|
رد: | من مذكرآت صبآي |
عمرها 10 سنين توها صغيره وش هالقشاره الله يصلحها من زود القشاره ماعندها وقت تطالع نفسها فالمراية تحس عندها عشرين الف مهمة لزوم تخلصها اليوم شعرفك اهي مهمة واجد cb: غلآ الروح : اجل ارنوبة بس تمخشين اجل كل هذا وارنوبة تحسبين التمخيش شين سهل laa: منتيب ارنوبه ولاحولها :ض: انا لاماسوي هيك اجرام بس اعاقب . على طاري التربيط ذكرتيني خالتي عندها ولد اقشر الله يصلحه تربط رجله على عروة الدولاب وارحمه اقول فكيه:( تقول خليه يستاهل ياويلك تجينه واهو يفحط الضعيف بس يالله ماضره ماشاء الله . |
رد: | من مذكرآت صبآي |
الله من جد قشره هالبنت عندي فضول أعرف وش صار عليها الحين
وهل ورثت قشارتها لأجيالها ... حلوه ورثت ماأدري من وين طلعت يمكن تسنعت وغدت حرمه ... زي هذا اللي يكلم نفسه صار ** دختر بزارين ** يالله ياقلم صريح جب لنا سيرة حياتها ... ههههههه |
رد: | من مذكرآت صبآي |
ابوها عنده دكان في الديره على قد حاله ياخذها معه علشان ماتوذي خلق الله , تنحاش منه و ترجع مع راعي تكسي و توقفه عند باب عماره في الشارع و تقول اصبر اجيب لك الفلوس و تطلع من عند الباب الثاني وهو مسيكين مبحلق على باب العماره الرئيسي يحتريها , هذي تسمى فتاة !!! و لا فتات خبز. |
رد: | من مذكرآت صبآي |
اقتباس:
هههههههه ياعمري على أبوها هو اللي مبتلش مسيكين ضحكتني بالجمله الأخيره هذي ماتصير ولافتات خبز بس أتوقع إنها ** بسنز ويمن ** أكيد من قشارتها ذكيه مايندرى والله ... |
رد: | من مذكرآت صبآي |
هههههههههههههههههه ياسطيها تركب مع سواق ليموزين لوحدها ماسلم منها ابوها لومن ابوها وظفتها حماليه وتوصل طلبات هههههههههههه
الله يذكرها بالخير ويوفقها ويسعدها يارب فالدارين . ي’ إبن الحلال لاتلومها يمكن ماعندها اخوات وماخذه طبع اخوانها لايغرك تحصلها الان انثى ولا كل الاناث . |
رد: | من مذكرآت صبآي |
الحين مابي أنهي تاريخها و أعلمكم وينها فيه الحين , خلوني أوريك مذكرات صباي مع هالنزغة ,
كان فيه ذاك اليوم محارب بالحصى بينا وبين الحارة اللي ورانا, و هي طالعه من البيت الا تجيها ذيك الحصاة و تصكها في علباها , أول مره أشوفها تصيح , و كانت ذيك الحصاة نعمة من نعم ربي ذيك الساعة , و تنطلق عليهم , هم حوالي ثلاثه , و مامداهم يطمنون يجمعون حصى الا هي فوق روسهم , و بالصعرور , عقبها مادري وش صار عليهم , إرتجاج في المخ , شلل أطفال , إنفصام .. ؟ مدري المهم انهم إختفوا |
رد: | من مذكرآت صبآي |
لاحول ولاقوه الابالله وش امها متنسيه به شكلها طول تسع شهور تاكل باعصا راعى الغنام...هههههههههههههه بس من فيكم لي رمى الحصات هذا جلس يتعلم يبي ينتقم منها اكيد انت يا قلم ههههههههههه لالالالا عاد بنت على ثلاثه شف وين متربيه فيه شريره لابعد الحدود او اولاد الحاره رخوم واصل نشوف كم الوفيات في حارتكم :happy: |
رد: | من مذكرآت صبآي |
كم الوفيات في حارتكم ههههههههههههههههه انا لله وانا اليه راجعون .
قلم صريح قد جتك اصابات منها ؟ |
رد: | من مذكرآت صبآي |
مانيب راد على أسئله إستفزازية , ابا أستمر أقول كل اللي إعرفه عن صباها و ذكرياته , على العازه الخنساء و لا زرقاء اليمامة , :
إتفقنا ياعيال الحارة على أننا نشحن الوالدات " أمهاتنا يعني " على أنها كبرت و عيب ما تتغطى , ماتستحي ؟ كودها تمْسَك في البيت , نفعت حركة الشحن و راحوا يشبون على أمها " عيب بنتك تطلع الشارع و هي كاشفة وبين البزران كنها مهبوله بسم الله عليها " بسم الله على الهبال منها , قال بسم الله عليها , المهم غطوها بالقوه , صارت تطلع للشارع عليها شيله مغطيه وجهها و حافيه , طويله بين البنات و يد على الشيله تحت حنكها ويد مصاقيل. مر ونيت محمل طماط رايح للسوق , نست نفسها و تذكرت عشقها الاول و الاخير , التعلق في السيارات , طمرت و هو طاير , ماتابت من ذيك المره يوم تكرفس على وجها , ركبت و تخيلوا شكلها , وحده طويله و لابسه شيله و متعلقه في ونيت طاير, ابد مثل جنية الكرتون ام ضرس اللي تركب المكنسه ... |
رد: | من مذكرآت صبآي |
حياك الله استاذنا الفاضل قلم صريح
ههههههاي اجل خليتوها تغطا الله من النذاله فيكم والله لوها زينه ما خليتوها تغطا هين عاد بعدين وش عليكم منها خلوها تمارس هوايتها بالتعلق كني اشوفها لابسه ثوب كرته احمر وشيلتها تسحب الله يذكرها بالخير مسيكينه كل يوم حاشينها بياثرها ربي تشوفون .. الا وينها ذا الحين ؟ عطونا اخبار عنها يوم كبرت .. شكراً قلم صريح الله يوسع صدرك بالعافيه .. |
رد: | من مذكرآت صبآي |
و صفك كنك شايفتها , دراعه حمراء فيها ورد أخضر
أنا اسرد و أوثق سيرة فتاة من الحارة للتاريخ , و أقول حقايق و ما ظلمتها , و أنا عاد بديت و لازم أكمل مع الإعتذار لصحابة الموضوع مع إن العنوان فاتح المجال للكل لسرد ذكريات صباه. |
رد: | من مذكرآت صبآي |
اخي قلم صريح ههههههههه وش بقي من السرد وماقلته جبتى خبر هالبنيه الله لايطيحني بين ايديك شكلك حاقد عليها مره اكيد مسويه فيك شيئ وانت صغير باين عليك شقي وانت صغير انا والله ماامدح نفسي كل الشقى فيني وانا صغيره ماخليت احد مااذيته ومن اقوى مشاكلي طبعا انا مدلعه ومابي احد يقولي شي حطيت في طريق الوالد الله يطول في عمره ويسامحني قشرة موزه لاني زعلانه منه وهو جاي مسرع يدورني يبي يهاوشني الاويطيح المسيكن على ظهره ويوم كامل ما شافني متوزيه ماابي اطلع اخاف يضربني مع انه مايدري من الي راميها على الارض ضحيح ضاق صدري وعقبها ماعاد اسوي في احد شيء الا شيءبسيط مثل عضه كف قبص معط شوشه اخذ مقتنياته بالقوه لكن هالحين مااقدر اواجه احد ابكي على طول قلبي صار طيب جدا \\ وحدة تمدح نفسها اتركوها في حالها ملت من العفرته وايذاء خلق الله كل الي يعرفوني وقد جاهم من مشاكل مايصدقون اني انا الان الظاهر اني طلعت كل شحنات الشر وانا صغيره مابقي عندي شيئ والحمد لله هذا من فضل ربي |
رد: | من مذكرآت صبآي |
السرد طويل لكن قولوا وش صار عقب هالتعليقه ؟
|
رد: | من مذكرآت صبآي |
وش صار اتحفنا الله يوسع صدرك تراني انتظر |
رد: | من مذكرآت صبآي |
والله لوها زينه ماخليتوها تغطا هين عاد
هههههههههههههههههههههههههههههههه رهيبة <استفزاز اخر مزوح مزوح . تتغطى يد تحت الحنك هههههههههههههههههههههههه يحليلها عجوز أي والله الله يثيرها مبين ناقد صريح رافعتن ضغطكم بقوووووه اللحين تحصلها ماعاد تعرفها كشخه مو كرته تلبس روز ههههههههههههه . من جد اتحفنا وش هذي من انسانة ياشيخ ولازورو خخخخ . . |
| الساعة الآن 06:38 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه