هذره عن هذره تفرق
اول شيء ابداء بالسلام عليكم
واسمحو لي امدد رجولي يعني بالعربي البساط احمدي ندخل ونسولف ونحط الزعل او الوقفه على اي كلمه عند الباب الموضوع ببساطه كنت افكر فيه وحطيته من وقت وكنت بستمر بس كان جاء بغير وقته قبل كم اسبوع والبارحه طلبت مني نور عيوني فقيده موضوع نسولف فيه والحين انفذ لها طلبها المهم الحين جبته وهو هذره عن هذره تفرق يعني نهذر نسولف نمزح مع بعض ننتف بعض على قولتهم بس من غير زعل والحين بسمح للكل يدخل من غير يجيب شيء معه لان اليوم الافتتاح بس بعد كذا من جاء ينفذ طلب الي قبله يعني يجيب له الي يبي يالله الحين ولو انها قهوه متاخره بس ما احب ابداء اي شيء الا بذكر الله ومن ثم القهوه والشاهي رمز الكرم والجود يالله حييهم https://encrypted-tbn0.gstatic.com/i...7qFIuDvtg9OP8w |
رد: هذره عن هذره تفرق
تبلت الدجاج وجلست اتقهوى شكل مافي احد من البنات تجي تشوي
طيب وين الشنبات وين العيال اقول شكلي بحطه في الثلاجه واسكر الباب :happy: http://www.mekshat.com/pix/upload/im...206_236665.jpg |
رد: هذره عن هذره تفرق
وعليكم السلام
خذي راحتس وانا أختس والله يغنيس ويكثر خيرس فديت الناس الطيبه انا وجلع عيونس ماتشوف شر ولا بأس ايه الحين نقدر نسولف ونأخذ راحتنا في بيتس قصدي في متصقحس من امس وانا ودي اهثر ملينا واحنا ع الصامت وربي ماتعودت الا أسولف انا ابي اجي اشوي معس افتي الباب لي يالله بسرعه |
رد: هذره عن هذره تفرق
http://media.indypgh.org/uploads/2009/11/open-door.jpg هو من الي مسكر الباب مخليته موارب يمكن الهواء ولا ما تعودنا نسكر البيبان < الله من الهياط وين الحراميه عنكم هلا وغلا بالنور كله وملح المنتدى زينه قصيده ذي ولا ترحيب تعالي اجلسي جنبي واهذري الين تتعبين ومن قال لك اسكتي علميني بس |
رد: هذره عن هذره تفرق
|
رد: هذره عن هذره تفرق
جعله مايسكر من عدمس يا الغاليه ان شاء الله
طيب افحسي لي شوي محد قال بس قوليلي من اسولف معه مع جدران المنتدى فيني صيحه بعدين تراني ابي اتكلم بلغه اهل سدير وابي اذب الكاف وراي خليتها للمتمدنين عشان اخذ راحتي بالحسي v: |
رد: هذره عن هذره تفرق
اقتباس:
وايتس يالغلا بعدين عادي خذي راحاتس بس انا مو متمدنه بس ما اعرف بالسين ماعليش بس انتي ما عليتس بعدين وين رحت انا تحاكين جدران المنتدى واسم الله عليك من الصيحه تعالي اجلسي حاطه لك مكان بجنبي عند الوجار |
رد: هذره عن هذره تفرق
اقتباس:
انتي بسم الله علس هاليومين كنتي تعبانه االله لا يعيد الشر ويشفيس ربي من عنده ولا بحيت اوجع رأسس بالحسي شابه نار واحنا بعز الحر هههههههه |
رد: هذره عن هذره تفرق
الحين فاحسه هالحين كل هالمكان ما ياخذكي
واللهم امين وما تشوفين الشر حياتي انتي وبعدين لا يهمك سولفي اهذري ما علي يمكن سوالفك وكلامك يعالجني من بعد ربي ايه الا وش رايك نذبح قعود ولا كمن ذبيحه علشان الاداره الجديده ولا نخليها الين ناخذ رايهم بعدين ما شبيت ضو انا جالسه عند الوجار للكشخه اذا جيت اصور الجلسه للاستقرام رقعي الله يهديك مهوب تكبين العفش |
رد: هذره عن هذره تفرق
اقتباس:
هم اللي يعشونا مو انا ويحطون لنا قعود بعد مو ذبيحه هههههههههه هم كرماء ونحن تستاهل اقول بس لا تفتحين علينا بيبان مسكره :nsleep: فلوسي كلها في الاسهم ماعندي شيء احطها لهم http://sudeer.com/vb/images/icons/ico10.gif |
رد: هذره عن هذره تفرق
موضوع حلو بيخلينا نجي نريح هنا شوي و نمدد الرجلين في مجلس الرجال و لا تبي نسمع حسيكم
الا على فكرة ترا استبدال الكاف بالسين لغة عربية و العلم في هذا الموضوع طويل عن اللهجة النجدية نقلته من فترة و لا ادري وين راح بعدما غيروا في الاقسام الشاهد هذا الجزء اللي يهم المقصود : 4 - حرف الكاف : غالباً ماينطق في اللهجة النجدية على هذا النحو (تس) مثلاً : تسذا = كذا، يتسذب = يكذب، وإذا أبدلت كاف المخاطبة في نهاية الكلام بالنحو السابق فهي تكون موجهة للنساء. مثلاً : وين ألقاتس؟ = أين ألقاكِ؟ وهذا نطق فصيح قديم لقبيله بكر بن وائل يقابله في بعض الدول العربيه نطق بعضهم الكاف تش على طريقه فصيحه أيضا وقديمه هي لهجه بعض القبائل القحطانيه. |
رد: هذره عن هذره تفرق
الله يحييكم ومباركين جميعاً على المنصب الجديد
بس مافيه شاي ولا قهوة ولا عشاء كلن يخدم نفسه بنفسه ههههههه وربي ما افي احلا من لهجتنا السداراويه بس خربنها بالكاف بعدين موضوعك رح شفه في الارشيف بما أنك صرت عضوء مجلس الاداره ماشاء الله دوره وراح تلقاه ولا تبيني ادوره لك دورته مثل ام صعرور ههههه |
رد: هذره عن هذره تفرق
ما استغني عنك
و جبتي أم صعرور فعلاً نبي نحطك مديرة البحث و التقصي :) |
رد: هذره عن هذره تفرق
هلا وغلا بالاداره وخزياه فقيده
حطي القهوه والشاهي في المجلس وتعالي اقصري صوتتس يقول ما يبغى يسمع صوت وخلينا عند الدريشه يمكن فيه اجتماع نسمع وش يقولون وبعدين عن الذبايح شكله مافيه الله يستر القعدان يقولون فيها الكروونا والغنم يمكن وش يدرينا شكله مافي الا الدجاج المتبل |
رد: هذره عن هذره تفرق
هههههههههههه بس وش راح يكون لوني
لا تقول أحمر وش كثر لون الاحمر الحين << امزح عادي اتقصى لك بدون لون بس وش تبي اجيب لك موضوع اللهجة النجدية عاد وين راح القاها فيه مع هالحوسه وربي ابتلشت |
رد: هذره عن هذره تفرق
اخص فقيده بيصير ثوبتس احمر اجل بكيبر راستس علي
ايه يا الدنيا بصير لحالي ولوني بيصير باهت < بدت تتحلطم وهو ما صار شيء يا كافي |
رد: هذره عن هذره تفرق
اقتباس:
بعدين لا تخافين ابي اخذس معي وين ماروح مالي عنات عنس أنتي الخير والبركه يا الغاليه |
رد: هذره عن هذره تفرق
فقيدت امها
اتركيه تراه عندي و اقدر احطه ثانية |
رد: هذره عن هذره تفرق
لا لا ماعلي من حسيتك ما اظن اني بقبل باي شيء زعلت خلاص
خخخخخخ يا شين البربره على الفاضي اقول احيانا بل كثيرا < قلبت فصحى انا سوالفي اخر اليل تجي ماش مع ان اليل في اوله |
رد: هذره عن هذره تفرق
اقتباس:
وش أترك وربي مافهمت عليك ادارتنا عاد مراح نشيل الكلافه مثل أول خلاص ههههههههه يغير ربي من حال إلى حال سبحانه هههههه |
رد: هذره عن هذره تفرق
اقتباس:
بعدين تزعل علينا الإدارة الجديدة وش نقول لهم بعدين راح احطها برأسس بقايا ايه هذا انا قل لس ههههههههههه |
رد: هذره عن هذره تفرق
اقصد البحث عن الموضوع
الموضوع عندي و اقدر اكرره |
رد: هذره عن هذره تفرق
قلبت علي البنت اجل بروح اشارك وبجي هنا وانتي الي بتروحين فيها بعدين ليش يزعلون
انا حاطه موضوع وانتي طلبيتيه مني وانا ما ارد لك طلب بعدين نسيت الموضوع انه الي قبلك يطلب منك يالله روحي هاتي لي اجمل واروع شيله لمحمد عبدالله |
رد: هذره عن هذره تفرق
اقتباس:
اهااا اصلاً مراح ادوره وين القاه فيه مع الحوسه يكفي أم صعرور تعبتني وانا أدور عليها :read: |
رد: هذره عن هذره تفرق
اقتباس:
روحي وانا احتريس هناا لا تصيفين علي شكلنا اليوم مراح ننام :lazy3: سهره صباحيه امري تدلل وش تبين نوع الشيله آخر شريط له تبين ؟؟ |
السلام عليكم و رحمة الله و بركاته.
أنا دخلت الموضوع أول ما نزل ، و يوم فتحت الصفحة و يروح الشعار و الكلام اللي فوق ،
يا ولد وش صار ، و اتاري <<< اثر بس بالحجازي ،،،،، الصورة كبيرة و اخذت الصفحة يسار ،،، و جيت ها الحين و لقيتها أصغر من الصغيرة ،،،، فقلت هذا و الله الريجيم الزين ،،، على العموم أنا جيت مسيّر ، و لقيت الزمزميات ما بهن شئ ،، قلت بلعهن فيصل أكيد ،،، بالعافية. و الله الله بالهذرة ،،،، تحيّة تشبهكم و سلام. |
رد: هذره عن هذره تفرق
دي
<< فيس مستحي |
رد: هذره عن هذره تفرق
ادخلي حتماً لا تستحين بقايا قلت اجلسي ودخلي كل من جاء من الاعضاء شوي وابي اجي ما ادري وين راحت عسى مانامت وخلتني لوحدي اهثر |
السلام عليكم و رحمة الله و بركاته.
اقتباس:
أما دي يا حتماً ههههههههههههه |
رد: هذره عن هذره تفرق
[QUOTE=قلم صريح;1666462]موضوع حلو بيخلينا نجي نريح هنا شوي و نمدد الرجلين في مجلس الرجال و لا تبي نسمع حسيكم
الاQUOTE] :blink: ليه ؟ |
رد: هذره عن هذره تفرق
عجبتك دي يارحال ؟
ههههههههههههههه |
السلام عليكم و رحمة الله و بركاته.
هههههههههههههههههه
بقوووووووه كما يقولون شغل في المغل <<<<< ترجموها. |
رد: هذره عن هذره تفرق
هاه
مغل ؟ كيف يعني ؟ يعني قصدك نفس معنى _ الدهن في العتائي ؟ .. |
رد: هذره عن هذره تفرق
مبرروك البشت الاحمر .. الله يكون بعونك ويوفقك يارحال اجل اخذت الباشويه ؟ |
السلام عليكم و رحمة الله و بركاته.
اقتباس:
زماااااااان لا أدري من مليون عام لا أدري أكثر لا أدري قبل أبونا آدم ما تصور كنا نقولها في لحظات التجلي.! اقتباس:
|
رد: هذره عن هذره تفرق
المهم انت شلونك ؟
<< عاش مصرف :) تستاهل والله أنك مكسب للمنتدى .. |
السلام عليكم و رحمة الله و بركاته.
اقتباس:
الله يجبر بخاطركِ. |
رد: هذره عن هذره تفرق
صرنا نحكي بالفلوس
وبكره يكون عندك طياره خاصه هذا وانت امس ماسك المنصب الجديد اجل كيف بعد سنه |
السلام عليكم و رحمة الله و بركاته.
بعد سنة ،،،،،، إن شاء الله أشتري لي بيت في قرية أعجبتني في المانيا أسمها فردريك شافن ، على بحيرة كونستانت و اقول الله يسقي أيام كنت اعرف وحدة معرفها حتماً سأكون.!
|
رد: هذره عن هذره تفرق
بكون جارتك بإذن الله :)
عاد أنا رعية كيف أخذ معي قهوتي .. :) << تقنعه أنها جارتن شقرديه من جد المانيا فتنه .. رحت لها الصيف اللي فات .. |
الساعة الآن 04:26 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه