|
ما كل زلة ينفع العذر فيها
لا تعتذر ما عاد للعذر داعي
ما كل زلة ينفع العذر فيها عذرك عرفته مير صعب اقتناعي بعض المعاذير الردي يعتريها ماني مراعي واحدٍ مايراعي حتى الصداقة معه ما عاد ابيها طويت من بحر الصداقة شراعي وبعض الصداقة لا حسافة عليها بعض الصداقة تشترى ما تباعي وبعض الصداقة ينغبن مشتريها اطى برجلي فوق روس الأفاعي حتى تموت وسمها يموت فيها احيا واموت ولا تغير طباعي ولا اذل نفسي للعرب ارتجيها ضاع الجميل وضاع مدي وصاعي وضاعت معاريفي في شخص نسيها اسمي في ديوان الرجولة رباعي وجدي وابوي امجادهم محتميها وعن الوفا والطيب ما شح باعي يوم ان بعض الناس شحت يديها بذلت للمعروف كل المساعي من صغري وادروب الشرف مهتويها ولا للحياة الفانية من متاعي كيف الهنا دام الفنا مقتفيها |
رد: ما كل زلة ينفع العذر فيها
لاتعتـذر ماعـاد للعـذر خـانـه
لاتعتذر والجـرح للحيـن ماطـاب تخطي علي وتقـول هـذي ميانـه وتعيد غلطاتك وانا مِنـك منصـاب خطاك وصّل بـي حـدود الإهانـه خطاً كذا من دون داعي ولا اسباب صحيح بعض الناس عيبـه لسانـه تلقاه في سـوق المناقيـد جـلاب وليا حكى عن نفسـه يعـز شانـه وا ن عودت للصدق كـذاب كـذاب ولا صار مالك بين ربعـك مكانـه وش فايدة مكانتـك بيـن الاجنـاب ولو المراجـل بالحكـي واسردانـه كلن حكى حتى يحسّب لـه حسـاب والرجل لامن صار ثقـل ورزانـه لامن سكت حكمه ولامن حكى صاب والرجل لامن صار خيـرة اخوانـه لا من دعي وقت اللوازيم ماغـاب وكم واحدٍ يمدحـك وانتـه اوزانـه ولاغبت عنه يلتـوي كنّـه الـداب ايقولـه اللـي ذاق لوعـة زمانـه صغير سن وجرّب الوقت وانصاب هـذا بيـانـه يـامـدّور بيـانـه وقد قيل مايفهم سوى روس الاللباب |
رد: ما كل زلة ينفع العذر فيها
والله انه صادق
تسلمين عزيزتي |
رد: ما كل زلة ينفع العذر فيها
عبالرحمن الفهد شاكرة لك إضافتك وإطلالتك دائماً ..
سمحة الخاطر ربي يسلمك شاكرة لك ريحانة تواجدك .. |
رد: ما كل زلة ينفع العذر فيها
روووووعه .. تسلم يد كتبتها ويد نقلتها .. |
رد: ما كل زلة ينفع العذر فيها
الاروع هالطله لاعدمتها ...
|
رد: ما كل زلة ينفع العذر فيها
o0 رائعة وربي جعل السعادة دوم وياك |
رد: ما كل زلة ينفع العذر فيها
ابيات راقت لي كثيرا شكرا لك خفوق انسانه
|
رد: ما كل زلة ينفع العذر فيها
همس ..الود طبعي
تشرفت بروعة طلتكم لاعدمتها .... |
| الساعة الآن 02:28 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه