ودمع الرجل ذل وهوان وغبينه
القصيده للمبدع حمد بن فطيس فرحت لك .وأنا معاليقي حطام والصدر من ما فيه بيّح كنينه فرحة يتيم ٍ ليلة العيد ما نام خالاته , وخواله .. مواعدينه مواعدينه بشت .وشماغ بسّام ويلّعبونه .. في ملاهي المدينه مانام .. واحلامه تحّراه قدام كنه يطول أحلامه بـ راحتينه صبحه تجّلا نوره بـ عيد الاسلام وقبل يروح المسجد : ملّبسينه جده ما بين العين والجيم واللام خلّيه يافلانه .. ولا تأخرينه ! تراقبه بـ / عيونها .. حب وهيام وعيونها .. ممّا تكنّه / حزينه "يعرض لها الماضي مثل عرض الافلام " لـ .. ماضي ابوه وغلاه وحنينه يرجيه لـ ( سنين القسا ) درع وحزام وجنب ٍ على صكات بقعا يعينه ابو ثلاث أعوام .. والا 4 أعوام يغار منه البدر .. من كثر زينه صلّى وجاء وأمر الله اللي قضى تآم ماهوب داري عنه زينه وشينه بشته عليه .مهندم ٍ خير هندام واللي بـ / عمره .كلهم محترينه يوم اطلعوللشارع انقسموأقسام وأهم مافي القصه ؟ ملّعبينه تداعب رموشه .ذعاذيع الانسام ويابردها .. يوم آيبست شفّتينه و ع تراب الأرض بأصبعه رسّام أما رسم له طير .. والا سفينه العيد طعمه كان بالشارع العّام ماهوب عن رغباته .. مقيدينه رجع ولكن فرحته ضايعه دام : كل ٍ مشى ) وأخذ ولده بـ/ يمينه صاروخواله في نظر عينه اصنام آحيوا بـ .. داخله الجروح الدفينه ولا عنده الا أمه وناب القهر سّام جاها يبي منها اليدين الأمينه شعوره اللي حس به مثل الإلهام وأول سؤال في باله أبوي وينه ؟ سؤال : لكن كان مثل النبا الهّام لازال باقي في المسامع .. رنينه جته تعدي ماهو تخّطي بالاقدام وشالته بيديها .. وحبّت جبينه أبوك جاء البارح وقبل الفجر قام وشرى لك ألعاب , وهدايا ً ثمينه تراه حبّك وأنت غارق في الاحلام وراح لـ دوامه , والشغل مرسلينه لحظه وهو بين الحقايق والأوهام والدمع الازرق حاير فـ .. مقلتينه يمّه : ترى مانمت والعالم نيام ماجاء .. ولا لمست يديني / يدينه مدام رقمه معك من بين الارقام بـ .. أكلمه , يوم إنك تكلمينه ! طاحت ما كن آلها من الصدمه عظام ولاعاد فيها صبر .. ولا سكينه قالت بدون شعور وإدراك وإلمام أبوك ! في تراب القبر دافنينه العام مات .. ومتّ من موته العام وكني بعد مامات عني سجينه أبوك جندي للوطن ضد الإجرام عطاك عمره دون داره ودينه تفجّرت من تحت رجلينه ألغام ولاعاد لي بعده حصون ٍ حصينه بكّت .وطاح الدمع من حر الآلآم وبكى وطاح الكون من موق عينه كل ٍ عذلها .. بين عاتب ولوّام تصّبري .. خلي ضلوعك متينه ماهو صحيح ان الضروره لها احكام اكبر خطاء يوم إنك تعلمينه بكره تنسّيه الليالي والايام هو فيه أحد ينسى حدا والدينه ؟ طير السعد في عالمه مابعد حام والله يعلم وش تخبي سنينه أنا كذاساكت وصابر ومنضام لكن كان الفرق بيني وبينه : الدمع لـ .. عيون الأرامل والايتام ودمع الرجل ذل وهوان وغبينه |
رد: ودمع الرجل ذل وهوان وغبينه
بنت الاصول انتقاء رائع سلمت الاختيار و صح ذوقك |
رد: ودمع الرجل ذل وهوان وغبينه
اقتباس:
صح بدنك يا غا لية اسعدني مرورك انوثة شكرا لك |
رد: ودمع الرجل ذل وهوان وغبينه
سلمتي اختي الفاضلة بنت اﻻصول وصح الله لسان بن فطيس
|
رد: ودمع الرجل ذل وهوان وغبينه
اقتباس:
الله يسلمك اخي الكريم المحارب اسعدني مرورك شكرا لك وجزاك المولى كل خير |
رد: ودمع الرجل ذل وهوان وغبينه
صدق ..أنا ماأحب دموع الرجال ..
للي يشوفها كيوت ورومانسيه .. أنا اشوفها رقه لاتناسب الرجل عاشوا الضبان |
رد: ودمع الرجل ذل وهوان وغبينه
اقتباس:
فعلا الدموع لاتناسب الرجل وليست من اطباعه ولكن فيه ضروف قوية تجبره على انزال دمعته كفقد حبيب اوعزيز لدية فهو بشر ولديه احساس اما وصفك بالضبان حرام عليك فانا لااتفق معك في ذالك |
رد: ودمع الرجل ذل وهوان وغبينه
ليه وش فيهم الضبان اقدع ناس احسن من الرجاله الطريه
|
رد: ودمع الرجل ذل وهوان وغبينه
اقتباس:
ياحبيلك يابنت العم لاوالله اكره شيئ عندي الضبان الله يهديك قولي حصن افضل شوي |
رد: ودمع الرجل ذل وهوان وغبينه
دموع الرجال ليست ذلة أو نقيصة
فقد بكى النبي صلى الله عليه وسلم يوم مؤتة ! |
رد: ودمع الرجل ذل وهوان وغبينه
اقتباس:
اللهم صلي وسلم عليه لم نقل ذالك فاكيد ان الرجل لديه احساس وشعور ولكن ليست بالسهولة نزول دمعته كالانثى اختي الكريمه شاكرة ومقدرة لك مرورك متصفحي بارك الله فيك |
الساعة الآن 02:30 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه