يسرني أن أنشر هذه القصيدة الخاصة بي هنا في منتديات سدير . كما أرجو أن تحوز على رضاكم .

[poet font="Simplified Arabic,14,green,normal,normal" bkcolor="" bkimage="http://forums.sdair.com/poetimages/23.gif" border="none,2,gray" type=0 line=200% align=center use=sp char="" num="0,black"]
يا حظي اللي دايم الدوم ضدي ...... لاجيت أبمشي درب جاني وسدّه
وإن جيت يمّـــه قال حدّك وحدّي ...... يقسم فلا بيني وبينه مودّه
الوقت له كفًا بقلبي يشـدِّ ...... وشدَّ الضمير وثم بالسيف قدَّه
وشفيك يا حظ التعاسه مْصِـدِّي ...... ما ترحم اللي وقته اليوم ضدّه
يا حظ حق الله أنا له مبدِّي ...... واللي ينافق خافقي ما يودّه
يا حظ أنا منصف بحبي وودّي ...... واللي يجي مشتاق والله ما أردّه
حظًا تعيسًا نايمًا ومتردِّي ...... لاجا الفرح لإسعاد روحي تردّه
هذا سبب حسراتنا يا محدّي ...... حسراتنا كثر الحصى ماتعدّه
[/poet]

تسلم على هالرائعه ...يا رائع..

تحياتي..

والله معاناة ...................... صح لسانك تابط شرا



يا حظ أنا منصف بحبي وودّي ...... واللي يجي مشتاق والله ما ارده ;)

وشفيك يا حظ التعاسه مْصِدِّي ...... ما ترحم اللي وقته اليوم ضدّه

الله عليك يا تأبط شراً كلذا عندك ومضيعنا مانسمح لك .... لازم ماتحرمنا ترى لنا حق..

ما شاء الله

اجل صرت شاعر

بس قصيده حلوه

يا حظي اللي دايم الدوم ضدي ...... لاجيت أبمشي درب جاني وسدّه
-----
وشفيك يا حظ التعاسه مْصِدِّي ...... ما ترحم اللي وقته اليوم iiضدّه

وصح لسانك اللي كله عسل:p

أخي الذيب : صح بدنك . وأشكرك على مرورك بهذه المشاركة المتواضعه .

مشرفنا من التويم : أشكرك على تعليقك المشجِّع . وأنا كلي لكم . بس المشكله أنها كلها محاولات لا ترتقي لمستوى المنتدى الأدبي .

العزيز مفتون صيد : كلها محاولات أيام المرحله الثانويه وما بعدها بسنتين أي قبل 13 سنه ثم توقفت لأني لا أعرض ما أكتبه وأحتفظ به لنفسي . وأشكرك على تعليقك . وصح بدنك . وبعدين تراك منت أبو شذا . :D

منتب سهل يالمتأبط
راعي قصيد وهجيني ====> يسمع بها

صح لسانك
والله انها زينه ====> تبي الصدز باشتريها منك تسنك تحتسي عني انا وحظي وابوي

بس انها يبيلها تعديل

أبوي اللي دايم الدوم ضدي ...... لاجيت أهج الباب جاني وسدّه
وإن جيت يمّه قال حدّك وحدّي ...... يقسم فلا بيني وبينه مودّه
:(

كثر من هالقصايد ودور اللي يصلحن لي

يا حظي اللي دايم الدوم ضدي ...... لاجيت أبمشي درب جاني وسدّه



ذكرتني بواحد من ابيات الشعر اللي حافظها بالمفضله عندي في الراس

كل ما دقيت في قاع وتد *** من رداة الحظ تطلع لي حصاة

صح لسانك أخوي تأبط شرا ولامست فيها اشياء في دواخل نفسي ... وكذا القصيد الزين يسوي

وتقبل تحياتي
اخوك
السلمان

وصــف ممتاز وأكثــر مـن رائــع للمعانه

تســلم أخـوي تأبط شرًا وكثر الله مـن أمثـالك

قـصـيدة جـزلـة وا لجـزل ما يجـيب ألا ا لجــزل

ســجل أعـجا بــي وعســاك علىالقــو ة ويعــطيك ا لــف عــا فيــة


أخوك اتيكا (أبوشذى)

[poet font="Simplified Arabic,14,white,normal,normal" bkcolor="gray" bkimage="" border="none,2,gray" type=0 line=200% align=center use=sp char="" num="0,black"]
وإن جيت يمّه قال حدّك وحدّي ...... يقسم فلا بيني وبينه مودّه
[/poet]

قصيده حلوه وصح لسانك
وانشالله بحط القصيده اللي طلبتها

اكتشاف جديد !! !

مشرفنا الغالي تأبط شراً (( شاعر )) . . .

ما أدري وش رآي الأخ هوجاس في قصيدة تأبط شراً ؟ ؟

أنا من وجهة نظري رائعة ورائعة جداً ...

التزم فيها الشاعر بركني القصيدة ( الوزن والقافية ) فبهما يقوم الشعر وإلا فلا ،،،

الاخ الكريم تأبط شراً


صح لسانك ويا الله يا رب يكون حظك دوم سعيد


الاخ الجريوي

أشكرك لانك تتذكرني دائماً في اكثر ردودك وطالما أن القصيده أعجبتك فمؤكد أنها أعجبتني ;)

وإن جيت يمّه قال حدّك وحدّي ...... يقسم فلا بيني وبينه مودّه

قصيده في غاية الروعه صح لسانك ..... تأبط شراً على هذه القصيده ..... وتسلم لنا قريحتك ....

منهو اللي صحاك من النوم يا تابط شرا



يا حظ حق الله أنا له مبدِّي ...... واللي ينافق خافقي ما يودّه
يا حظ أنا منصف بحبي وودّي ...... واللي يجي مشتاق والله ما أردّه

يعطيك العافية وصح لسانك

قصيدة رائعة وتحمل معاناة كثير من الناس في هذه الحياة

الله يسلمك ويرضى عليك ويسر امورنا وامورك

وبأنتظار المزيد من ابداعك المتميز اخي الكريم تابط شرا

كح كح كح

بس قصيدة زينة..

رحال
السلمان
اتيكا
مالك الحزين
الجريوي
هوجاس

تشرفت بمروركم وتعليقاتكم وتشجيعكم الذي يدل على ذوقكم الرفيع في إنتقاء العبارات التي تجعل العضو يحس بجمال مشاركته رغم تواضعها
جزاكم الله خير الجزاء

وأعتذر بشده على تأخري في الرد وذلك عائد إلى إنقطاعي عن المنتدى في تلك الفتره
وتقبلوا إحترامي وتقديري

ماشاء الله اخوي تأبط شرا اثرك شاعر لامعاد اقول فيك شي اخاف تقطع جلدي

وهوحرز مايبي الا نواش 0 ههههههههههههههههههه.......

اشكرك عزيزي على الابيات الحلوه ونرجو المزيد ،،

والظاهر ان عندي قصيدتين لك والثالثه رد على احد الشعراء،،

صح لسانك جعله يسلم ....

وياعزتي لك ياحبيبي رحـــــال انت وابوك الله اطول عمره على طاعته ويخليه لك 0

[align=center]مثل هذا التميز والابداع لايمكن ان يخدشة الغبار قدر شعرة



صححححح لساااااااانك ياشاعرنا



تقبل اعجابي وفي شوووووق لمصافحة جديدك القادم بسرعة



تحياااتي لك


اخوك[/align]

مشاركة: قصيدة الحظ ....تأبط شرًا ..
 

السلام عليكم

وها أنت عزيزي تأبط شرآ تنشر الإبداع في سطور عذبه .

كيف لي أن أشكر بوحك .. وكيف لي أن أعاتب حظك .. وكيف لي أن أصف شعوري وأنا أسعد ُ بقراءة تلك الأسطر الحزينه الممزوجة بشئ من الإبداع التحاوري الجميل .

عزيزي تأبط شرآ أهديك بستانــآ من الورود أنثرها بين صفحاتك العذبه . وكلي أمل أن نلتقي مرة ً أخرى في رائعة ٍ من روائعك الجميلة .


عزيزي هذا البيت أعجبني كثيرآ .

[poem=font="Simplified Arabic,6,black,bold,normal" bkcolor="transparent" bkimage="backgrounds/39.gif" border="solid,7,black" type=2 line=0 align=center use=ex num="0,black"]
حظًا تعيسًا نايمًا ومتردِّي=لاجا الفرح لإسعاد روحي تردّه[/poem]


وكما قال أحد الشعراء :

[poem=font="Simplified Arabic,5,black,bold,normal" bkcolor="transparent" bkimage="backgrounds/39.gif" border="solid,7,black" type=2 line=0 align=center use=ex num="0,black"]
حظي اللي ماجاني منه زودِ = كلما قلت أرتفع عود عليه [/poem]

عزيزي تابط شرآ دمت بخير

مشاركة: قصيدة الحظ ....تأبط شرًا ..
 

ما درينا إنك شاعر...!

صح لسانك تأبط شراً .. ونبي جديدك..!