تبي تتحدى شاعر ؟؟ تعااااااااااال ..
 

[C]السلام عليكم ورحمة الله


بمناسبة نهاية الاختبارات نبي نشعل التحدي بين الشعراء والاخوان القراء ومتذوقي الشعر

الفكرة تقوم على ان يكون هناك فريقين ،،،

الفريق الاول فريق الشعراء

الفريق الثاني فريق المتحدين

وطريقة التحدي تكون بأن يختار احد اعضاء فريق التحدي كلمة ويحظر معناها ويطلب من احد الشعراء في الفريق ان ينظم بيتين تكون الكلمة المطلوبه داخل احد البيتين بنفس المعنى ويحق للمتحدي ان يحدد اين يريد موضع الكلمه في البيت

لا تستصعبوها تراها سهله :f وخاصة فريق المتحدين

يالله اللي يشوف في نفسه الكفاءة يسجل اسمه في احد الفريقين


[/C]

والله فكره روعه...

انا اسجل اسمي ضمن فريق المتحدين oa: << ما يبيلها تفكير rf:

بس عندي استفهام ..

1- يصلح نجيب كلمات بالانقلش :D ولا لازم عربي !

مشكووور دفين الجرح على المسابقه الشعريه اللي شكلها بتصير حلوه ..oa:

تحياتي ..

تحيه طيبه




مسيك بالخير يابعدي .


غبت والشوق طول يا دفين الجرح .

وعُدت والعود احمدُ .


والله انها زينه ترى كثير من الاعظاء عندهم موهبه بس مدفونه .

بس عاد انتبه نبي فزعتك .

بس ليتك تعطينا امثله وبالمثال يتضح المقال .


تراي ابي اسجل بس في اي مدري .


لك تحياتي

اخ دفين ارجو التوضيح ولو بمثال ودي اشارك بسني مانيب اشعر...
وش الحل ...... ترا بصيح .... ودي اشارك..... بس وضح تكفا وودي اشارك

حياك الله اخوي دفين الجرح ،،،،

ومسابقة رائعه ،، وأتوقع لها النجاح بمشيئة الله ،،

سجل اسمي معكم في التحدي ،،

(شكلها تبي تصير على راسك )

تحياتي..

:)


ما شاء الله بتطلع المواهب ------> سقم يقول ما اعرف اشعر خخخخخخخخخخخخخخخخخخخخ

ما يعرف يشعر خخخخخخخ اول خير :eek:


ابو ابراهيم الفكرة طيبه جدا بس لو توضح اكثر يعني منهم حقين الشعراء اذكر لنا اسمائهم عشان نكون فريق التحدي oa:


يالله سجلني معكم في التحدي وابشر بصواريخ اشد من صواريخ عواد hay: خخخخخخخخ


بالتوفيق ..

وواحد سبعين ضمن فريق التحدي وصلحووووو :)

ماشاء الله ماشاء الله der:

تصدقون ما كنت متوقع هذا التجاوب ،،،


المهم شكل راعي الاوله صادق بتصير فوق راسي :mad:


ياجماعة نبي فريق شعراء ما سجل ولا واحد يادافع البلا lk:


بس شاطرين تتحدون فينا :(


المهم انا ابوضح للجميع ،،،


الاخت عاشقة سدير /

عربي انجليزي كله واحد بس اهم شي تجيبين معناها والباقي علينا rf:

الاخ ابو دحيم / سجل يارجال في الشعر وفيك البركة

ابعطيكم مثال /

مثلا يجي واحد من التحدي ويختار احد اعضاء الشعر ويقول ابي راعي الاوله مثلا يجيب بيتين شعر فيهم كلمة ( جوال ) والجوال معروف ما يبي من يجيب معناه ،، يقوم راعي الاوله ويخترع له بيتين فيهم كلمة جوال مثلا /

يابنت ياللي معك جوال ==== ردي على رقم جوالي
شايب وعندي مره وعيال ==== واسهر الى المذن التالي

خخخخخخخخخخخخخخخ

وهكذا تستمر المسابقه ويحق للشاعر التشاور مع باقي اعضاء فريقة خلف الكواليس :f

اتمنى ان المثال وضح الفكرة بس ياليت اللي نشوف اعضاء يسجلون في الشعر وما عليكم نبي نفزع لبعض خلف الكواليس :D

مع تحيااااتي لباقي الاعضاء

هلا بك دفين الجرح والله ولك وحشه والطيب ينفقد وانا اخوك مثلك وشرواك وابشر بسعدك وحنا معك وجاهزين للمشاركة اخوك ابوريان

الو الو ياله فهمت

ووووووواوك اوه .... ضهر الشيب في راسي ابي اسجل من ضمن الشعراء
ولا تنسانى من ورا الكواليس لا تخاف موب خوينا خخخخ
المهم اخ دفين كان ماعليك امر حل لي مكان في الشعرا .... يله يالربع من بياقف في صفي.... ومن الي بياقف ضدي...

فريق الشعراء حتى الان :

ابوريان ، س ق م ، دفين الجرح


فريق التحدي :

عاشقة سدير ، راعي الاوله ، حالم ليل ، العضو السري ، السبعين

نبي باقي في فريق الشعراء وننتظر ابو دحيم وين بيكون


تحياتي

تحيه طيبه


دفين الجرح حطني مع الشعراء ما دام ابو ريان معنا ما علينا .


تراك قلت نبي نساعدكم .
ملاحظه /

تراي ما ادخل انت الا وسط الاسبوع يعني خميس وجمعه مقدر .

اصلح والا شلني .



لك تحياتي

يسعدني متابعة الكبار والمبدعين .. بالتوفيق للجميع .

اول تحدي من فريق التحدي حبيت اسبقهم فيه:)

المطلوب بيتين شعر

الكلمة المطلوبة ( تشطر ) <<<بتشديد الطاء

وابيها تكون في اول البيت الاول واخر البيت الثاني

وابيها مرة ( تشطر ) بمعنى (ابتعد) ........ مثال : تشطرت عن الطريق : أي بمعنى ابتعدت عن الطريق

وابيها مرة (تشطر ) بمعنى ( كن شاطر وذكي ) .....مثال : تشطر في حل الاسئلة :اي كن ذكيا وشغل مخك وحل الاسئلة



<<<<<<<<<< منتهى التعقيد:D

بس والله اني واثق انكم قدها


تحياتي لكم


==========

المربي الفاضل ابو عبد المحسن مطلوب في فريق الشعراء كي تتعادل الكفة

بدايه قويه لفريقنا ( تشطر ) يا دفين انت وربعك وعطونا بيتين ..


السبعين تصدق او ما قريت تشطر فهمتها لكن من زود شرحك ما فهمت خخخخخخخ


يالله ورونا مهاراتكم !!

عموما هي مجرد بداية لقبول التحدي

[poet font="Simplified Arabic,14,blue,normal,normal" bkcolor="" bkimage="http://forums.sdair.com/poetimages/11.gif" border="double,5,red" type=0 line=200% align=center use=sp char="" num="0,black"]
تشطر واكـفـني شرك &&& ترى ما جاني يكـفــيني
رضيت بحلوك ومرك &&& ومـع ذا مـا تـواديــني
وفعل الطـيب ما سرك &&& وش اللي ترتجـي فـيني

[/poet]

:(

تشطر واكـفـني شرك &&& ترى ما جاني يكـفــيني
رضيت بحلوك ومرك &&& ومـع ذا مـا تـواديــني
وفعل الطـيب ما سرك &&& وش اللي ترتجـي فـيني

أبصير مع فريق الشعراء...
 

مع أني مع جنبها...

المهم...

تبون تشطر تصير القافية...

أنت ياللي ممتحني وش بلاك.... وراك ماعني تبتعد وتشطر

هذا تحدي من السبعين جاك... وأقبل التحدي يالرجل الأخطر

أدري أنها مع جنبها...

بس سلكوها تكفون...

السبعين der:

خخخخخخخخ والله من جد طلب معقد بس حلو oa:

تحياتي

بدايات قوية ،،،،
ما قصرتوا يا شباب ،، ويبدو اننا سنجد المتعه والحماس بالفعل ،، لكن يا دفين الجرح هل يحق لنا ان نطلب أحد الشعراء ونتحداه ؟
تحياتي.

ياشباب المفروض ان السبعين يحدد شاعر معين بأسمه


لكن بما انها البدايه نبي نمشيها

عموما السبعين طلب الطلب وابو ريان وفارس الظلام ماقصروا بس


احقاقا للحق استعجلو بالاجابه اثنينهم وما طبقوا كل اللي طلب السبعين

هو طلب الكلمه بمعنيين مختلفين بس انتم جبتوها بمعنى واحد وابو ريان من زود الكرم جاب ثلاث ابيات


وبهذا تكون تانقطة الاولى لفريق التحدي

التحدي 1 : الشعراء 0


معليش خيرها بالجايات انشاء الله

الدور عند التحدي

بس ياليت يختارون شاعر معين وبأمكان الشعراء التشاور مع بعض بالرسايل والايميلات والتلفونات والكنود والمزاعق اذا بغوا خخخخخخخخخخ

يالله يالتحدي تشاوروا وعطونا طلبكم ..

وش هالوناسه مسابغاااات وصجه مزاعق وانا في عالم آخر

شوفوا عاد انا راده عشان اشجع لاتهاوشون وتقولون لي خير وراتس راده وانتي هوب مع احد

ابشجع الفريق الفايز >> بالله قرشعوها مع الباب

دفين الجرح ...

عادي نتشاور قدامكم << الا احسن خليهم يغمضون عشان تتشاورون :p

طيب ...

وش رايكم تعطونا بيت واحد ...فيه كلمة ( الفراق ) بحيث انها تكون ...في نهاية الشطر الاول

ووسط الشطر الثاني ..oa:

اختار ( دفين الجرح ) oa:

ولا يهونون البقيه من شعرائنا ..

تحياتي

يحق لنا نحن فريق التحدي ان نفرح باحراز الهدف الاول في مرمى فريق الشعراءrolleyes:


==========

بجد هالموضوع من احلى المواضيع وفيه سترون تفجر الطاقات الشعرية (بس ولو بنغلبكم ياشعراء:( )


ابو ريان هاردلك .بس ابعرف وشلون فات عليك المعنى الثاني:( بالمناسبة ترى منتجعنا في ماربيا فاقدك


فارس الظلام بجد محاولتك رهيبة لكن مثل ماقلت لابوريان فات عليك تطبيق الشرط

حالم ليل :انا شرحت عشان مايصير لهم حجة اذا فزنا:D

دفين الجرح اعتذر والله وفعلا كان خطأ مني عدم تحديد شاعر معين

عاشقة سدير :لازم يصير الطلب معقد والا شلون نفوز:D وبالمناسبة ترى طلبك اكثر تعقيد وشكل الهدف الثاني في الطريق

<<<شكل الشعراء بينسحبون :D _امزح _


==========

في انتظار الردود بكل شوقder:

اجرب حظي في ردي على القصيد
 

تشطر واكـفـني شرك &&& ترى ما جاني يكـفــيني
رضيت بحلوك ومرك &&& ومـع ذا مـا تـواديــني
وفعل الطـيب ما سرك &&& وش اللي ترتجـي فـيني
رد على القصيده
با ابن الحلال وش بلاك &&&لا تخاف من شاعر يردد ابياتي
كلك رجواله وقلب يغليك&&&واحب القصيدالي يشابهني بحركاتي
عزيزولا ترضى احد يخونك&&& طريقتك و اسلوبك اعجباتني

محاوله منى يمكن اطلع شاعر علي غفله der:

السبعين شكلك تبي تصير الهداف ، rf:

شدو حيلكم يا شباب ونبي خطه هجوميه لان التعادل من صالحهم ،،،oa:


تحياتي..

أنا ياإخوان ضد الأختيار...
 

يعنى أختيار الذي سيكتب الأبيات...

لأنه قد يكون بعيدا عن المنتدى...

مما يعرض اللعبة للجمود...

فياليت تكون التحديات للجميع...

عشان ماتوقف اللعبة...

وطبعا الحكم الأول والأخير...

دفين الجرح...

استلمي ياعاشقة سدير ولا يهونون اخوانا الباقين


واعذاب اللي سرى به هاجسه صوب الفراق
000000000 وان تعذر بالاهانه الفراق اكبر مصيبة


عساه بس حسب الطلب

جالسين ليه انقلعوا روحوا :o


المهم انا اشوف ان اقتراح فارس الظلام في مكانه


ولذلك قررنا عدم تحديد الشاعر ابتداء من هذا الرد


وانت يالسبعين اركد بلا ازعاج واستفزاز lk:


الاخ من يفهمني / حياك الله وياهلابك :mad:


راعي الاوله : عشانك مدير يعني جالس تتريق علينا

لو فيك خير كان ما توزيت في فريق المتحدين وانت شاعر :f


===================

ملاحظة هامه /
فريق المتحدين <<<< اسمكم يذكرني بفريق الاتحاد :)

بما اننا فريق التحدي نمتلك روح رياضية عالية



سنقبل هدف التعادل بابتسامة



ونرجو من فريق التحدي اختيار كلمات اصعب من ما سبق كي نخبرهم اننا اسم على مسمى

((( اوووووو يالاتي ياموج البحر :D )))))


=========

دفين الجرح : بنشوف في الاخير من يقول : جالسين ليـه ماتقوموا تروحوا ..وبنقول بمشيئة الله : نحمد الله جت على ما نتمنا :)



========


في انتظار احد اعضاء فريقنا بكلمة عجز عنها السابقون وسيعجز عنها اللاحقون :o

روعه يادفين الجرح ...قدها وقدود << تحسونها فرحانه ان الشعراء خذوا نقطه oa: << هبله ...شكلها بتنطرد من فريق التحدي خخخخخخخ :f

بس تراني متعنيه اسهل الطلب << كثري منها :(

لا من جد ...لاني ابغى ارفع معنويات الشعراء ...بما اننا تونا في البدايه عشان يتحمسون اكثر ويعطونا ابيات حلوه rf:

يالله يافريق الشعراء ...مبروك عليكم هالنقطه واتوقع انها كفايه ...وعاد باقي النقاط للتحدي oa:

تحياتي

السبعين وعاشقة سدير


لا تكثر بربرتكم وهاتو كلمة ترانا متحمسين بزياده


من عاند الاعصاااااااااااار ==== مهما صمد ينهاااااااااار


نبي مواهب جديدة وكلمات حلوة


عاشقة سدير لا تصدقين انك جايبه كلمه صعبه

البيت اللي كتبته هذا قالته لي بنتي ميار من زود السهوله

معليش فكروا اكثر

والله ماودي احتكر التحدي لحالي وودي فريقنا يشاركون .لكنهم ابطوا عاد قلت مابدهاش (نرزحكم ) بتحدي ان شاء الله ما تجيبون له خبر :)

====الكلمة هي : الحيا

الشروط هي :


ابيها مرتين في بيتين شعريين وتكون قافية البيت الاول كلمة الحيا (( بمعنى المطر ))


وفي قافية البيت الثاني تكون الحيا : بمعنى ((الخجل ))


<<<<<<<<<<< انواع التعقيد :)
=========

ملاحظة مهمة . اي خلل في الشروط على طول بيصير هدف لفريق التحدي


((( هي ياشبك من شربكك من هزك منهو حركك :) ......طبعا فريق التحدي )))

أنا أتحدى :(:(:(

يلا يافريق الشعراء <------ الاخت داخله عرض

مسيكم بالخير 000
انا ودي اشارك مع فيق التحدي 00 تسانكم تبوني والا ترا عندي عرض مغري من فريق الشعراء 00

هاه وش قلتوا يا شلة التحدي 00

لكم تحياتي

هلا بالملتمس ،، الله يحييك معنا وأبشر بسعدك وتراك أساسي ونبي نحطك راس حربه ،،،
بس مدري عن اللياقه ؟!!

تحياتي..

دفين الجرح ...

ماشاءالله ...اجل هذه الشبله من هذا الاسد خخخخخخ oa:

وبعدين هذا بدال ما تشكروني على تسهيل السؤال ...طيب ان ما خليناكم ياشعرائنا ...من القهر تدورون في قوقل من الصبح لين اخر الليل تدورون بيت يطبق الشروط وما تلقون ...مانكون فريق التحدي rf:

على فكره ..

وش رايكم نغير المسمى من ( فريق التحدي ) الى ( فريق النصر ) << عشان نهتف بهتافات النصر مو الاتحاد lk: << امزح معكم ...شكلي بنجلد :p

بنتظار الابيات ..oa:

تحياتي

استلم مدام الشباب مقززين


الجادل اللي وصلها ينعش وتزهر منه روح

00000000000 مثل الفياض اللي وطاها باول الوسم الحيا

فيها من الزهر الندي عطرٍ ورى الطرحة يفوح

0000000000 لونه مثل خدٍ تلون بالحمار من الحيا


ملاحظه للي ما يفهمون ويعرف نفسه /

الحمار : يعني الاحمر وليس الحيوان صاحب الاذان الطويله والنهيق
خخخخخخخخخخخخخخخخخخخخخ


اعتقد ان النتيجه الحين


التحدي 1 ،،، الشعراء 2


هعهععهعهعهعهعهعهع


ومن واجه الشعار ........ مهما صمد ينهار

واللي بعده