|
رحلتي المصورة الى النمسا وألمانيا 2007م ...
[align=center]:bsm:
:salam: :taheyatayeba: واحد ماصدق على الله لقى إختصارات der: .. المهم اتشرف ان تكون هذا اول مشاركة لي في منتدى السفر والسياحة .. واقدم لكم رحلتي لهذا الصيف 2007م وكانت في في دولتي النمسا وألمانيا .. وسوف انشره في القريب العاجل ... وأرجوا ان ينال هذا التقرير على إستحسانكم .. وأتشرف بقراءة ردودكم وآرائكم .. وانا مستعد لأي استفسار وتحت أمركم .. أخوكم .. ابو عبدالإله [/align] |
رد: رحلتي المصورة الى النمسا وألمانيا 2007م ...
[align=center]ابشر يالغالي ... هذا اللي فكرت فيه .. ولو اقولك اني الحين احاول ان انقله هنا ... .. وراح انقله ان شاءالله لكن يبيلي اعدل فيه شوي ..[/align]
|
رد: رحلتي المصورة الى النمسا وألمانيا 2007م ...
[align=center]
السلام عليكم بدايةً كانت الرحلة يوم السبت بتاريخ 23/06/2007 الاقلاع الساعة 10.50 صباحا... على طائرة الخطوط السعودية بوينج 777 ، انا وزوجتي الغالية :a (14): ام عبدالاله :a (14): الوجهات : فيينا - زيلامسي - ميونخ أبدأ بهذي المفاجأة يوم رحت اقص البوردنق وادخل الشنقط قالي الموظف: رح لآخر كاونتر وخذ الشهادة ؟؟؟ قلت: شهادة !!!..... شهادة ايش؟؟ ،،،، قال رح وتشوف .... يوم رحت الا موظف ثاني قالي طالع على فيينا .. قلت: ان شاء الله ... قال عطني البوردنق . قلت: سم... بعد شوي عطاني هذي الشهادة http://www.travel4arab.com/photo/dat...600_x_450_.jpg طبعا جاني شعور غريب اكيد انكم حسيتو فيه المهم دخلنا ورحنا للبوابة رقم ... http://travel.maktoob.com/photo/data...m/DSCN0682.jpg وكالعادة لازم تأخير ساعة واقلعنا الساعة 12.00... بس يازين طياراتنا اقل حاجة يكفيك دعاء السفر .... استغرقت الرحلة 4 ساعات و45دقيقة على ما اعتقد.. ويوم وصلنا مطار فيينا كانت المفاجأة استقبلونا بالورود والشوكولاتة عشانها اول رحلة بين البلدين... ونفس الشعور جاني انا وام عبدالاله ... بس القهر مع الخبصة ما صورت مطار فيينا ... الغريبة انهم مافتشو الشناط ولا فتشونا حنا بعد علطول ختمنا الجوزات واخذنا الشناط وسيده على صالة الاستقبال ومن هناك اخذنا تاكسي الى فندق المريديان ب 32.5 يورو من مكتب التكاسي ... على فكرة في مكتبين اعتقد واحد احمر والثاني اخضر بس مافي فرق الا اللون ... فيينا من المطار الى فيينا تقريبا 20 دقيقة ... ويوم وصلنا الى فندق الميريديان الرائع لقينا واحد مصري اسمه سامح وهو اللي يشيل الشنط شوفوه في الصورة http://travel.maktoob.com/photo/data.../DSCN07671.jpg ودخلنا الفندق وكان اللوبي بهذا الشكل http://travel.maktoob.com/photo/data...m/DSCN0764.JPG طبعا سوينا التشيك ان وطلعنا الى الغرفة رقم (((((((ملاحظة)))))))) ( الوقت اللي في الصور على الرياض نسيت اعدلة يعني في فيينا 6:28) http://travel.maktoob.com/photo/data.../DSCN06941.JPG وكانت الغرفة حلوووووووة مرة .. على فكرة الغرفة كانت ديلوكس وهذي صور لها http://travel.maktoob.com/photo/data...m/DSCN0687.JPG http://travel.maktoob.com/photo/data.../DSCN06881.JPG http://travel.maktoob.com/photo/data.../DSCN06901.JPG وهذة صور للميني بار ودورة المياه ( اعزكم الله ) http://travel.maktoob.com/photo/data.../DSCN07171.JPG http://travel.maktoob.com/photo/data...m/DSCN0794.JPG احلى شي في غرف الديلوكس انو النت مجانا والميني بار برضو مجانا ويعبونه لك في اي وقت .... المهم بعد ما ارحتنا شوي نزلنا نتمشى ورحنا للكارتنر وهذي صورة لمدخل الكارتنر من جهة الاوبرا للي ساكن في المريديان وساخير وبريستول وجراند http://travel.maktoob.com/photo/data...m/DSCN0698.JPG وهذي صورة للمقاهي وسط الكارتنر http://travel.maktoob.com/photo/data.../DSCN07033.JPG وهذي صورة لساحة ستيفنز http://travel.maktoob.com/photo/data...m/DSCN0700.JPG وصورة للكنيسة ( أسأل الله الثبات على الدين ) وعربات الخيول http://travel.maktoob.com/photo/data.../DSCN07011.JPG ولما تكمل مشي من ورا الكنيسة وتجي الخيول على يمينك في شارع للسيارات رايح بس .. مو رايح جاي هذا الشارع ينتهي الى شارع رئيسي على نهر الدانوب فيه بعض المطاعم والمحلات وفيه مطعم للبيتزا اكلنا فيه حلو وجلساته حلوة وقطعة البيتزا مثلثة بس اكبر بشوي من اللي عندنا وسعرها 2.5 يورو والكولا عادة سهرها 2 يورو اكبر بشوى من الكولا ام ريال حقتنا وهذي صورت المطعم http://travel.maktoob.com/photo/data...m/DSCN0702.JPG وبعدين جلسنا في احد المقاهي وأخذنا لاتيه الواحد 3.5 يورو ... وبعهدها رحنا لحديقة ستاد بارك اللي مقابل الماريوت وهذي صور منها ... http://travel.maktoob.com/photo/data.../DSCN07051.JPG http://travel.maktoob.com/photo/data.../DSCN07131.JPG وهذي صورة من داخل الحديقة لفندق الأنتر http://travel.maktoob.com/photo/data...m/DSCN0711.JPG وبعد الحديقة قالت لي ام عبدالاله وش رايك نرجع الفندق انا مدروخة من بعد السفر ... وبكذا انتهى اليوم الاول من فيينا ... انا متأكد اني نسيت بعض المعلومات بسبب الحوسه اللي انا فيها لكن ان شاء الله اذا ذكرت شي بقوله.. والمرة الجاية راح أسرد باقي رحلة فيينا في رد واحد ... لاني ودي اعطي ( حبيبتي زيلامسي ) حقها ... لان زيلامسي هي رحلتي الحقيقية وصورها كثيييييييييييرة والحكي عنها راح يطووووول ... ان شاء الله قدرت ارضيكم بتقريري المتواضع وسامحوني عالتقصير اوعدكم ان شاء الله اني اكمل بأسرع وقت .... وانا جاهز للأسئلة تحياتي لكم ابو عبدالاله[/align] |
رد: رحلتي المصورة الى النمسا وألمانيا 2007م ...
[align=center]اخوي حمد ...
والله لي الشرف ان تكون اول من يقرأ تقريري هذا .. ويسعدني مرورك يالغالي .. اخوي المعذرة يوجد بالصور رابط موقع العرب المسافرون .. فهل هذا مسموح ؟ لاني حملت الصور على الموقع في ذاك الوقت .. أرجوا إرشادي لاني حريص على إرضائكم.. وعدم التعدي على شروط هذا المنتدى الغالي .. تحياتي لك ..[/align] |
رد: رحلتي المصورة الى النمسا وألمانيا 2007م ...
حياك الله اخوي ابو عبد الإله ..
والحمد لله على السلامه ... تقرير جميل وبصراحه من زمان وانا ودي اشوف تقرير عن النمسا .. بارك الله فيك وننتظر الجزء الثاني .. |
رد: رحلتي المصورة الى النمسا وألمانيا 2007م ...
ياملا البركة يا ابو عبد الإله
النمسا كانت في المخطط هالصيفية لكن ما تهيأت الظروف .. تقريرك ماشاء الله رائع والصور والمعلومات قمة ماشاء الله .. ياليت تذكر لنا قيمة تذاكر السفر واسعار الفنادق بشكل عام وطرق التنقل بين المدن ووش افضل الوسائل واوفرها .. سمعت في بعض التقارير ان المانيا ما تستاهل من يجيها هل هذا صحيح ؟ الله يعطيك العافيه وننتظر الباقي .. |
رد: رحلتي المصورة الى النمسا وألمانيا 2007م ...
ماشاء الله لا قوة الا بالله ..
تقرير رائع وصور اروع ياليت تزيدنا صور ومعلومات .. دمتم بحفظ الله .. نـــــــــــــــدووو |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلابك يامشرفنا .. والله يسلمك يالغالي .. ولي الشرف والله انك أحد متابعي تقريري .. وأتمنى ان ينال التقرير على رضاك ... وأبشر بما يسرّك .. وإنتظر البقيه .. تحياتي لك .. [/align] |
رد: رحلتي المصورة الى النمسا وألمانيا 2007م ...
[align=center]
اقتباس:
مرحبا بك يالعزيز .. والله ماتدري وش قد استانست بالتثبيت .. والله عطاني دفعه معنوية قوووووية .. وان شاءالله اكون عند حسن الظن .. وبخصوص الصور .. أشكركم على حسن التعاون وتقدير الظروف فهذا ماسمعناه عنكم .. وصحيح ان التقرير جا متأخر .. ولكن ليلتني كنت اعرف عن منتداكم من زمان كان نشرته هنا وأكتفيت بذلك .. تحياتي لك ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلابك اخوي .. الله يبارك فيك .. وان شاءالله تتيسر لك الصيف القادم .. وبخصوص التكاليف وطرق التنقل راح اذكرها في الجزء الثاني ان شاءالله .. وألمانيا ..( وأقصد ميونخ بالذات ) من جد ماتستاهل الزيارة البتّه ... وراح اذكر الاسباب في تقريري عنها .. وعافاك الله .. وتشرفت بمرورك يالغالي ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
أبشر بسعدك .. غالي والطلب رخيص .. كم عندي من حمد بس :a (15): وان شاءالله راح اذكرها في الجزء الثاني .. تحياتي لك ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
تشرفت بمرورك .. وشكرا على إطرائك .. والقادم أجمل بإذن الله .. حفظك الله [/align] |
رد: رحلتي المصورة الى النمسا وألمانيا 2007م ...
ماشاء الله تبارك الله
صور رائعه وتقرير ممتع ننتظر الأجزاء القادمه بكل شووق ولك كل الشكر |
رد: رحلتي المصورة الى النمسا وألمانيا 2007م ...
[align=center]هلابك اختي ..
أشكرك لمرورك .. وتشرفني متابعتك لتقريري ... تحياتي لك ..[/align] |
رد: رحلتي المصورة الى النمسا وألمانيا 2007م ...
مشاء الله شغل نظيف يابو عبدالاله بارك الله فيك يالغالي وتقرير مميز ياعزيزي ولاهنت والله
حمدالله على السلامه |
رد: رحلتي المصورة الى النمسا وألمانيا 2007م ...
[align=center]ياهلابك اخوي سعد ..
تشرفت بمرورك .. والحمدلله انو أعجبك التقرير .. وانتظر القادم .. فالقادم أحلى .. تحياتي لك ..[/align] |
رد: رحلتي المصورة الى النمسا وألمانيا 2007م ...
..
تقرير جميل يأبو عبدالإله بس بعض الصور للأسف خانتها الإضاءة يعطيك العافية .. |
رد: رحلتي المصورة الى النمسا وألمانيا 2007م ...
[align=center]ياهلابك اخوي عاشق ديرتي ..
تشرفت بمرورك .. وعافاك الله .. وبخصوص الصور لأخفيك أني مصور مبتدئ .. وهذي المشكلة طرحت في منتدى آخر وتناقشنا فيها .. وان شاءالله أقدر أحلّها في المستقبل .. واذا كنت تعرف حل للمشلكة لاتحرمني من رأيك .. فأمثالك نقتدي بهم .. تحياتي لك .. [/align] |
رد: رحلتي المصورة الى النمسا وألمانيا 2007م ...
[align=center]
:bsm: السلام عليكم اخواني واخواتي مرحبا بكم مرة ثانية ... وراح اكمل محطة فيينا ..... في اشياء شعرت بأهميتها وودي اقولها لكم لانكم راح تستفيدون منها... مثل : الشنطة اللي على شكل حزام اللي تلف على الخصر صراحة مهمة خاصة انهم هناك يتعاملون بالسنتات ( النقود المعدنية) بشكل كبييييير وراح تتوهقون بها ... وبعد تريحكم من مضايقة الجوال وغيره في الجيب.. -------------------------------------------------------------------- 2- الديرة كلها مشي فانصح بالبحث عن حذاء مشي مريح ( اعزكم الله) .. وخلو عنكم التكشح والترزز ..:68: انا وزجتي تكسرت رجولنا اول يومين وبعدين معد صرنا نلبس الا الأبوات ... وأنصح ايضا بأخد شبشب بلاستيك لدورة المياه ( أعزكم الله ) لأن شباشب الحمام قطنيه وراح تتبلل وتضايكم.. ------------------------------------------------------------------- 3- مخارج الافياش في النمسا على شكل الاصبعين الدائريين فأنصحكم تأخذون نفس هذا الفيش اللي في الصورة لانه يصلح لكل أنواع الاجهزة اللي معكم http://travel.maktoob.com/photo/data...m/DSCN1822.JPG ------------------------------------------------------------------- 4- نصيحة مهمة اشتروا كرتون منادل الجيب ام نص ريال وكرتون ومناديل معطرةعشان تمسحون يدينكم قبل أكل الوجبات الخفيفة والشوكولاته وانتم تتمشون... وخلوها معكم وكل يوم خذوا معكم كم حبه والله راح تحتاجونها بقوة ... ------------------------------------------------------------------ 5- طبعا المويه هناك نوعين في بغاز ولونها بنفسجي وفي بدون غاز لونها أخضر والي بدون غاز هذا شكلها وسعرها من 1.5 الى 2 يورو http://travel.maktoob.com/photo/data.../DSCN18081.JPG ------------------------------------------------------------------ 6- في موضوع يهم الحريم وهو النقاب والعباية السوداء ... بصراحة انا تفاجأت بالحريم هناك من جد جزاهم الله خير لو أقولكم انو تقريبا 50% من الخليجيات منقبات لا وعبايات سوداء بعد .. انا زوجتي فصلت كابات ونقابات ملونة بس الخياط ماظبطها لها وقالت بكيفها بروح بلبسي هذا ويوم وصلنا هناك قالت أشوا اني ماجبتها .... صحيح في نظرات من الناس بس طبييييييييييعي ولا في مضايقات ولا تحييز بالعكس النمساويين معاملتهم راقية ومحترمة لأبعد الحدود... ------------------------------------------------------------------- 7- انصح بقوووووة باستخدام الاندرقراوند صراحة ونيس وسريع وسهل وان شاء الله بشرح طريقة استخدامة بالصور ... ومن ناحية الأمان جداااااا آمن ..رجعت من البراتر انا وزوجتي بعد مغيب الشمس تقريبا الساعة 10 وكان مليان وطبيعي ... لكن آخر الليل مرة ما أنصح خصوصا العوائل ... بس لاتنسون الاذكار ... تقريبا هذي هي النقاط المهمة واذا ذكرت شي بذكره في الموضوع... ------------------------------------------------------------------- 8- اهم شيييييييييييييييييي القهوة لاتنسونها ترى لها خرمة هناك خصوصا في زيلامسي .. واذا تبغون نصيحتي اعملو مثلي خذو غلاية وعبوها مويه حتى النص واذا غلت حطو القهوة زي كذا http://travel.maktoob.com/photo/data...m/DSCN0796.JPG ولاتنسون تاخذون ترمس صغير ... وحطو في الهيل والزعفران بعدين زلّوا القهوة ومخمخووووووووا http://travel.maktoob.com/photo/data...m/DSCN0800.JPG ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ نكمل موضوع فيينا صحيح.... نسيت انزل صور مطعم الميريديان والمسبح ... وبخصوص فطور المريديان كان حلييييو ... وطحنا انا وزوجتي في البيض الأومليت لأن الباقي كله زبادي وفواكة ومعلبات ... وهذي صور المطعم والمسبح http://travel.maktoob.com/photo/data.../DSCN07651.JPG http://travel.maktoob.com/photo/data...m/DSCN0854.JPG راح أسرد الايام الباقيه سوى عشان ما أطول عليكم ..... من الأماكن السياحية اللي رحنالها قصر الشانبرون صراحة حلو وممتع والتذاكر حقته انواع مثل الي في الصورة واخذنا خصم 1.5 يورو عشان معانا بطاقة فيينا كارد http://travel.maktoob.com/photo/data.../DSCN07312.JPG التذكرة الاولى جولة على أغلب القصر بدون الحديقة ... والتذكرة الثانية جولة على القصر مع الحديقة وهي اللي اخذناها طبعا ما صورت القصر من الداخل لانه ممنوع ... وفي حديقة حيوانات على يمين الحديقة لكن مارحنالها وهذ صور من الحديقة http://travel.maktoob.com/photo/data...m/DSCN0734.JPG http://travel.maktoob.com/photo/data.../DSCN07321.JPG ويوم رجعنا رحنا للكارتتنر نتقهوا وبعدها رحنا جهت النهر وتمشينا فيه وهذ صور منه http://travel.maktoob.com/photo/data...m/DSCN0772.JPG http://up.graaam.com/p9ic/3920553f6d.jpg وبعدها رجعنا للفندق ... واليوم اللي بعده رحنا نتمشا في الكارتنر وتسوقنا من بعض المحلات ... على حسب كلام ام عبدالاله انو مافي شي غريب ويستاهل والاسعار مرتفعة شوي ولكن اعجبها H&M وبعض المحلات .. وشرينا شكولاتة موزارت وهي اشهر شكولاتة في النمسا وهذي صورة المحل http://travel.maktoob.com/photo/data...m/DSCN0806.JPG ويعدها رحنا لملاهي البراتر وصراحة الملاهي ممتعة وفيها ألعاب قوية وهذي صور منها هذي الصورة وانت داخل للبراتر http://travel.maktoob.com/photo/data.../DSCN07411.JPG وهذي صور للعبة النحلة http://travel.maktoob.com/photo/data.../DSCN07451.JPG وهذي الصورة اعتذر لعدم وضوحها لاني صورتها من لعبة الحلقة الكبيرة اللي تدور بس قلت لازم انزلها لانها ماخذه منظر من فوق http://travel.maktoob.com/photo/data.../DSCN07471.JPG أيييييييييييييييييه هذي الصورة ابيكم تركزون على الرجال اللي عاليسار يأشرلي بالبندق يبي يضحك علي باللعبة اللي ترمي الكور أو تطلق رصاص مكتوب الرميه بـ 2 يورو .. وانت كلما رميت تحمست للثانية وهو يمدلك الكورة ويحمسك وانت شغذال رمي ..... وفي النهاية يمصطك بمبلغ وقدرة ... لا وخويه اللي عاليمين يقوله يابختك بالصيدة.... لكني صورته وانا أقول تبطي يابو الشباب الله يخليلي اعضاء المنتدى الغاليين اللي حذرونا منك ومن أشكالك... http://travel.maktoob.com/photo/data...m/DSCN0753.JPG في حاجه ودي اقولها... كثير من الاعضاء يسألني عن طريقة استخدام الاندرقراوند وراح اشرح الطريقة بالصور طبعا تذاكر الاندرقراوند تشتريها من ماكينة التذاكر في اي محطة .. لكن انا شريت بطاقة فيينا كارد من كشك لمدة 3 ايام بسعر 18 يورو للشخص لانها شامله الاندرقراوند والباصات وعليها تخفيض لدخول المناطق السياحة لكن سعر تذكرة الاندرقراوند لحالها لمدة 3 ايام تقريبا 13 يورو ... وانت رايح للقطار راح يجيك هذا الصندوق الازرق تختم التذكرة فيه... http://travel.maktoob.com/photo/data.../DSCN07282.JPG لنفترض انك في البراتر وتبغى ترجع لشارع المشاة عند محطة ستيفنز .. يعني حسب الخريطة اللي تحت تبي تروح من محطة براتر ستيرن اللي رقمتها انا برقم (4) الى محطة ستيفنز بلاتز رقم (1) مرورا بمحطات برقم 3 وَ 2 http://www.travel4arab.com/photo/data/500/308.GIF (الخريطة تلقاها عند الكونسيرج اللي في الفندق او في الكشكات او في استعلامات الاندرقراوند تحت) نقطه مهمة ... اذا نزلت تحت راح تلقى مسارين للقطار واحد رايح وواحد جاي .. كيف تعرف القطار اللي رايح لساحة ستيفنز؟؟؟ سهلة ... حسب الخريطة في نهايتين للمسار نهاية تنتهي في محطة شمالا مثلا ..ونهاية تنتهي في محطة جنوبا ... انت شوف المحطة اللي تبي تروح لها في اتجاه اي محطة من النهايتين ؟؟؟؟..... في مثالنا هذا وانت في البراتر تكون محطة ستيفنز في اتجاه المسار اللي ينتهي جنوبا عند محطة Reumann-Platz فاذا نزلت راح تلقى لوحة بأسم آخر محطتين زي هذي http://up.graaam.com/p9ic/32db389060.jpg واذا مالقيت الوحة روح لاي مسار وتلقى لوحة زي هذي وراح تعرف انت على اي مسار http://www.travel4arab.com/photo/data/500/DSCN07581.jpg ارجو اني وضحت الطريقة وسامحوني على التقصير... -------------------------------------- اليوم اللي بعده كالعاده رحنا للكارتنر وتمشينا بعدين رحنا لشارع الماريا هلفر وهذي صور من الشارع هذي صورة ويبدو فيها فندق nh Atterseehaus http://up.graaam.com/p9ic/3bd48b9b98.jpg وهذي صورة لمطعم شاورما تركي http://up.graaam.com/p9ic/57cb07fe3f.jpg وصور لبعض المولات والمحلات http://travel.maktoob.com/photo/data...m/DSCN0789.JPG http://up.graaam.com/p9ic/749978f7a0.jpg http://travel.maktoob.com/photo/data...m/DSCN0787.JPG وبعد الماريا رحنا لبرج الدانوب عشان نتغدى فيه وصراحة لا يفوتكم البرج رووووووعه والحديقة حقته مره حلوة ... خصوصا وانت قاعد تاكل في المطعم البانوراما وتناظر فيينا كلها تحتك ... كان الدخول 5.5 يورو للشخص وانت داخل يصورونك واذا طلعت تلقى صورك معلقه عند الباب قدام الله وخلقه واذا بغيت تاخذها تشتريها ب 2 يورو ... وهذي صور لحديقة البرج http://travel.maktoob.com/photo/data.../DSCN08121.JPG كان في الحديقة سباق ماراثون وهذي صورة لأحد المتسابقين http://travel.maktoob.com/photo/data...m/DSCN0816.JPG وهذي صورة من مطعم البرج http://travel.maktoob.com/photo/data.../DSCN08241.JPG وهذي صورة من المطعم لمبنى الأمم المتحدة http://travel.maktoob.com/photo/data.../DSCN08382.JPG وهذي صورة لنهر الدانوب وملاهي البراتر http://travel.maktoob.com/photo/data...m/DSCN0820.JPG واللحين راح اذكر طريقة حجز القطار الى زيلامسي وكيفة معرفة القطار والبوابه والمسار ... مع انو كان ودي اذكرها في تقرير زيلامسي لكن لان بعض الاعضاء مستعجلين وقلت يستاهلون نذكره عشانهم... اول شي واهمممممم شي اذا كنتم رايحين على زيلامسي فلابد من التوقف في سالزبورج ((( تأكدو ))) ان الفرق بين وصول قطاركم الى سالزبورج وتحرك القطار الثاني الى زيلامسي اكثر من ربع ساعة على الاقل عشان يمديكم تنزلون وتروحون للقطار الثاني خصوصا حنا يالعرب عفشنا واجد وثقيل .. لايصير لكم مثل اللي صارلي تأخرنا عن القطار وأضطرينا نجلس ساعة نستنى القطار الثاني لا وبعد ما كان دايركت على زيلامسي وقفنا في محطة وغيرنا القطار الى زيلامسي.... ثاني شي لاتحجزون الا من المحطة نفسها قبل بيوم او نفس اليوم بس قبل رحلتكم بساعة على الاقل لانو في مجال وفي حجز ولا تحجزون مقاعد .. انا يوم رحت كان القطار فااااااااااضي وحجز المقاعد ب 7 يورو... ونصيحه اذا سألتو الكونسيرج حق الفندق عن مواعيد القطار راح يعطيكم التايم تيبل ويقولكم في مكاتب في وسط البلد تحجزلكم ... لا تسمعون كلامهم .. انا قالولي كذا وقلت ياولد خلني اضمن لي مقاعد ورحت لهذا المكتب وخذا مني 20 يورو مقابل حجزه لي ... وما انتبهت الا يوم رجعت الفندق وقلت يالله خيره وهذي صورة المكتب http://travel.maktoob.com/photo/data.../DSCN07662.JPG المهم رحنا لمحطة wien westbahnhof بالتاكسي وكلف 10.5 يورو حسب العداد ... ودخلنا المحطة وكانت بهذا الشكل وتلقون لوحة زرقاء كبيرة مكتوب فيها مواعيد الرحلات والبوابات http://up.graaam.com/p9ic/12d9263b23.jpg كان قطارنا الساعة 10:34 صباحا .. ودورت قطارنا المتجه الى سالزبورج لقيته على بوابة 8 http://travel.maktoob.com/photo/data.../DSCN08562.jpg اذا كنت حاجز مقعد تلقى مكتوب في التذكرة رقم المقطورة والمقعد وكان رقم مقطورتي 17 http://travel.maktoob.com/photo/data.../DSCN08572.jpg ونصيحه احجزوا درجة ثانية لانو مافي فررررررررررررررق اللهم المقاعد جلد .... وهذي صورة الدرجة الثانية وبعدها الاولى http://travel.maktoob.com/photo/data.../DSCN08642.jpg http://travel.maktoob.com/photo/data.../DSCN08661.jpg وهذي صورة للكباين وانصح حجزها للي يبي يتسدح ويتمدح او الحريم اللي يبون يفتشون http://travel.maktoob.com/photo/data.../DSCN08652.jpg ----------------------------------------------------------------- تقريبا هذا كل شي في محطتي الاولى فيينا وان شاء الله اكون عند حسن الظن ... ويكون التقرير اعجبكم وسامحوني على القصور ..... انتظروني في تقرير القادم ((( ساحرة العيون زيلامسي ))) لأنها هي تقريري الحقيقي... [وانا جاهز لأي سؤال او استفسار محبكم ابو عبدالاله [/align] |
رد: رحلتي المصورة الى النمسا وألمانيا 2007م ...
ابو عبد الاله
الله الله .............. وينك فيه جالس ادورك في المنتدى واثرك معسكر فيذا ,ومبشك وتتقهوا , (( اقول تراك كلت الجو علينا )) , يكفي ابداعات هنا ياخوي ترى فيه اقسام ثانية تحتريك اخلص علينا عطنا وجه في باقي الاقسام |
رد: رحلتي المصورة الى النمسا وألمانيا 2007م ...
بيض الله وجهك يالغالي وماقصرت
امتعتنا بعرض الصور الرائعة وننتظر الجزء الثالث |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلا بالغالي .. والله طال عمرك تعرفني مغرم بالسفر .. فعلطول طمرت هنا وقعدت أتميلح بتقريري :) .. وماعليك الاقسام الثانية جايها ان شاءالله .. والعين ماتعلى على الحاجب يابعدي .. تحياتي لك ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
مرحبتين بالشيخ ,, ومن قاله يالغالي .. واتمنى ان يعجبك القادم .. تشرفت بمرورك عزيزي ..[/align] |
رد: رحلتي المصورة الى النمسا وألمانيا 2007م ...
يامال العافيه يا ابو عبدالإله ...
عز الله ما قصرت تقرير مفصل وأكثر من رائع ... متابع معك وانتظر الجزء القادم ... |
رد: رحلتي المصورة الى النمسا وألمانيا 2007م ...
[align=center][align=center][align=center]فعلاً قوة الابداع يا ابو عبدالإله...
في أنتظار المزيد بس لا تطول علينا،،،[/align][/align][/align] |
رد: رحلتي المصورة الى النمسا وألمانيا 2007م ...
لالالالالالالالالالالالالالالالالالالالالالالالالا لالالالالالالا
وش هل ابداااااااااع كله ولله احرجتنا يا بو عابد معاد نقدر نكتب تقارير بعد هذا الابداع ،،، سلمت اناملك وعقبالنا اخوك [glint]جيل الظلام[/glint] |
رد: رحلتي المصورة الى النمسا وألمانيا 2007م ...
غريب الرحلة الاولى إلى فينا ؟!
اجل قبل سنتين الي رحنا لها وش تصير ؟! وفعلاً زيميلاسي رهيبه وخصوصا منطقة الثلوج الي تذكرك بمسلسل هايدي :) وفيه منطقة الكابرون والا مهيب ذي اسمها ؟! والظاهر رحلة القطار كلفتكم حول 40 يورو والا ؟! >> يبي يعيد الذكريات :( مشكور يا خالي وننتظر صور الحبيبيه |
رد: رحلتي المصورة الى النمسا وألمانيا 2007م ...
[align=center]
الحمدلله على السلامة أخوي واشكرك على هذا التقرير المميز وحبيت أسألك عن اللغة الأنجليزية هل صحيح أنهم مايتعاملون بها كثير ولا تمشي أمورك هل زرت متحف الداهية السياسي موترنيخ[/align] |
رد: رحلتي المصورة الى النمسا وألمانيا 2007م ...
ماشاء الله تقرير رائع ومفصل ..
تم الحفظ وننتظر الجزء القادم بارك الله فيك |
رد: رحلتي المصورة الى النمسا وألمانيا 2007م ...
تقرير مرتب وممتاز
ونصائح وتفاصيل تنفع للي ناوي لها وفي إنتظار البقيه .. .. .. .. تسلم أخوي على الجهد الطيب |
رد: رحلتي المصورة الى النمسا وألمانيا 2007م ...
مشكور على الجهد المبذول والتعليق الرائع
بأنتظار [align=center] زيلامسي [/align] |
رد: رحلتي المصورة الى النمسا وألمانيا 2007م ...
[align=center]اخواني واخواتي
المعذرة على تأخير الرد .. كان عندي نقل عفش وألتهيت شوي ,, [grade="FF4500 4B0082 0000FF 000000 F4A460"]ولغلاكم أعتذرنا .. ياحسبة أهلنا [/grade][/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلا والله بالبيق بوس :1107948511: يشرفني مروروك يالغالي .. ويشرفني اكثر حرصك على بقية التقرير .. تحياتي لك ...[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلابك يالغالي .. متابعتك هي الابداع بالنسبة لي .. وابسر بسعدك قريبا التكملة ان شاءالله ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياااااهلا بالغالي .. اشكرك جزيل الشكر على الرد الجميل .. وتشرفت بمرورك .. والعين ماتعلى عالحاجب يالغالي .. تحياتي لك ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلوتين بك ياشريك .. يسعدني مرورك يابعدي .. والله الله ماشاءالله عليك باخص الديرة حيل .. وسعر التذكرة حولها وراح اذكرها بالتقرير .. لكن اول كلامك مافهمته : اقتباس:
تحياتي لك ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
الله يسلمك اخوي .. والشكر موصول لك عزيزي .. وبخصوص اللغة معتمدة في الفنادق والمناطق السياحية .. وأغلب المحلات .. واذا كانك تطقطق فانت امورك تمام .. وللأسف مازرت المتحف المذكور .. تحياتي لك يالغالي ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلا والله بمشرفنا راعي المجد :47: .. تشرفت بمرورك يالغالي .. وان شاءالله يعجبك القادم .. تحياتي الحارة لك ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلا بالمشرف العزيز .. اشكرك على الاطراء الجميل .. وسلمك الله .. تحياتي لك ..[/align] |
رد: رحلتي المصورة الى النمسا وألمانيا 2007م ...
[align=center]
اقتباس:
ياهلا باخوي الحازم .. الشكر لك يالغالي لمرورك .. واتشرفت بمتابعتك .. تحياتي لك ..[/align] |
| الساعة الآن 10:23 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه