منتديات سدير - !! ألا ياريحة أُمي !!

منتديات سدير (http://www.sudeer.com/vb/index.php)

- ¨° بوح القوافي °¨ (http://www.sudeer.com/vb/forumdisplay.php?f=74)

- - !! ألا ياريحة أُمي !! (http://www.sudeer.com/vb/showthread.php?t=63626)

!! ألا ياريحة أُمي !!

.. بسم الله الرحمن الرحيم ..

.
.
.

.. أقبَلُوها كَمّا هِيَ ..

.
.
.

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ترى وإن طاحت العبره على شخص ٍ مثل شرواك=حشى ماقول وإن طاحت خساره يانظر عينيّ
أنا أدري عبرة الرجال صعبه مير مايخفاك=إذا طاح الجمل كثرّت محدات السكاكينيّ
أجل لا تلومه أن طوّح عقاله وبتدىّ ينخاك=لعل إيدينك إن طالت تطول وتاصل إيدينيّ
عسى هذا الزمان إللي صمّل ياطاني ماياطاك=عسى الله يحفظّك من هالزمان اليوم ويبقينّي
عقب ماضاقت الدنيا الوسيعه من عقب فرقاك=ماباقي غير هالعبره تطيح وتحرّق إسنينيّ
سبايب عبرته ? لا صار مقهور ٍ من إللي جاك=سبايب عبرته ? لا فارق إللي معاهده دينيّ
سبايب عبرته ? لا صار مايقدر أبد ينساك=سبايب عبرته ? لا صار حظه طايح ٍ شينيّ
سبايب عبرته ? يوم القصايد وقفتّ تبغاك=تقول أوراقها البيض وقلمها لا تخلينيّ
كأن الشعر مايبغى طريق ٍ غير في دنياك=أجل وش يجبر إحروفه تقول أرجوك صونينيّ
نعم !! وش يجبر العين الشقيّه تسهر لذكراك=أمانه فكري بعمرك وإذا ممكن بعد فينيّ ..!!
لعلك لا رجعتيّ للزمان إللي مضى وياك=ذكرتيّ من يقول / إنيّ فديتك بالبراهينيّ
فداك الدمع ياعذبّه .. وأنا .. وراسي بعد يفداك=وفداك القلب مع دم ٍ يضخّك في شرايينيّ
أنا إللي مبتداي إنتي ونهاية رحلتي مبداك=ولو أنك طعنتينيّ ما أقول إنك جرحتينيّ ..!!
غليتك زود عن نفسي وربعي وكل من أغلاك=وإذا منه خذاني الموت .. قولي إفلان يغلينيّ
ألا ياريحة أمي وعزوتي بلعون أنا أهواك=على رغم المسافه الحايله .. من بينك وبينيّ
ولد حر ٍ ياشيهانه يطيب إله الهدد لرضاك=وأظنك عارفه قصدي .. وترى عيب ٍ تناسينيّ
على الله يابعد روحي يسوق الدرب لي ممشاك=وأجيك من الدروب الغاديه وسط العناوينيّ
عقب ماضاقت الدنيا الوسيعه من عقب فرقاك=ماباقي غير هالعبره تطيح وتحرق إسنينيّ[/poem]

.
.
.

سطام فيصل الشمري

رد: !! ألا ياريحة أُمي !!

الله يعطيك الف عااااافيه

وصح لسان الشاااااااعر

قصيده جزله

تقبل مروري ..

رد: !! ألا ياريحة أُمي !!

:
:

الا ياريحة أمي وعزوتي بلعون أنا اهواك

على رغم المسافه الحايله .. من بينك وبيني
:
:

جمال .., وروعة تملكه هذه الحرووف
رونق مختلف في روعة الاحساس
؟
؟
احسسنا بـ كل حرف نثر هنا
وتقبلناها بـ مشاعرنا المتدفقه
واحاسيسنا الراقيه
:
:

سطام الشمري

كما عودتنا على حرفك الراقي
واسلوبك المشوق...
ونبضك العالي
لاتحرمنا من شعرك
واحساس قلبك
:
:

دمت بـ خيرات اخي

رد: !! ألا ياريحة أُمي !!

[align=center]
:
:

تثبببت
[/align]

رد: !! ألا ياريحة أُمي !!

[align=center] صح لسان شاعرها وجميله بس ياليت قال بدال (مبداك )(جفواك)او (مسراك)هذا بس مجرد راي ولاكن القصيده اجميله جداً
[/align]
[align=center]

أنا إللي مبتداي إنتـي ونهايـة رحلتـي مبـداك

ولو أنك طعنتينيّ ما أقول إنـك جرحتينـيّ ..!!

[/align]

رد: !! ألا ياريحة أُمي !!

رائعة هذه الابيات وهي تحمل معاني جميلة

قصيدة عن الأم

شكراً للشاعر سطام على هذه الروح الجميلة

رد: !! ألا ياريحة أُمي !!

سطام الشمري .. صاحب حس شاعري جميل .. يكتب بحرف مرهف

شكرا لهكذا عطاء ... مودتي لك

رد: !! ألا ياريحة أُمي !!

الله الله الله ياسطام

الم فراق ووجع بعد
ومشاعر تغرد شوق ولهفة وحنين

مبدع ممتع بحضورك بحق

صح لسانك ولاهنت ياغالي

كل الحب والتقدير

اخوك ناصر
ظماالعشق

رد: !! ألا ياريحة أُمي !!

لعلك لا رجعتيّ للزمان إللي مضى وياك = ذكرتيّ من يقول / إنيّ فديتك بالبراهينيّ
فداك الدمع ياعذبّه .. وأنا .. وراسي بعد يفداك = وفداك القلب مع دم ٍ يضخّك في شرايينيّ
أنا إللي مبتداي إنتي ونهاية رحلتي مبداك = ولو أنك طعنتينيّ ما أقول إنك جرحتينيّ ..!!
غليتك زود عن نفسي وربعي وكل من أغلاك = وإذا منه خذاني الموت .. قولي إفلان يغلينيّ
ألا ياريحة أمي وعزوتي بلعون أنا أهواك = على رغم المسافه الحايله .. من بينك وبينيّ

ياسلام على الفن الراقي العذب

تذكرني قصيدتك بلون يجيده ويعشقه الأخوة الكويتيين كثيراً

فشكرا لك ولما سطرته أناملك من سحر أخاذ 000 وصح الله لسانك شاعرنا الكبير سطام

رد: !! ألا ياريحة أُمي !!

ابيات اكثر من رائعه تملئها المشاعر الجميله والجياشه تجاه الأم
لاهنت اخوي لك كل الإحترام والتقدير....