أبوه وعمه وخاله...
ارّخ عيونى يهزّ الروح العبره
*******الهاجس اللى غزا الافكار بنباله جيت انتخى بالقلم واسج مع حبره *******ازيّن كتابته والناس تقرا له قلت :اكتبه قال:هذى مالها دبره *******قلت: يتحرى قصيدى قال:من قاله؟ قلت: اذكره يوم اغيب يضيق به شبره *******كنت بحياته ابوه وعمه وخاله كنت اوصفه بالشعر ويصير ياكبره *******قصايدى فى يديه سموم عذاله قال:ايه هذا انا واوراقك نخبره ********لكنك اليوم ماتطرى على باله اعذب قصايدك تحت العث والغبره *******واجمل هداياك شفها بآخر الباله لاتذكر الحب لنه شق له قبره ********ومن الخيانه يجره جر ماشاله قلت :انكسرضلع قال:بعزتك جبره *******قلت: جحدت ارض .قال:البدو رحاله ورجعت انثّر على بعض الورق حبره ********ما ب..تحمل ذنوب عيون تقرا له لقيت انى انا العِبره وانا العَبره ******قالو:يعزيك..قلت: الموت عقباله قصيده قرأتها فأعجبتني فقدمتها لكم..لشاعر أسمه مرعي الونيس.. |
بارك الله فيك
وجزيت خيراً على هذه القصيدة الرائعة. أخوك/ |
صح لسان الشاعر وسلمت لنا على القصيده أخوي من التويم
قصيدة حلوة ومحزنه اكرر لك الشكر اخوي وتقبل تحياتي اخوك السلمان |
هلابك أخوي المتوكل على الله وتسلم على تواصلك معنا...
|
تسلم يالسلمان على ردك الجميل وهذا من ذوقك والله يعين الشعراء إن كان اللي يقولونه صدق ..
|
الساعة الآن 10:12 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه