( سدير والمطر ) قصائد وشيلات
السلام عليكم ورحمة الله وبركاته صباحكم / مسائكم مطر شهدت المملكه طوال الايام الماضيه امطار غزيره بشكل عام ومدن سدير بشكل خاص نسأل الله سبحانه وتعالى ان يجعلها امطار خير وبركه وان يجعلها سقيا رحمه لا سقيا عذاب ..... . . . مشاركه بسيطه , بصوت متواضع اردت جمع قصائد المطر في موضوع واحد , خصوصا ان اجوائنا هذه الايام اجواء هذه القصائد .. . . . اترككم مع المطر .. . .. القصيده الأولى لـ شاعر : ابراهيم بن محمد الغنام .. . . ( يا صـاح ) [poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] ياصاح قل للي عن سدير رايح=يرجع يشوف اللي عيونه تمناه يوم الرعد كنه بصيف الروايح=والبرق فيها كنها شبت ضواه كن الفرات بوادي سدير سايح=من خير ربي نحمد اللي عطاناه هذا كلام الصدق ماهي مزايح=تعال لديار الكرم واهل الجاه اهل الدلال اللي بها الهيل فايح=اللي على نار الحطب دوم مركاه الطيب فيهم والوجيه السمايح=فيهم تشوف اصل الكرم كيف مبداه تبقون يا اهل سدير يا اهل الفلايح=ياللي رقيتوا عالي" صعب مرقاه ابن جعيثن قال قول النصايح=للضيف راعي سدير لاجيت تلقاه [/poem] للتحميل :. اضغط هنا . . . القصيده الثانيه لـ شاعر : عبدالعزيز الدحوم ( راعي الروضه ) ( سيول سدير .. وامطار الصين ) [poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] ياللي تشوقني بالامطار فـ الصين=وتقول صبحك مع مساك متشابه تعال شف ما يبهج الروح والعين=شي" ينومس كل حي" حكابه ضحى وكن الوقت بين العشاوين=الكون مسود" بظلمة سحابه سحايب" تشبه سواد الدخاخين=خيم على روس الجبال بمهابه وحمرة بروقه يخلفن الموازين=خوف ورجاء من واحد" خصنابه وماهي سوى ساعه وساعه وثنتين=ومافيه شبر"فـ الثرى ما ارتوا به واضحت ربوع سدير فل ورياحين=قطعه من الجنه ولا به غرابه دار الكرم دار الرجال المسمين=ياسعد منهم له حماة" ولابه وسدير تسوى الصين واهالي الصين=قبس العيون اللي علينا تشابه [/poem] للتحميل :. اضغط هنا . . .القصيده الثالثه : ابو عبدالله ( طاح المطر ) [poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] طاح المطر وابتلت عروق الاشجار=واحياء هشيم" يابس" في شعيبه شوف المطر عقب المحل شاق الانظار=والشوق نظرات العيون تحكي به خيرك علينا فضل يالنافع الضار=والفضل تشكره العقول اللبيبه يامن غسلت الارض يارب الابرار=تغسل قلوب" بالحسد مستصيبه وبعد ارتوت كل الخباري والاقفار=يشوقني نبت الفياض الرحيبه ثم اكتست عشب وبختري ونوار=متخالط" شكله ولونه وطيبه ياجعل سيل" فاض به سده وحار=حولين مايسنى المزارع قليبه الحمد لله هالسنه خير وامطار=الارض عقب السيل صارت عشيبه[/poem] للتحميل :. اضغط هنا . . . تحياتي للجميع اخوكم منصـــور |
رد: ( سدير والمطر ) قصائد وشيلات
موضوع جميل وجديد ورائع
قصائد كتابيه وصوتيه وصوت جميل وعذب أخي منصور دائما مبدعا أينما تكون فأنت تجد مكانك المناسب شكرا لك على هذه المشاركة الجميلة وننتظر المزيد بعد هذا العمل الرائع |
رد: ( سدير والمطر ) قصائد وشيلات
وعليكم السلام ورحمة الله وبركاته.. مرحبا ومسهلا بشاعرنا المبدع: منصـور ( شـاعر المطـر) جميلةٌ هذه القصائد المطرية.. وفقت في جمعها بهذا الشكل.. لاثنين من شعراء سدير الكبار, (ابراهيم الغنام) و شاعرنا العذب (راعي الروضة) بالإضافة لقصيدتك الهتانية.. والتي زادتها الشيلات مطراً أيضاً, خيرك علينا فضل يالنافـع الضار ــــــوالفضل تشكره العقول اللبيبهيامن غسلت الأرض يارب الأبرار ـــــــــــــــــــــتغسل قلوب" بالحسد مستصيبه.. لاهنت.. وصح بوحك.. وكل الشكر لك على هذا الجهد والجمع الرائع.. دمت مبدعاً. |
رد: ( سدير والمطر ) قصائد وشيلات
قصائد برائحة المطر ..
ابداع بلا حدود .. منصور ابدعت في الكتابة وابدعت في النقل .. الله يجعلها أمطار خير وبركة .. |
رد: ( سدير والمطر ) قصائد وشيلات
منصور
مميز دوماً في طرحك في مواضيعك في إنتقائك .. وفي أدائك .. سلمت يالغالي على هالجهد ... لك الود ... |
رد: ( سدير والمطر ) قصائد وشيلات
قصائد برائحة المطر ..
ابداع بلا حدود .. شـكــ وبارك الله فيك ـــرا لك ... لك مني أجمل تحية . |
رد: ( سدير والمطر ) قصائد وشيلات
اللهم اجعل سدير جنـــــــــــه من جنان الدنيا ولا تحرمها فضلك وادم عليها عزك ومنك وفضلك..
|
رد: ( سدير والمطر ) قصائد وشيلات
صح لسانك يابعدي
قصائد في غاية الروووعة :)) ماقصرت .. |
رد: ( سدير والمطر ) قصائد وشيلات
شاعرنا المميز .. منصور ..
صح لسانكـ على هــالقصيدة المميزة .. بــاركـ الله فيكـ .. |
رد: ( سدير والمطر ) قصائد وشيلات
السلام عليكم ورحمة الله وبركاته
بارك الله فيك اخي منصور مجهود تشكر عليه وصح لسانك |
رد: ( سدير والمطر ) قصائد وشيلات
اقتباس:
اخوي ابو يزيد الجميل هو تواجدك في متصفحي ومهما كان جمال الافكار والقصائد لا تساوي شيء امام ماقدمت لنا هذه الديار الغاليه .. انا من اشكر لك تواجدك وتشجيعك الدائم .. موفق لكل خير تحياتي لك |
رد: ( سدير والمطر ) قصائد وشيلات
عزيزي .. منصور لاجديد استحوذت على الإبداع ومنحتنى الأستمتاع خطوة أولى أراها ناجة جداً وفي أنتظار الجديد من الشيلات والقصائد بصوتك العذب آمل أن لايطول أنتظارنا وتقبل مودتي وأعجابي أخــــــــوك |
رد: ( سدير والمطر ) قصائد وشيلات
َ َ َ َ وعليكم السلام ورحمة الله وبركاته ومسائك / شعر وخير الله يزيد علينا الامطار والخيرات فكره رائعه ورائده .. وفرحه عامره .. . . اطربنا الشاعر // ابراهيم الغنام اهل الدلال اللي بها الهيـل فايـح اللي على نار الحطب دوم مركاه . الطيب فيهـم والوجيـه السمايـح فيهم تشوف اصل الكرم كيف مبداه رائعه .., ومطربه . . وامتعنا الشاعر / عبدالعزيز الدحوم وماهي سوى ساعه وساعه وثنتيـن ومافيه شبر"فـالثرى ما ارتوا بـه . واضحت ربوع سدير فل ورياحين قطعه من الجنـه ولا بـه غرابـه غنيه ..., وممتعه . . . ياسلام ... ياشاعرنا // ابو عبدالله فعلاً طاح المطر ... وتغنى به الشعر . . يامن غسلت الارض يـارب الابـرار تغسـل قلـوب" بالحسـد مستصيبـه . . صح السانك يامبدع اطربتنا .., صوتاً وشعراً وامتعتنا حرفاً .. وهمساً فكر جميل وشيلات رائعه . . تسجيل حظور واستماع :)) اختك// دمعة ألم |
رد: ( سدير والمطر ) قصائد وشيلات
وعليكم السلام ورحمة الله وبركاته ..
قصائد في غاية الروعى ومنتهى الجمال .. ولاتصدر الاٍ من شعراء متمكنين متمرسين لهم في الشعر باع طويل .. بورك في الشعراء ( اٍبراهيم الغنام وراعي الروضة وأبو عبدالله ) وجزيت خيراً أخي الفاضل منصور فقد أبدعت وأحسنت الاختيار .. |
رد: ( سدير والمطر ) قصائد وشيلات
وعليكم السلام ورحمة الله وبركاته ،،
بارك الله فيك أخوي منصور ،، وقصائد جزلة للغاية ،، من شعراء مبدعين ،، وأعجبتني كثيراً ،، وصح لسانك شاعرنا منصور ،، وصح لسان الشعراء ،، شكراً لك أخي الكريم ،، ودمت بخير ،، |
الساعة الآن 02:00 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه