفي ليت الشوارع تجمع اثنين صدفـه لا صار شباك المواعيد مجفـي ريحٍ تهب وتسكن العظم رجفـه وتموت ريح وتسكن اوراق نزفي على الروابي تهطل دموع وطفه ويصب لمع بروقها وسط طرفي ياطاري الغدران ، والعمر رشفه مع قلّها ، ياليتها ييـوم تصفـي الحب واجد مير الأقـدار صلفـه والارض واجد لكن العزم منفـي والي اعرفه راح مانيب اعرفـه ولااظن يذكرني اليا اقلبت مقفـي ماهو حبيبي مورد القلـب حتفـه ولاهو حبيبي يفرح بوقت ضعفي مُّر ثمر هالليل ، وامـر قطفـه يالحنظل الي صرت اذوقه بكفي هذا وتّو الليـل مـاراح نصفـه ياليل بعض اللي مضى منك يكفي |
رد: من روااائع قصائد الأمير بدر بن عبد المحسن
كل شيئ .. دايم في وقته.. ليه؟؟ كل شي .. حنا نحبه .. صعب نستعجل عليه .. طيب .. ليه؟؟ يا ترى انتظار الشيئ .. هو سفرٍ اليه ..! احملي اللحظه حجر .. وطوحيها في المدى .. تصبح الساعة .. دقيقه غيري الزمن الحقيقه طلعيني من الصور .. من الخطوط .. الحزينه اطلقيني من الشطوط ومن مجاديف السفينه اجمعي الصوت .. الصدى احملي اللحظة حجر .. وطوحيها في المدى .. كل شي دايم في وقته عجيب .. وكل شي حنا نحبه كثر ما يظهر ,,‘ يغيب .. يا ترى .. منهو البعيد .. منهو القريب ..! ما لنا وقت .. وقتنا دايم يجي .. الزمان اللي يروح .. وان سألتيني أحبك .. كثر ما تشفى الجروح .. اشطبيني الف ذكرى .. واكتبي .. اللي يتذكر .. غبي واللي ما ينسى غبي ودي اشوفك .. باقي لحظه هذا كل اللي أبي .. .. |
رد: من روااائع قصائد الأمير بدر بن عبد المحسن
الوعد باكر .. و لو تأخرتي لا يجي باكر ما أبي باكر بدونك احبسي الفجر في عيونك و إن أشغل طيفي ظنونك واعديني بعد باكر ... أنا ظلي تحت شمسك و لو تغيبي ما هو ظلي .. و انتي اسمك في حياتي يهمسه بعضي لكلي .. آه يا ضعفي و غروري اعدلي فيني و جوري و اصدقي راعي شعوري و واعديني بعد باكر .. هذا وجهك في عيوني ما رسمته لا وربي .. و اللي يصرخ في ضلوعي هذا صوتك ماهو قلبي .. آه يا شمعة وجودي .. اشعلي نارك في عودي.. اهجري قلبي و عودي و واعديني بعد باكر .. |
رد: من روااائع قصائد الأمير بدر بن عبد المحسن
غديت انا غديت انا وانتي طفلة وطفل .. تبكين ف وداعي وانا كني مفارق أهل .. وبيت صغير ودرب كهل .. ياللي على خدك كحل لوتمسحيه وتتبسمي مال البكا داعي ياللي سنا عيونك أمل لا تقتليه تتألمي مال البكا داعي يا اول مواعيدي ويااخر مواعيدي انتي فرح عمري وجرحي وتسهيدي .. افارقك ليله يا طولها ليله .. واجيك انا باكر وقلبي على إيدي .. ومادري سبب خوفك وانتي العمر شوفك .. ياللي على خدك كحل لوتمسحيه وتتبسمي مال البكا داعي ياللي سنا عيونك أمل لا تقتليه تتألمي مال البكا داعي وغديت انا وانتي طفلة وطفل .. تبكين في وداعي |
رد: من روااائع قصائد الأمير بدر بن عبد المحسن
يا سيد الناس الما ركد والجريد الغض ما هزه نسايم والزمن لا جا ولا راحي جمحت يا مهر حظي وأثر بك فزه ما طولت كلها غارة ومشواحي لو كنت رمح بكفي كنت با هزه لاشك من هو عليه أهوش بسلاحي ولو كنت بيرق عقيد وين أبا رزه وأطول طويل أشوفه هضبة جراحي يا سيد الناس شمسك مالها حزه تعبت أماري بشمعي وضي مصباحي من مس نورك جبينه يبشر بعزه ومن مر غيمك عتيمه بارقه لاحي يا سيد الناس كل لابس بزه صعب نفرق ما بين الخبل والصاحي كم واحدمر قال عيوني تخزه هو ما درى إني عمى عن قاصر أشباحي أنا عيوني تتل النجم وتكزه عن حارك الفلك هذي عادة رماحي وما ألوم حظي تعب من كثر ما دزه لو هو لغيري نساه الهم وإرتاحي |
رد: من روااائع قصائد الأمير بدر بن عبد المحسن
أحبك مابقى في السما نور ومتى جفاني العمر وشلون أحبكلليل أحبك مابقى في السما نور والى ضواني الليل للصبح أحبك واللحظة اللي كلها صد وغرور اشوف قبري بين عينك وقلبك في صدري اسراجٍ حزين ومكسور رغم المطر والريح شلته افدربك والله مابه غير لوعاتي قصور وخوفي عليك الله ربي وربك إلى متى ببني على صمتك جسور لاحيرتني اسباب سلمك وحربك العمر احبك مابقي فينى شعور |
رد: من روااائع قصائد الأمير بدر بن عبد المحسن
ياغيابه اتعبوني بالسؤال مادروا اني جوابه بس لا شفتوا عيوني جاكم الرد وعليه يزعلو مني لاني اعشقه حتى بغيابه وان صوته لالفاني تغرق احزاني بيديه افهموا يلي تعيبو مابه احدن له يشابه يكفي لا نادى بأسمي لبت ضلوعي واجيه فرحتي بعده سجينه واقفه قدام بآبـه ياغيابه خـل عنك كل مافيني يبيه ياغيابه فهم اللي مالقو عندي إجابه قلهم اني كرهتك كثر ماكنت احتريه خلهم يدرون اني مالي من دونه قرابه حتى اصحابي تلاشو كلهم بعده وجيه او لحظه ان تمادو بفتح الخافق وبابه حتى يقتنعوا بأنه مالك القلب بيديه يلي كنتوا تسألوني ليه احبه وش جابه اعشقه لنه وحيدن ماله بعيني شبيه مابه اي شيً مميز ولا غريبن في طباعه يكفي ان صوته يخلي كل مافيني يجيه |
رد: من روااائع قصائد الأمير بدر بن عبد المحسن
لآ تجيـن و آن لمحتي في عيوني جمر شوقي لآ تجيـن لأن لو جيتي بلين مو حنين آللي گتبتہ مو حنين هذي تشگيلةة حروف ترسم آلصدق . . آلظروف وتوصف آني گنت شآيف و آگتشفت آني مَآشوف وضيّعت نفسي وبعت قلبي من سنين تزعلين لو آقول آني گرهتگ تزعلين آدري ودگ تعرفين وش سبب هآلشي هذآ وترحلين آسمعيني و آفهمي معنى گلآمي و آلحنين تذگرين تذگرين شلون گنتي في عيوني تغرقين تذگرين شلون حآلي لمآ گنتي تبعدين تذگرين شلون گفي ترتجف لمآ تجيـن مآگرهتك بس مآبي ترجعين مآبي آلآ عن حيآتي . . يآممآتي ترحلين ومآ تجيـن حتى لو آنگ لمحتي دمع عيني لآ تجيـن وآعرفي آني ترگتگ و آني لآ يمگن ألين لآ تجييييين للحين آحبك ومّ كرهتككِ بسس مآبيكك ترجعين |
رد: من روااائع قصائد الأمير بدر بن عبد المحسن
ياصاحبي باموت من كثر الحنين ليه أحس إني وأنا اشوفك حزين وقلبي الليله بهمي ممتلي كانها الفرقى طلبتك حاجتين لا تعلمني ولا تكذب علي خلني ما بين شكي واليقين السكوت رضاي عنك، وزعلي باكر اللي خافي لازم يبين والوعد بلقى مكانك به خلي وانتظر لي ليلةٍ، او ليلتين لين ما يقفي السحاب وينجلي ولا طويت الياس ،بذرف دمعتين للهوى الغالي وبا وادع هلي صاحبي بموت من كثر الحنين خلني بختار لحظة مقتلي |
رد: من روااائع قصائد الأمير بدر بن عبد المحسن
مجنونها لعيونها بس لعيونها قلبي سراب بدونها .. قلبي سراب وعيني سراب ما اقول أعشقها بعقل مجنونها البارحة مريت في أحلى الفصول صيف وشتاء وناظرتها وقلبي يقول هذي العيون إلى متى حبيبتي ياكثرها عيونك على هالليل وين ما التفت اشوفها .. حبيبتي يازينها عيونك على هالليل سحرني برق سيوفها ما أقول أعشقها بعقل مجنونها قمري يا شمس الذهب سفري وراء عيونك تعب قلبي تعب وصبري تعب ومن الهدب لين الهدب بحر ومراكب من لهب أمواج تبحر برضاه وأمواج تلعب بي غضب |
رد: من روااائع قصائد الأمير بدر بن عبد المحسن
ياللي عيونك يـاللي عيـونك دم وعيــونك عـــروق ولهــاث قـلــبٍ فـي نـواعـســـك غـــارق أقــول أحبـك يخـرج البحـر صنـدوق تبـــرا الغـــزاة وكـنــز ســــود البيــارق وأقــول أحبـك صـدرالايـام مشقــوق عـن وجـه غـرنـاطه وعــن مهـر طـارق وأقــول أحبـك والله إني مـن الشــوق ألـقـــا طـيــوفـــك فـي جـمـيـع المفــارق كتب لك قلبٍ مــن القـلب مـســـروق ولا طاب لي وصفٍ من الوصف سارق |
رد: من روااائع قصائد الأمير بدر بن عبد المحسن
كانك تدق القلب دقك على الدف زل الطرب يا موجع الطار بالكف شابت قوافي الليل نور الضحى لاح تلعب وانا ما عاد لي بالطرب شف لعبك بروحي بدل الفرح بجراح كانك تدق القلب دقك على الدف عسى الضلوع توقّي القلب لا طاح شفتك ولا ادري من قضب بعدك الصف ناسٍ كثير وكنهم عندي أشباح نورك دعاني عندك الشوف وقف كنه فنار لاح في عين ملاح من له ثمان اسنين من راح منكف خلى السفين وعارض الموج سباح من فرحته ما حسّب الحبل يتلف غلب عليه الموج والقاع منزاح |
رد: من روااائع قصائد الأمير بدر بن عبد المحسن
|
رد: من روااائع قصائد الأمير بدر بن عبد المحسن
المرايا كلنا عشاق لكن .. إنتي لا ما انتي معايا .. لما تجمعنا الأماكن تاخذك مني المرايا .. انتي مشغوله بروحك ما ملك عقلك وروحك لا أنا.. ولا سوايا اعطي ظهرك للمرايا .. وشوفي غيرك اظهري من ليل كحلك ومن أساورك وحريرك افتحي الشباك مره .. شوفي الناس والشوارع وش كثر هالغربه مره .. للي وسط الزحمه ضايع انتي مشغوله بروحك .. ما ملك عقلك وروحك لا أنا.. ولا سوايا كلنا عشاق لكن كل واحد له حكايه .. كلناعشاق لكن كلنا نحبك.. نحبك وأنتي جرحك في ساكن .. وأنا جرحي برا قلبك أمشي لو نصف المسافة .. وقفي بينك وبيني أكسري كل المرايا .. أنتي أجمل وسط عيني يا للي مشغولة بروحك من خذا قلبك وروحك هو أنا .. ولا سوايا كلنا عشاق لكن كل واحد له حكاية |
رد: من روااائع قصائد الأمير بدر بن عبد المحسن
سراب الدمع وأنفاس القوايل الســــــــهر وقــــــــدة تصلى الجــــــــــروح والهـــــــــــوى مــــــــــابكت عين الجـــــــــريح في الجـــــــــــمرة دلة صــــــــفرا تـــــــفوح وانا قلبـــــــــي على الشكــــــــوى شحيـــــــح اقـــــــــشر العـــــــــشق عشــــــق مايبوح لين يفـــــــــنا عتــــــــب او يستريــــــــــــــــح اقضــــــــــــــب اللــــــــــــيل تكفــى لايروح دام لـــــــــــي باالصـــــــــدر عــــــرق يصـــيح باكــــــــــر وداع وفــــــــــــراق ونــــــزوح تطلــــــــــــــــع الشمــــــــس ونجومـــــــي تطيح |
رد: من روااائع قصائد الأمير بدر بن عبد المحسن
ياضاوي الليل ياضاوي الليل نورك اخلف سراجي خلا السفر ينطفي في عتمه عيونك اقبلت صبح نثر في متنه الداااجي جدايل مشطت بضلوع مضنونك تسابقت العيون وجرحي اللا جي في القلب طفل لمحته يقضب ردونك يامرحبا من ضمير ظامي رااااجي كم ليلة قد طواني الياس من دونك ليت الليالي وعدك وكل من دااجي انت وجميع الثرى تذكر به طعونك |
رد: من روااائع قصائد الأمير بدر بن عبد المحسن
أستبد استبد..استبد احيان استمد كل هذا الظلم من ألمي اتحد من راسي .. لقدمي واضرب بعواصفي وبزلزالي واهّدم الناس .. واهدّم بحالي لين استرد بعض اثيابي من الريح ولحمي من الشوك.. وابتعد..ابتعد واحيان ما املك العواصف .. ولا الزلزال ولا حتى .. ف الهجير .. ظلال لكن استبد.. استبد باللي عندي اضرب بيدي ف الهوى.. بجبيني ف الصخر لين اتعب ..اتعب..وانهمد مثل طفل اضناه البكا.. والسهر وانتي آخر ماأعد في عمري واجمل ما أعد اعشقي ظلم الغصون الخضر للحطاب والجلد للأنياب..والجفن للسكين اعشقي هالظالم المسكين... واتركيني انصهر في الشمس والا ارتعد في البرد لكن استبد.. واسترد اثيابي من الريح ولحمي من الشوك وابتعد .. ابتعد |
رد: من روااائع قصائد الأمير بدر بن عبد المحسن
|
رد: من روااائع قصائد الأمير بدر بن عبد المحسن
لكل قصة حب في كل قصة حب أحلام ومدينة .. ليل ونخيل وهبوب .. لكل قصة حب لو كانت حزينه .. أجمل ألوان الغروب .. ناظري ضي الحوانيت القديمه .. ونقش أبواب البيوت .. كلها شعر ومواعيد قديمه .. وصوت قلبي اللي يموت وما يموت .. لكل قصة حب عذال وحسود .. ليه تخدعنا الأماني والليالي السود سود إشعلي جمر العناد قربي معاد أشوفك .. لا يفرقنا السواد .. ارسمي وجهي بكفوفك .. ولا تجرحنا عيون الليل وحروف النميمه ولا يعذبنا السكوت .. إن عطشنا أو شربنا الدمع ديمه .. للهوى بنحيا ونموت .. لكل قصة حب أشواك ورود .. وليه نصرخ من ألمها وكلها تنبت في عود .. ناظري هذا قمرنا لو تغطيه الغيوم .. وناظري هذا شجرنا مهما تحرقه السموم .. ولو تجرحنا عيون الليل وحروف النميمه .. ولو يعذبنا السكوت .. إن عطشنا أو شربنا الدمع ديمه .. للهوى بنحيا ونموت |
رد: من روااائع قصائد الأمير بدر بن عبد المحسن
|
رد: من روااائع قصائد الأمير بدر بن عبد المحسن
اغـفر لي الزله أبيك في كلمةٍ لو هي خطا تغفـر لي الزله وردتك ظاميٍ وان عز وصـلك بااقطع حبالي أحبك ذا ترى أول كلامي .. وآخره كله ولكن وش يضر اليـوم لو تدري عن احوالي وخذ ما جـاز لك من هالحكـي واللي تبي خلـه انا لا قلت ما في خاطري والله ما بالي ظلال العاشق جروحه ومن ما يتبعه ظله أمانة يا شعاع الشمس لا تغضب من ظلالي وتقـدر تطـوي الدرب البعيد وتقـدر تفـّله ولكن صعب تمنع في الهـوى صبري وترحالي وتقـدر تغمد السيـف الرهيف وتقـدر تسلّه ولكن عـند خلاّق البرية علم الأجالي متى عمرك سمعت بعاشق قد مات من غلّه هذاك الحاسد وراعي الهوى تتلفه الأمالي حبيبي من يعـزك في الهوى ما تقدر تذله ترى قربك يزيدك بالغلا وان عفتني غالي |
رد: من روااائع قصائد الأمير بدر بن عبد المحسن
لا من غبتي شمس لامن غديتي شمس..وشلون اعذلك لابد مايظهر مع طلتك نور ما الومهم لو لدت عيونهم لك من ناظرك ياربة الحسن معذور تلطفي وان كحل التيه نجلك وتواضعي لوبك غدى الحسن مغرور أغار لو بالزين قد ذكر مثلك وأغار لو غيري سبقني لك شعور لاصار لي قلبك..وروحك..ووصلك لاقافلٍ بابٍ..ولا بانيٍ سور |
رد: من روااائع قصائد الأمير بدر بن عبد المحسن
خذاك .. الموعد الثاني الموعد الثاني خذاك .. الموعد الثاني نويت ... تغيب .. وتنساني مشت بك .. خطوتك لبعاد وتركت .. لدمعتي ميعاد مثل ذا الوقت تلقاني وخذاك ..الموعد الثاني أحبك .. كلها كلمه ونظرة شوق خداعة عطتني ..بالأمل دنيا غريبه .. يومها بساعه خذتني .. غصب عني لك حسبت إني قمر ليلك واثر شوفك تعداني وخذاك ..الموعد الثاني صديق الليل لو تندم .. على جرح تركته لي لا انسي قلبك المسكين حبيب جرحك قبلي ولكن سكتك تحتار ابد .. بين الندى والنار والى منه قضى المشوار بدا مشوارك الثاني |
رد: من روااائع قصائد الأمير بدر بن عبد المحسن
في دروبي رمل في دروبي رمل لا من جيت ساري ينبت الأشواك لا من رحت ساري صاحبي ما جيتك الا وفي طريقي من ربيع العام نوّار وخباري ولا تواعدنا وبه في الأرض زهره ولا تفارقنا وبه للبرق طاري لا تأخر دام لي في العمر ساعه ولا تقدم لين أشوفك في إنتظاري الزمن ورده سهرت أحسب ورقها وإن قضا ما جيت في دموعي عواري حبّني كثر الذي نلقى بوعدنا من ظلال وريح ونجوم وغداري صاحبي مثل الخجل لو تكتسي بي قبل أصير الشال يذهلني إنحساري يا قريب البعد للشكوى أسامي الجفا والخوف وآخرها حذاري وانت لو خان الزمن بقول وافي لا أنا تركي ولا أظنك مشاري |
رد: من روااائع قصائد الأمير بدر بن عبد المحسن
غديت انا وانتي غديت انا .. وانتي .. طفلة وطفل تبكين فـ وداعي .. وانا كني مفارق أهل وبيتٍ صغير .. ودربٍ كهل ياللي على خدك كحل .. لوتمسحيه وتتبسمي .. مال البكا داعي ياللي سنا عيونك أمل .. لا تقتليه تتألمي .. مال البكا داعي لا تقول ودعتني داري بالحيل مالي عليك عتاب أه لو تدرين لو تدرين لا عود العاشق حزين يمشي على جفن و جبين لا باس يا القلب الشجاع ضاع الأمل مالك عذر عطني ي ليل اليأس شـــــمعه و سكه و دار عطني في ضياع العمر دمعه و بسمة نهار و أعطيك أمل في الحب غالي يصعب على غدر الليالي إغفري لي إبتسامي .. قبل جرحي حاولي تنسي كلامي .. قبل صمتي ولو زعلتي .. ياأعز الناس إنتي عطني من ايامك نهار .. وباقي العمر للي تبي من لمست عيوني الشعاع زندي انثنى رمحي أنكسر عطني في ليل اليأس شـــــمعه و سكه و دار عطني في ضياع العمر دمعه و بسمة نهار حاولي تنسي كلامي .. قبل صمتي ولو زعلتي .. ياأعز الناس إنتي عطني من ايامك نهار .. وباقي العمر للي تبي |
رد: من روااائع قصائد الأمير بدر بن عبد المحسن
الخاطره الأولى بعنوان أنتي حلم انتظرتك .. عمري كله .. وانتي حلم ومرت الايام والله .. وانتي حلم ليه تأخرتي علي توهي مره واسالي كوني في غير الزمان .. والا في غير المكان كوني عمري .. عمري كله اللي باقي .. واللي كان انتظرتك عمري كله .. وانتي حلم كل نجمه شعشعت والقلب عتمه .. كانت انتي كل حرفٍ حرك شفاهي بكلمه .. عنك انتي وكل حبي اللي مضى والحب قسمه .. منك انتي كانوا الاحباب ظلك .. بعض احساسك ونورك ما عرفتك يوم كلك .. ياللي في غيابك حضورك انتظرتك عمري كله .. وانتي حلم هذا إنتي .. قولي والله إنه إنتي وين غبتي ؟! .. عني هذا الوقت كله وين كنتي ؟! .. شيبت عيني طيوفك .. وما أصدق إني أشوفك ياللي قلبي في كفوفك .. نقش حنا وفي جديلك عطر ورد آتمنى .. لو تكوني في فراغ اعيوني وعنى وفي سموم ضلوعي برد ليه تأخرتي علي وما طرى لك تسألي ليه نأخرتي علي .. وما طرى لك تسألي إنتظرتك عمري كله عمري كله .. وانتي حلم |
رد: من روااائع قصائد الأمير بدر بن عبد المحسن
قلت اللي في قلبي ياحروفنا الملح في شفاهنا الحنضل . كان السكوت أفضل ولا الكلام ؟ قلت اللي في قلبي وخرج الحكيمن الحكي وما عاد اخيامنا طويت كافي ندق اوتاد الكلمه ماهي انتصار ولا انكسار كانت حقيقه يوم انقطع حبل الحوار يا حروفنا الحنضل في شفاهنا الملح زعلوا حبايبنا كان السكوت أفضل |
رد: من روااائع قصائد الأمير بدر بن عبد المحسن
قصت ضفايرها قصتّ ظفآيرهآودريتّ البآرحه جآنيْ خبرر ! آدريّ لبستْ خآتمّ عقيقّ ، وتقرآ لهآ كتآبّ عتيق ، كتآب وآظنه شعر.. وآعد آنآ حجآر الطرريق اللي يوديّ لبيتهآ ! وآعرفهآ زين ” وآنآ مآشفتهآ ولآ جيتهآ “ قآبلتهآ صدفةّ على شفآهـَ الصحآب ( بسمة آمل حسيتهآ وهمسة عذآبّ ! ) نجمة … بعينيّ وصلهآ فوق السحآبّ ، صآرت هي الخبر الجديد وعلومهآ هميّ الوحيد .. وش هم لوكآنتّ بعييد ؟ غصبٍ عليّ حبيتهآ ! حبيبتيّ يآحلم .. يالليّ آعرفكّ آنتيّ وجه تصورهـّ الحروفّ وآتخيله شيّ آحس آنه قرريبّ ومآآوصله آنتيّ اللي آعرفه زينّ ../ والليّ آجهله آنتيّ ) حبيبتيّ يآحلم حبيبتيّ ويآليتهآ !! ” آعرفهآ زينّ وآنآ مآشفتهآ ولآ جيتهآ |
رد: من روااائع قصائد الأمير بدر بن عبد المحسن
سلمى اللـي طعنّي بين الاضـلاع وأدمى هذاك نــدٍ لي ونعمـين فارس ومن ينطح الوقت الردي قلبه أعمى كم عامـرٍ خـلاه بالقاع دارس يـابنت مـالي قلب بـالحب يرمى كفي سهـام الفاتـرات النواعس المـا عيـوني أظهـريني مـن المـا وأنـا غريـق الدمع والريق يابس ظميـان من مثلي من النـاس يظما؟ وأنـا علـى أحلى الينابيع حارس والله يالـولا فيّـة عيـون سـلمى ماشوف كل الناس ضاحك وعابس مـن طـاب لي بالنـور ماني بظلمة ومن جـادلي بالغيث مـاني بحابس |
رد: من روااائع قصائد الأمير بدر بن عبد المحسن
حسايف التفت ... وتوها ... توها ما اختفت ... ماكساها الليل ... باللون الحزين ... التفت ... وتعالت صرخته ... في نظرته ... صاح ... لكن بالنظر ... وانكسر .... شوفه عثر ... حسايف .. تذبل الضحكه وهى بين الشفايف .. تذبل الفرحه وتضيع ... ويصبح الكون الوسيع ... مايكفي خطوتين .. لاكساه الليل بااللون الحزين .. يوم مدلها يده .. كانت الرجفه لقا .. ودعت فيها الشقا .. وتركت بين الاصابع .. عطــرهــا .. وعمرها ... عمرها ماجت على وقت الوعد .. إلا ذاك اليوم .. وعمرها .. مابكت .. وماضحكت .. ماحكت له .. واسكتت مثل ذاك اليوم .. كانت اجمل من خياله .. كانت انظر .. كانت اكثر .. من أماني عمره الظامي حنين .. واختفت .. من كساها الليل باللون الحزين .. اختفت في الطريق اللي معه.. كانت تجيه .. كيف دربٍ جمعه معها .. خذاه.. ليتها اختارت سواه.. تزرع الفرقا لياليها .. عليه .. وحسايف ...و حسايف |
رد: من روااائع قصائد الأمير بدر بن عبد المحسن
فقيده
متى يشرق بدر حضورك هنا وفي جميع اركان المنتدى ؟؟؟؟؟؟؟؟؟؟؟؟ |
رد: من روااائع قصائد الأمير بدر بن عبد المحسن
اقتباس:
لا حرمني الله منك ولا من وفائك ولا من أخوتك الطيبه ربي يسعدك ويوفقك فى الدارين مثل ماتسعدين الكل هنااا |
رد: من روااائع قصائد الأمير بدر بن عبد المحسن
بحر العيون السود تقول اللي خطف عيني أنا مدري هدب أو عود أحس أني من اللي صابها ما شوف قدامي همست وقلت لا تخافي على بحر العيون السود على شط الكحل مريت وهذا موضع أقدامي أدوّر عن ذهب عمري بقايا كنزي المفقود وأشوف الموج يطوي الموج ويبحر مركب أيامي عيوني بسمة أعيونك ولو صارت مطر ورعود أبشرب من ظما دمعك وابغسل جرحي الدامي عطيني عيونك الليلة وباكر يا عساه صدود أمانة لا مسحتي الكحل خلي طيف أحلامي أحبك كان يكفي الحب جروحي في هواك شهود أنا اللي راس مالي حلم وهم الدنيا قدامي |
رد: من روااائع قصائد الأمير بدر بن عبد المحسن
أحــبــك مابها زيف وخداع انا احبك مابها زيف وخداع رغم الذي نخفيه واللي نخافه أودعك ليت الالم لحظة اوداع والى مضت ننسى الالم والحسافه أفارقك كان السفر يم واشراع وبعد الفراق اللي نحبه تعافه لا صار مافي البعد راحه لملتاع بالله وش نفع التعب والكلافه من الجفا والصد .. يكفيني اذراع لا جف نهر الحب ماتت أضفافه أي والذي خلا لي عيونك أوساع بدونك تصير الارض ضيق وكسافه املي يدك رمل وترى هذي القاع ومدى النظر تدرين وشهي المسافة |
رد: من روااائع قصائد الأمير بدر بن عبد المحسن
قلبي سجد لك قلبي سجد لك قبل لا يسجد حجاجي على الثرى اللي تسامى بالنبي أحمد قصدت مسجد نبيك ..نادم... لاجي عن كل جرح.. وحزن...وهاجس..أسود قدست نورك... وغيره مظلم.. وداجي واخلصت في عبادتك.. ياخالقي فـ اشهد اشعلت شمسي.. وغيضك يطفي سراجي وأنت الوحيد الذي على الضرر تحمد ان تبت عن مدخلي... يا طيب مخراجي أموت وولد... وموت برحمتك... وولد لوخضت بحر و أنا في عزتك ناجي ولو كنت أنا البحر... مالي عزتك بنفد خمسين حولٍ مريض الطرف وعلاجي في ركعتين تداوي قلبي الأرمد نزت عن خاطري خزي وديباجي شوك... وكستني المحبة ثوب من عسجد يا هل المدينة سلام كثر ما هاجي نسيم صبح وناح الراعبي وغرد على الذي له في عالي الفلك معراجي نبينا اللي اصطفاه الخالق الأوحد لاجيب طيبه تهدم برجي العاجي ظهرت من مثل قبري عاري أجرد وقلبي سجد له قبل لا يسجد حجاجي على الثرى اللي تسامى بالنبي أحمد |
رد: من روااائع قصائد الأمير بدر بن عبد المحسن
ظامــي هــوى ... . ما أقول أنا لبيه..وما أقول سمّى ياعيونه اللي ما صفت لي وتكدّرت . . يا صاحبي بكفيك مدحي وذمّي كان الجفا تقصير يا زين قصرت . . يا من نثر برماح الأهداب دمي لو للجروح ضماد وصلٍ تصبّرت . . لا شك ما انته يا دعج العين يمّي لا والذي اطغاك زين وَتكَبّرت . . ظامي هوى وشربت من فيض همّي ويوم ارتوت روحي من الدمع صدرت . |
رد: من روااائع قصائد الأمير بدر بن عبد المحسن
لست أحد ..‘ من خواطر البدر - لآ أحد أغلى منك إلا أنك لست أحد .. - إن كان يشغلك سهري .. أغمضي [ جفنيك ] على وجهي المتعب لِ يكن نومك .. - لآ تهتمين لحزني .. الحزن لعبت الشعرآء .. - أحببتك مرآت عدة .. كان آخرها غداً .. - يقولون إنني أشبهك .. لابد أنني أطيل النظر في جمآلك .. - حبيبتي لفظ يغني عن كل لفظ .. |
| الساعة الآن 12:06 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه