|
رد: من روااائع قصائد الأمير بدر بن عبد المحسن
الله .. الله .. : درر ثمينة .. واختيارات ولا أجمل .. لقصائد متميزة في سبكها ومعانيها .. أبدعها بدر الشعراء المتمكن الفنان .. الأمير بدر بن عبدالمحسن .. هذه القصائد العذبة لاتحتاج لعناء في التلحين .. كون ألحانها منها وفيها .. كما اكتملت روعتها عندما جلبتها لنا المبدعة فقيدة أمها بذائقتها المتميزة وإحساسها المرهف .. شكراً جزيلاً .. _ |
رد: من روااائع قصائد الأمير بدر بن عبد المحسن
اقتباس:
والابداع والتميز عندي هو تشريفك الراقي والنقي بنقاء روحك الطيبه بارك الله فيك شكراً لك بحجم كل شيء يليق بمرورك الكريم |
رد: من روااائع قصائد الأمير بدر بن عبد المحسن
ليتي معك دايم ليتي معك دايم .. روحي فـ هواك هايم واخفيك مع روحي .. آمالي وجروحي وانت السهر والليل .. وانت القمر وسهيل وانت سبب نوحي .. ومالي فـ هواك لايم .. ليتي معك دايم ليتي معك خطوة .. تمشي لهواك دروب ونسمة هوى حلوه .. تحيّي الأمل فـ قلوب ليتي معك وارتاح .. وانسى الضنى اللي راح واخفيك مع روحي .. آمالي وجروحي وانت السهر والليل .. وانت القمر وسهيل وانت سبب نوحي .. آه .. من الهوى والليل .. فـ عيونك السودا غربه ومالي دليل .. والخطوه معدودة والله الزمان غلاب .. والبسمه محسوده ونور الأمل كذاب .. والراحه مفقوده واخفيك مع روحي .. آمالي وجروحي وانت السهر والليل .. وانت القمر وسهيل وانت سبب نوحي .. |
رد: من روااائع قصائد الأمير بدر بن عبد المحسن
تاقف على طرف الهدب تاقف على طرف الهدب .. وماتلمحك عيني عاتبتني وكن العتب ماكان يعنيني سلم .. ابارد السلام وهذا ترى كل الكلام اللي بقى بينك وبيني تخيـّــل ... من وين ... ومنين ومتى بالله ذكرني ... بالله ذكرني ... متى جيتك انا فـ ليلة شتا تهزني ريح الشمال محتاج انا لبسمه وشال تركتني لبرد الطريق وانا على بابك اتذكر انك قلت لي بالله وش جابك ودعتني قبل السلام .. وهذا ترى كل الكلام اللي حصل بينك وبيني تخيّــــل ... اليوم لعيوني السما والشمس والارض البعيد اليوم ولغيرك انا يطري على بالي القصيد اشتقت للقلب الخلي .. وش هم .. لو تعتب علىّ جيتك انا فـ ليلة ألم .. قلبي على كفي همست لي روح ياغريب الشوق مايكفي سلم ابارد السلام وهذا ترى كل الكلام اللي بقى بينك وبيني تخيّــــل ... |
رد: من روااائع قصائد الأمير بدر بن عبد المحسن
الله يرد خطاك الله يرد خطاك لدروب خلانك لعيون ما تنساك لو طال هجرانك دام الأمل موجود فالنفس خضاعه حق العيون السود السمع والطاعه الله يردك لي يا مطول غيابه يا معـذبي هجري مدري وش أسبابه دام الأمل موجود فالنفس خضاعه حق العيون السود السمع و الطاعه ياللي بعدك اليوم نبكي على باكر صبري عليك يدوم مادمت أنا فاكر إن الأمل موجود فالنفس خضاعه حق العيون السود السمع و الطاعه |
رد: من روااائع قصائد الأمير بدر بن عبد المحسن
انا الجفا عن كل نجم ظهر بسدل أجفاني لعل ما عيش حزني لحظة غروبه وعن كل خلٍِ طويل الصمت كفاني الصاحب اللي قليل الهرج عذروبه وعن كل ثوبٍ جديد باالبس أكفاني وأدله ولا ألقى رسايل هم في جيوبه أنا الجفا ليه أخاف الناس تجفاني وأنا الحبيب الذي من يعشق عيوبه راعي الوعد وأن صدق مرة ولاقاني يحتار بين السراب وقلب محبوبه يامن عذابه يشققني ويرفاني فرقاك غصب علي بالحيل مكتوبه خبرت نصف تعب من نصفه الثاني بعضي الرماد وبعضي نار مشبوبه |
رد: من روااائع قصائد الأمير بدر بن عبد المحسن
الخل العنيد تل قلبي تل طيرٍ على طلعٍ وكيد جود المقرود سبقه وعيا يطلقه يوم فاع اركى جناحه على قاسي الحديد وانكسر ريش النداوي ولا الله وفقه يكفخ القلب المشقي على الخل العنيد ما وفا بالعهد لا شك قلبي صدقه واهني اللي على الحول ينبت له جديد وش سواة اللي جناحين قلبه محرقه يا لطيف الروح وبحق خلاق العبيد اكرم المملوك بالوصل والا فاعتقه |
رد: من روااائع قصائد الأمير بدر بن عبد المحسن
الله يحبك الله يحبك كثر ما شقّق البرق سود الدياجي وانبت الغيث وارق والله يثيبك كثر ما بان من شرق نجمٍٍ وغاب ف لجة الغرب شارق ياسدرةٍ في نجد يلقى بها الورْق للنوح غصن وللمعالي بيارق لك الشموخ لباس عاليك للعِرق وباقي النساء خرص الذهب والعشارق والله ما مثلك كتم آهة الحرق وما كن مسّك من لياليه حارق وقتٍ إلى منه كسر رمحه الزرق بالنار يودع في الحنايا مطارق ياهيه حوّل مثل ما تشتهي وإرق وإفطن لقبرك بين هاك المفارق الوقت يسرق باقي أعمارنا سرق ما نجتمع إلا وحنا نفارق ياعمتي بعض العزا يتعب الطرق ما ينكتب والحرف بالدمع غارق كل شكى لوعة لياليه والفرق في اللي يبي ما عند رب المشارق |
رد: من روااائع قصائد الأمير بدر بن عبد المحسن
أنا النخيل بين القلم وأصابعي والورق شوق عشرين حولٍ .. من كتبت القصايد من يوم بان القلب .. واخفيت بالموق دمع .. وغدالي بالمحبه .. وعايد كتبت ما كني على الشعر مسبوق وقريت ماكن اف قصيدي .. جدايد ونزفت لين اتعبت لا حصل اعروق وسهرت لين امست نجومي قلايد وصرت الليالي بين عاشق ومعشوق وصرت الوصل مابين حاضر وبايد أنا النخيل وشعري اظلال وعذوق وانا السحاب اللي على الناس جايد وف ليلةِ حسيت من جرحي اعقوق وقف النزيف وما بذي له عوايد صار الورق مابين مهمل ومشقوق وحار القلم ما بين ناقص و زايد من الشعر مليت ياحادي النوق و من الجروح اللي .. تمل الضمايد و من الحروف ونقصها مع هل السوق وكذب الحسود .. وهم راعي المكايد ومجاد لي في كل ساذج ومطروق وخوفي على غر المعاني الفرايد عشر السنين وعشر .. والجوف محروق ما غير أشب أطراف ليلي وقايد مانيب ادور من ورى نزفي احقوق و لا ابي من سهر عيني فوايد لو ما بقالي في الملا غير مخلوق لا من ذكر شعري .. جفته الوسايد كني بجبين الشمس .. والليل مفروق وكني بدمعٍ .. فوق خده نضايد افداه عمرى .. ماشكى صاحبه عوق لاشك ما في النفس لو قيل كايد |
رد: من روااائع قصائد الأمير بدر بن عبد المحسن
وااااو عن جد جنااان
روووعه مشكووره يامشرفتنا فقيدة امها ولك تحياتي وفالك طيييييييب |
رد: من روااائع قصائد الأمير بدر بن عبد المحسن
كم استمتع وانا اتصفح للبدر
هنا سيكون مجلدا عباره عن ديوان جميل دمتي فقيده بما طرحتي وتطرحين لك اعطر تحيه وواصلي نثر ابداع هذا الشاعر الجميل |
رد: من روااائع قصائد الأمير بدر بن عبد المحسن
اقتباس:
أهلا بك أخي الكريم مذهل تشريفك الجميل أنارمتصفحي سعيده جداً بهذا التواجد بارك الله فيك وفالك أطيب ايها الطيب |
رد: من روااائع قصائد الأمير بدر بن عبد المحسن
اقتباس:
ازدان موضوعي بجمال تشريفك له لا حرمنا الله من طيب طلتك العطره جنائن من الشكر انثرها على اعتاب متصفحي لمرورك الراقي الذي أسعد به دوماً |
رد: من روااائع قصائد الأمير بدر بن عبد المحسن
مرتني الدنيا مرتني الدنيا .. بتسأل عن خبر مابه جديد .. عشاق ليلة تفارقوا وصاروا بعيد لا طاحت نجوم السما .. ولا تاه في الظلما قمر لا تاقف الدنيا .. وتسأل عن خبر مابه جديد .. اسهل من الكذبة .. على شف الطفل فرقى الأحبه يا هوى أحلى من الحلم اللي ودي لو كمل كانت ليالينا سوى لا طاحت نجوم السما .. ولا تاه في الظلما قمر لا تاقف الدنيا وتسأل عن خبر مابه جديد .. لا تاقف الدنيا .. على أول طريق فرقى الأحبه يا هوى لا تسأل جروحي متى خان الرفيق عهد المحبه والهوى لا طاحت نجوم السما .. ولا تاه في الظلما قمر لا تاقف الدنيا وتسأل عن مابه جديد .. |
رد: من روااائع قصائد الأمير بدر بن عبد المحسن
السراب قال السراب وقلت ظامي سرابه قال الهلاك وقلت لعيون الاحباب يا لايمي في حب مترف شبابه الموت حق ولاتبرق في الاسباب كانة ذبحني صاحبي من عذابه مابي لدمي يا أهل اللوم طلاب الجادل اللي فية زين ومهابه تاقف له قلوب وتخضع له أرقاب في حجر عينة لي غدير وسحابه وفي وسط قلبي لة تناهيت وعتاب إن قلت أحبة يكفي القلب مابه وان قلت أنا مابية..باصير كذاب |
| الساعة الآن 01:37 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه