معجم الكلمات القديمة
 

بسم الله الرحمن الرحيم

امس كنت جالس مع واحد قروي قح في مطعم المهم طلبت له عصير كوكتيل
وبعد ماخلص قالي والله عصيرهم حانط خخخخخخخخخخخخخخخخخخخخخخخخ
انا طبعاً تمزعت تسبدي من الضحك لاني ماسمعت هالكلمة من ثلاثمية الف سنة

بعدها طنت في راسي فكرة اللي هي كتابة الكلمات القديمة اللتي اندثرت
وكل واحد يكتب الكلمة يكتب معناها مقابلها

وانا راح ابتدي بكلمة جخ
جخ هذي معناها شي فخم وحلو <--- اقول يازين حانط عندها

عموما ارجوا من الاعضاء عدم البخل في المشاركة وتقبلوا تحياتي ،،،

ولا تنسى الباب المسلوق:D

عسى مافيه اغراب ويمسكون هالكلمة علينا:D

والله يا انكم قروية قح وبصراحة مكانكم الطبيعي الجنادرية :D

خذ الكلمة هذي
اصلف
اصلف هذي معناها ارفع صوتك وانت تتكلم

اااااااااالله يالدنيا يا ابوريان صار مكانا الحين في الجنادرية
نسينا يوم انك تدرس على الحصير وسندوتشك كراث وطحينية:D

والله تسان بودى اشارتس معاكم بس ماش ماعندى ولا حسوه زديمه
اصيرو لين اروح عند جدى واخليه يسولف وانا انقش حسياته واعلمكم
******************************

:p :p :p

ولا يهون السبعين :D :D :D

شايب يقول لولده رح تسالم أخوك وانا باتناك فيذا..

الترجمه..شايب يقول لولده رح ناد أخوك وانا أبحتريك فيذا..

يعني... شايب يقول لولده رح كلم أخوك وانا ابا انتظر هنا..


هاه فهمتوها الحين..

اخوي غريب الدار مشكور على المشاركة
بس تكفى لايشوفها واحد من برى مايدري وش معنى هالكلمة زين
ويقول وش جاه هالشايب صار gay على غفلة:D

اختي ام عبدالله هاه رحتي لجدك والا للحين ترانا ننتظر:)

سلام عليكم ،،،

يا زين هالحتسيات الله لايخلينا منها
ازين الكلمات اللي قلتوها وجازت لي
حانط :D
طاغين عليه ====> هذي قبل ابوي يقولها لأمي يقول يامره سوي شاهي بالنعناع وخلي الشاهي طاغين على النعناع
لا انا ابو هالحتسي كله اوريكم جاك ماتمنى يا سنمار

منول وانحن صغيرين انا ودحيم ولد خالي نروح نطافش في الرتسيه اللي في نخلهم وعلينا صراويل مقصمله اللي يقولون عنه مقوصر
وفنايل علاق لو يعضها تسلب استغلث
وابوي وخالي يهاوشونا ويتنهزرونا لاتجون حول اللزا لاتخبطون فيه
وإذا قضينا سابحين رحنا ندابتس في النخل يا ما ندحدر في المنحات يا ما نرقى وحنا نراكض انا معروف بالرفاله والرجاجه كل شوي اعثر في التساله والا زالق في الغرب اللي في السواقي وحالتي حاله تلقون مرافدزي خضر وشهب وبنيه من الطين
ثم نروح نلعب مع العنقان والتيوس تسني بيتر بينهن ولا نقرب الرخال والتيوس الكبار لأنها تعس
ومره ولد خالي عسه تيس وطااااااار في الهوا ثم مصط على وجهه
والله يا انا تمددت عليه من الضحتس
قبل يقول لي ابوي لاتجون عند حوش البقر والا تبطحون في السيسان ترى تجيكم القوام والعدزارب وبالأخص في القيظ يكثر الخشاش
يازين ذيك الأيام ذكرت دحيم وهاك العصادزيل اللي عليه تسنها محاريث رماد
ابد تسني انا وياه اخوان
من يوم نجي لمهم في سدير يمسكني الناس يسلمون ويقولون وشلونك عساك طيب وهو ينشدني تبي تمرحون عندنا
والله الدلخ
اشين شي عندهم فراش دحيم اللي يخلوني ارقد معه فيه كله خرايط وريحته حلبه واذا اصبحنا نشرت امه ثيابه وفراشه جميع مدري ليش وما دزد جا في بالي انشده ليش ابادق عليه بعد شوي انشده
دحيم مع انه دلخ الا انه قذره يبلش البنات ويجرجرهن مع شوشهن متوذيات منه الجدايل تصدقون من خباله ينتف حواجبه ويدعي قدام البزران مسويها حركه
وكان احسن واحد يتزوكا وراسه مايلمس الأرض
عليه حركات الله يغربله :D
باتركم الحين عشان اعطيكم فرصه واعود بعدين اكمل لكم قصصي انا ودحيم يوم جدتي تسبحن علينا ويوم يكوفنه ابوه عشانه عاض اذن البربري
الا يا سنمار لاتتفلسف وتقول قي ومسويلي فيها كلنا عارفين معناها
معناها بوابه ;)
ياخزياه

هههههههههههههههههههههههههههههههههههههههههههههههههه ههههه
الله يرجك يارحال انت وهالسواليف والله رهيييييييبه
اما سالفة دحيم هو وعصاقيله اللي كنها محاريث رماد خخخخخخخخخخخخخ والله ضحكت عليها من جد
شف يارحال هذي خمسة الاف ريال كاش اذا جبت لي مصري وفهم اول سطرين بس خخخخخخخخخخخخخخخخخخخخخخخ

تكفى كثر من هالسوالف الله يعطيك العافية:D

اجل جازت لك سواليفه هو ويا دحيم يا ابا المحاريث :D :D :D :D
تصدق يا سنمار يافيه شطحات على الكيف يبي فنيجل وسويلفات في الصاير ولو تسدم الباب شوي وخل ابتويايتس
معه واذا مافيه احد في الطايه ابصب مويه مع خفوس الطرمه والوعد بيت المذن :D :D :D

ايييييه اطلع اطلع يا ابوريان على حقيقتك الحين اثبت انك شايب من حئ وحئيئي:D

يالله حيهم تحية المطر
عسى ما صيفت عليكم
ابد ابوي صايدز وتوزيت عند جدتي في حجرتا لين راح يسير على عمي مصخنته هايضن عليه مر
ووجهه اصفر بس تقول جدتي ان حنتسه وارم وشاكين ان اللي فيه ابوكعب زودن على المر
المراد ما اطول عليكم
امي تصوت لي محميتن عشاي تبيني افنكه قبل يجي ابوي
ايه دحيم وما ادراكم ما دحيم
كانو يدلعونه عيال حارتهم السوسة النخره
بلاه والله مفسد اشد من الجرذي إذا حارشته
يحب المطامر والتزوكي ومع هذا ينشب في البنات إذا جن يلعبن خطه وإلا حبله وإلا صقله الا يلعب والا يبي يخرب
فيه عياره يزعل منها وانا ما احب اناديه الا بها بس إذا صرنا لحالنا والا تسان يصول علي
عيارته الهليمه
حتى يوم تسبر صارت له مواقف مالها داعي تطيح وجهه
جاني مره مسير علي في الرياض ===> للعلم دحيم قبل ما يجي للرياض لازم يفصل ثوب جديد وإلا يشتري الدفه بس مايجي للرياض الا بثوب اول لبسه له
ولا زم كبك ويزر زرته
جاني مره وصجني يبينا نروح لأسواق المملكه انا والله ما طبيتها ولا ودي اطبها بس صجني يبي يروح لسدير يجخ عليهم
المراد يوم رحنا وهو على باله يزمر على الناس واقف في سيب من اسيابهم وجته وحده وش زين كشختها وريحتها تعايط اطياب
ويوم قربت عنده قالت له لوسمحت يا اخوي
التفت عليها وهو زامر ورازن خشمه وعلى طول رد عليها : الله يعطيتس
قامت تصايح وتزاعق طول بطنها
ياللي ماتستحي على وجهك يالخكيري متزاين نفسك عشان تقول لي الكلام هذا يالطرار يوم طاح وجهه وراح ناصين باب المملكه يبي يطلع وهي ترجمه بخشمه واذانه وعيونه عقب ما طاح وجهه
تسني طلعت من الموضوع
نرجع لي انا وياه يوم انحن مبزره
اذا عطانا ابوي قروش نروح نشري انا وياه من دكيكين حولهم
انا اشري بسكوت السعاده ومينو
وهو اللهم عافنا يشري تسيسة برميت ====> مدمن برميت وحلاو عسل
ثمين عاد معه تسيسه ولا يعطي احد ولا يجي بين عشوين الا ويهره بطنه والا قعد يزوع اجل زارطن كل البرميت هالبحام
وإذا قال له احد عطني دحيم برميته وحده بس قام يهوش ويناذخ ولسانه يلوط اذانه تسن الناس في السنه
نوبة من النوبات راحو ابوه وامه لمكه يحجون ودلى يصيح صياح تسنه بزر وجابنا ابوي عندهم
الله لايعيدها مانيب انام من حلومه يحتسي في الحلم ويرجف ويصيح وإذا اصبحنا جا ابوي يقومني من الفجر ولا عاد يخليني اصفر هالصبحيه
وإذا قلت له باقوم دحيم قال لا . دحيم مسيكين اهله ماهمب فيه وإذا قومته يبي يبلشنا بالصياح ويبي يقلبها مناحه
واقعد بها انا ما انام لا في الليل ولا في النهار وهو مجخي ولا يرده الا اذان الظهر
شرالي ابوي سيكل وجو لمنا في الرياض وشافه وانا خايف انه يشوفه وتذبحه الغاريه عاد هو يغار وإذا صار ما يقدر يحصل الشي قال : ايه ما عليه حليو
هذا إذا صار ما وده يضيق صدرك والا تسان يقول : ماهوب من زينه يحوم التسبد
نوبة من النوبات قاعد ينقش في مناخره وفاق اثمه من التتنيحه وقزه خالي وصفق مرفقه بقوه وإلى اصبعه طاقن في هامته يوم اللهم عافنا قام خشمه يرعف وهو يصيح من وجعها واختلطت دموعه مع الدم اللي ارعف مع .......
الله يذكر ذيك الأيام بالخير
تصدقون انه مقلع كان ينحاش من المدرسه وهو في رابع وطاح في التتن وهو في خامس ما شالله عليه
علمته الدنيا قبلنا
الحين ماشالله عليه احسن واحد يرقع سياكل ويزين نباطات
الا على طاري المملكه مره سرق دنانة ولد جيرانهم سعيد وجا يركض عاضن ثوبه من قوي النحشه ناصين بيتهم وهو ملتفت يناظر عليان لايوصله والله مار وهو اللي يصمخ هاك الصمخه في عاير بيتهم وينزلغ وجهه عاد وجهه من كبره صغير ومثلث تسنه قاعة متسوى ===> اللي يتسوون بها الثياب
ويقعد يصيح وتختلط كالعاده دموعه مع سعابيله مع ..........
والله يا هو طمل وملغن وموصخ
من وصاخته كل اسبوعين يطيح مصخن
ودايم يصج ابوه عشان يوديه للصحيه عشان ينومونه وياكل من اكلهم يقول ازين من حواق امه
اباخليكم الحين واعود لكم اية حزه
جعل ما يعقبنا عليكم الا العفو والعافيه

:D

[shdw]ههههههههههههههههههههههههه [/shdw]

:D
وهو اللهم عافنا يشري تسيسة برميت ====> مدمن برميت وحلاو عسل
ثمين عاد معه تسيسه ولا يعطي احد ولا يجي بين عشوين الا ويهره بطنه والا قعد يزوع اجل زارطن كل البرميت هالبحام

وش هالإبداع يارحال وين طلعت هالكلمات منه . أنا أشك أنك تكون من مواليد أو سكان الرياض وأتوقع أن هالسوالف لك بس ملزقها في دحيم .
والدليل هاللهجه السديراويه الصميم .
بس صراحةً فيه كلمات كنت متوقع أحد يقولها ولم تذكر وأنا ما أبغى أقولها لأن فيه ناس أسلوبهم أفضل مثل رحال وأبوريان وسنمار وكم واحد غيرهم .

وين السلمان عن هالموضوع وهو يحب الأشياء القديمه . كلنا في إنتظار مشاركة البقيه .

العشر مباركة عليكم ياشباب
 

عليكم بتحري ليلة القدر لا تفوتكم تراها مرة في السنة لا تضيعونها........

الكلمة اللي ودي أقولها(أنهج) بمعنى دوس بمعنى أسرع:D
(أها عاد) :mad: بمعنى أركد أعقل....:D :D

هههههههههههههههههههههههههههههههههههههاي
والله انك مصرقع يارحال
ياشيخ احلق شنبي ان كانك مولود في الرياض
موضوعك هذا المفروض يبروزونه ويحطونه في الجنادريه
لانه والله كنز من الكلمات المنقرضة:D
الله يعطيك العافية وانحن ( وفي رواية الحن ) في انتظار جديدك:)

تراة ستض يا سنمار بس هقوتي ان شنبك مسلوت ولا هوب لاقين شي يملطه لااني اشوف عكسك مافيه ولا شعرة
:D :D :D

اسمع يا ابوريان خل عنك الحتسي بس
شف انا مانيب حالق شنبي وبس انا بطب في برميل نير مرتن وحدة اذا هالادمي مولود في الرياض:D

رحّال..ابصم باصابع جدتي ..إذا ماصرت احد شياب سدير (بس مثقف) ..لو اعصر جدتي عصر ما طّلعت ربع اللي قلته ( عيني عليك بارده)..

انا والله داخلن المنتدى اباقولكم قصص صايره لدحيّم الهليمه بس لقيتكم والله ظالميني تقولون اني مالودن في سدير بسم الله علي يا ويلكم من الله ان تسان كل هالثقافه واللباقه والنعومه وتقولون تسذا وشلون لوني احرش . بلاكم ما تدرون وش يسموني في سدير . تدرون انهم يغنون إذا شافوني يقولون ( يالاحيلس يالاميلس ) لأني املس =====> يعني زبيده اسيح
وإذا حاتستني حرمه اغدي موية اديتر ماصيّخ
لكن بأخربها وأعلمكم ويني مولود فيه ووش قصة ولادتي .
بس المشكله إذا علمتكم بتدرون من انا بتعرفوني .
المراد
كان ابوي يشتغل في وزارة الخارجيه ونقلوه في السفارات برا السعوديه كل سنتين ثلاث قالعينه لديره لعبو به ذالحجز . المراد ويتعرف له على واحد في الوزاره يقدر يحل ويربط ويتوسط لأبوي يروح لسفارة السعوديه في دوله عربيه عنقز ===> شقيقه
وهي لبنان
والله مار ويقعد فيها سنين طوال =====> لعنبو الواسطه تسوي اكثر
قام ابوي وشرا بيت فيها . وحياله حط فيها نخيلات وكم شرب كراث لأمي عشان إذا جنّها الصبايا عقب عصر وتحمل أمي ويوم أضنت ====> ولدت
وتجيبني حلو أمور زي البغل
بس تقول أمي أني حوري يومني صغير إذا جن الصبايا يقهونها وهي في الماجب ===> النفاس
أصيح وأغلق وأغشى من الصياح لين تشيلني وحده منهن ولاعاد ابي أمي ولاعاد أرضع منها وأقعد أسبوع وكل ما جت وحده تقهوي أمي وشافتني عايل ودرت أني ما أرضع من أمي قامت تجرب تشوف أنا أقبل أرضع منها وإلا ما أقبل . المهم ما أصدق خبر ألقط والديه وأرضع رضع ألحين أتمنى لو أنه شاهي وتلقيمه بعد .
والله مار وتمرض أمي وتنشف مره وتمسك معي صياح وتاخذني جارتنا شويخه الزغبي وترضعني مع بنتها نوال أسبوع =====> نوال ما غيرها المهستره
ثم خذتني جارتنا مويضي عياش ورضعتني مع ولدها رامي ====> على فكره ترا تسنه دحيم ولد خالي بس هذا يحتسي فرنسي ودحيم يتعتع في العربي .
وهذي قصة ولادتي ومتسانها . عاد يوم تسبرت ورحنا مره زياره لأهلي من الرضاع مر بي ابوي على الصحيه اللي فيذاك اللي ولدتني أمي فيها .
متى ما بغيتوني أكمل لكم قصة دحيم قولو لي .

:cool:

ههههههههههههههههههههههههههههههههههههههههههه

والله انك منتب صاحي يا رحال كم فتق في راسك بس كمل الله لا يهينيك


:D :D

[c][shdw] هههههههههههههههههه [/shdw] [/c]

تصدق يا رحال إني حاس من أول من لهجتك أنك رابي بعيد ولو أنك ما قلت بنفسك أنك سديراوي ما جبنا خبر .

[c][shdw] هههههههههههههههههه [/shdw] [/c]

http://www.primrose.alkoonweb.com/images/2cat1.gif
http://funkyman.8k.com/felix.gif

حيا الله اهل سدير ...


يا زينكم ويا زين حتسياتكم بعد ...


المهم ابعطيكم كمن مصطلح من مصطلحات الاولين ...


سحله .... وعاء يوضع فيه الماء او اي سائل اخر :D :D


محيميد يواحن .... يعني محيميد يعاند ...:D :D


يتزحر الله يكرم الجميع معناها يظر صوت اثناء قضاء الحاجه :D :D


صويلح يخمج بريهيم ... يعني صويلح يسفه او ما يرد على بريهيم :D :D


والكثير الكثير لكن نبي نعطي غيرنا فرصه ...


فمان الله

ياليت مانطلع عن موضوع المشاركة وهو الكلمات القديمة

بالنسبة لي عندي كلمة وهى :

أنجز يعنى بسرعة وفيه كلمات بعد كثيرة بس هذا اللى أذكره الحين


وسلامتكم

والله تمام
 

والله وطالت وشمخت لكن اصبروا الين يطيب راسي من هالناغوز اللي فيه واتفرغ لكم واعلمكم علوم سفره توسع الصدر والجايات اكثر
وسلامكتم

قام ابوي وشرا بيت فيها . وحياله حط فيها نخيلات وكم شرب كراث لأمي عشان إذا جنّها الصبايا عقب عصر وتحمل أمي ويوم أضنت ====> ولدت
وتجيبني حلو أمور زي البغل
:D :D :D :D :D :D :D :D :D

معلومات
 

تعرفون الحويط والمقشوع والمتحدرات والطرف والمجرى والمنحات والبطحاء هذي اسامي المحلات في المزارع منول وفيه اسامي كثيرة بس ذولي هن المشتهرات في سدير واللي حولها
والجاي اكثر

فيه كلمة جديدة صدتها قبل شوي اللي هي :

يماطق : معناها ان الواحد يطلع صوت وهو ياكل وخصوصاً اذا اكل موز:D

من الاسماء القديمة وهي مقتبسة شكلها من الغرب او الغرب ماخذينها منا انحن
قوه بمعنى مشينا وفي العنقليزي قو
دوك بمعنى ناظر وفي العنقليزي لوك ويمكن هم حرفوها علشان ما نشك فيهم
ويكفي اليوم

:D :D

اقلاع !!!!!!!!!!!!!!!

ولاتنسون . يشـــلــــّــــق : بمعنى يفلش التمرة !!! : اي : يفصل التمرة نصفين مع بقاء اتصالها
ويغطها في اللبن . من زمان عن هالاكلة :)

وايضا . في المنتدى ( شلقة ) أعضاء .

وفي بيت جيراننا شلقة بزران . اي عدد كثير .

أقول يالضحاك أسلوبك حلو لكن الله يهديك تذكرني بالدراسة وضرب الأمثال.....
والنحو؟؟......:mad: :mad: :mad:

حياك الله ابو انس ......( تسيف ) حالك ؟ عساك ماتونس شي ؟؟

شكرا على الاطراء ( واحد مصدق ) :D

وعلى طاري العيد فيه كلمة :


( حوامة العيد ) : وهي ما يهدى للأطفال يوم العيد من حلاو ونحوه .

( غبيب ) : بمعنى :قديم . يقال : خبز غبيب . يعني جلس وطول وعفـــّــن .

( وش حيث فلان ) : تقريبا معناها .... وش زوده ...يعني : لماذا تفضلونه علينا .

مساكم الله بالخير ... تسيف اصبحتوا وتسيف امسيتوا
عندي لكم كم حتسوه ودي اطرحها على مسامعكم >> الظاهر انهم بيقرون مهوب سامعين
المهم ..
اولا : أنوووود .. يعني فيني النوم بقووووه ويحاول يقاوم وهالحاله ما تجي الا وقت المحاظرات تسلط علينا
ثانيا :باغه ... وفي روايه واحدن منكم قال تسيسه
ثالثا : دزدم: بحطها لككم في جمله ..(( دزدم الباب يا دحيم )) يعني صك الباب
رابعا : يلفزز ...يعني يوزي او يخبي .. وخاصه البزارين اذا قاموا يلفزون في القراطيس في كل مكان
ولا تهوووووون كلمه هك : (( حصتالحمد تهك على نورتالعبدالله)) يعني تكذب عليها
تصدقون ضاق صدري احس اني في اختبار نحو
ومتى ما لقينا حتسوتن من هنا والا هنا ابرزها فيذااا

سلاااااااام

الان اتضح لى انى مش سديراويه اصليه!!!
نص الكلمات غريبه على ...

تسذا ... المعنى واضح يعني كذا ولازم تقولها وانت ماد براطمك لتحت .

فيذا .... يعني فيذا . هنا . " حط العشا فيذا " يعني هنا .

مير .... والله الورطه وش معناها ذي اعتقد انها تشبيه .

غديه او غديها .... يعني كوده او كودها ... (( يعني بيفهمون الثانيه )) .

,,,,,,,,, مثل ما يقول الابو لولده التسبـيير " رح ادرس كود اخوانك يغارون منك .. ويذاكرون " او رح ادرس غديك تنجح باتسر وتطلع دختور ...

صزز ..... يعني صدق والا صززيه يعني صدقيه .

زلابه ,,,,, يعني بطه ماحد يعطيه وجه ولا ياخذ منه راي .

دبوووووووج ,,, ؟؟؟؟؟؟؟؟ بس انها شينه يعين اذا واحد قالها لك تراه يسبك.

دلخ ,,,,, دبشه .

وفيه كلمه معناها " لا " بس صعب كتابتها ممكن تصير تسذا (( تسو )) ولازم تصر

براطمك وتسحب لسانك جوا وتطلع معك الكلمه وممكن يطلع معها صفيره ,, وبعد فيه " ءء " وتطلع من الحلق مثل اذا جيتا لبزر وقلت له عطني الكوره بيقول لك " ءء " وبيرفع خشته فوووووق وهو يقولها ...

اهزع ... او تهزع يعني تطمن والا تنزل ,,, اللي تبي .

منهو .... من هو وانتهينا .

اشبك البلا فشكلك ..... مهيب تبعنا هذي حقت الحجاز يقولونها اذا بغو يدلعون

واحد ..

مهيب والا مهوب ... بالعربي ( ليس ) مثل " هذا التفتر مهوب لتس يانوير هذا

التفتر لاختس دليّل "..

هق وتي .... يعني ( اظن ) مثل " هقوتي انه فيذا " .

توحي ..... تسمع ,,, اذا جيته تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه على يسمعك ) وبيقول لك من انت ولده ... الخ " .

ابووو ,,,,, هذي مالها معنى صزز بس ممكن تسمعها من البزران اذا قال واحدن منهم ابوو اللي شاف دوكفليد في الشارع امس (( يلعن ام النصاااااب )) وتسمع هالبزارين كلهم يقولون ااابوووو ,,,,, علشان ما يقهرهم .

تباو و أو تتيني .. هذا اذا كنتم بتلعبون كوره (( ولازم تكون كورة صب )) لازم يروح كل اثنين يتباو ون او يتتانون , ويقول الاول انا بردقانه والثاني تفاحه ويرجعون ويقولون يابردقانه ياتفاحه (( والله لو يستخدمونها في كاس العالم اصرف من هالقرعه )) ..

يوووووووووووووه نسيت اهم كلمه ,,,,, كتر ,,, ويقول الوا! حد لاخوه وهم يتغدون من صحن واحد " لا تاكل من كتري " "او لاتاكل من شنقي " .

تشلق ,,, يعني تشلق وشلون اقولها ذي ؟؟؟؟ المهم عسكها غط .... اكيد واضحه يعني

وانت تاكل فول فيه فرق بين انك تشلق شلق ولا تغط غط ,,,,,, .. جغمه ,,,, يعني جغمه هذي اذا كنت ضميان وواحد معه برندا وتبي جغمه تقول عطني جغمه زي التتن الله يكفينا الشر تكوله عطني كنه حلوه كنه يعني مزه !..

بصرك ,,,, يعني بكيفك .... تقول لواحد تعال معنا ... ويقول لك لا منيب جاي ,,

ترد عليه "بصرك " ..

ابعدي ...... مهوب بعدي يعني بعدي بس بعدي .... يعني مثلا يقول الابو لولده ,,, إيعدي ابوي بس مدري وشلون تنشرح ابي احاول يمكن اقرب شيء لها كفو والله .. امصع ..... يعني اسحب بقووووووه مثل الام اذا قالت لولدها تراني بمصع اذنك لو ما درست .. .. امحق ... هذي محتارين فيها العلماء بس ان شاء الله خير وبيطلعون لها تصريفات للماضي والمستقبل ,,,, واللي عنده مثل عن امحق يلحقني لاني تورطت بهالكلمه بس لازم تقولها وانت تشر بيدك كذا يوه ماتشوفوني ..

يدربي ...... يعني يدحرج .... مثل واحدن من الشباب اسمه مدربي رويسه ....

دنينه .... سياكلنا من اول (( ااااااان اااااااااااان )) ترا الاصوات لازم اللاعب هو

اللي يطلعها (( حلوه اللاعب ,, اقصد المبزره اللي يلعبونها من اول )) ..

احلته ...احذفه يعني قطه يعني ارميه اللي يفهم وحده منهم الباقي مثلها

دبق .... اسالو البنات القديمات في الاقلاع يعلمونكم اللعبه وطريقتها ..... كل

ما ضاع زرار والا صاموله والا اي شي من القطع الصغينونه ,, دوره عند البنات ,, يجمعونه ويلعبون بها دبق ..

زبيريه ..... نوع من النعال وهو احسن مبيد للصوارير ! والحشرات الزاحفه الاخرى

وتنفع تسريها على قلت واحد في الهوشات لانها تعتبر من الاسلحه بعيدة المدى

تتن ......... دخان ..

برندا ..... ميراندا,, لان اول واحد قالها في الرياض كان مزكم وقال براندا

محلي ......... مصدي

ياخزياه ....... اكثر من يقولها العجز الله يخليهم لنا ولا يحرمنا من حتسيهم ..

ديرمه ....... روج الاولين ...

يصطر ......... يصفق مثل ترا ابصطر كف يعني بصفقك كف ...

سواني ,,, رح للجنادريه وانت تعرف وشي ,, ترا مهيب السوق ...

زبيل .,,, وانت رايح للجنادريه تشوف السواني اسئل عن الزبيل وهو اهم شيء

للدلالات

سماط ,,, لا تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره ..

دارسين ,,, عودان يحطونها الحريم مع الاكل بس مدري وشي ..

ملاس ,,,, ننتسب به الغدا ..

مراصيع ,, وفي روايه اخرى رصع ,,, اسالو الحريم ويعلمونكم عنه ..

صبيب ! ,,,, انظر اعلاه ,,, هو نفسه بس بطريقه ثانيه ..

ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! (

اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه

يسمونه النمر الوردي ..

قاف ,,,,, منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح في قاف " ..

عوافي الله هذي الكلمه عقدت كل البزران دايمن تستخدمها الامهات لتخويف البزران اذا بغوا يطلعون للشارع بالليل وتقول ترا بتجيك عوافي الله ومثل سوير الليل كنايتا اللي يسير باليوله وهو الحرامي هذا دابلتن تسبدي من مبطي وابي اعرف من وين مصدر هالكلمه وهذا اخر ماوصلت له ..

وباقي تويز ...يعني تطالع بس وانت تويز من تحت

ترجمت واحد فاهم درس بابريكيا ..

جغمه = جرعه

وشذا = ماهذا؟

صدوا للبر = عبرة تدل على التعجب

الحوي = فناء الدار

لابد = مختبأ

سذا زين = كذا زين؟

سير السي كود اندس = سياره داتسن موديل سي لابد ان يدخل الميكانيكي تحتها ليفك السير بتاعها! ....

تحياتي لكم

:D :D :D :D :D :D :D :D

هههههههههههههه يا حلو حتسينا ومع ان في بعض الحكي ما فهمته 0000 بس يجنن 00000:D

مرحبا شباب ...........
انا عندي كلمه بس مدري محد قالها لاني بصراحه ماقريت الردود كلها لانها مشاء الله واجده:D

انا مره من المراريت رحت لديره وقابلت واحد من الجماعه هناك يوم شافني مسكني وطلعني في عز القايله للنخل ومعه ام صتمه شوي يقول ( نااه ) شف الصفاري في ذاك وانا اقوله هه وش قلتا . واخوكم في الله من جنبها لاهو راعي صيد ولا شي. المهم بعد ناه وهالزحمه وصفقت هالشموس رجعنا لا صفاري ولا ..... ايه صار معني ناااه يعني شف ناظر باوع .... الخ


مشكور اخوي على هذا الموضوع الاثري.


تحياتي اخوي