( نــــــــــحـــــــس ) لصاحب السمو الملكي الأمير / عبدالرحمن بن مساعد
http://www.al-wed.com/pic-vb/116.gif
يوم الاثنين اغتنى .. و صار بين الاغنيا ترتيبه الثالث يوم الثلاثاء الفجر .. مات في حادث فريق كورة .. دائما ً ترتيبه في الدوري الاخير و اذا لعبوا و استبسلوا .. قبل الاخير و بعد السنين الممحلة .. جاهم رئيس ثروته كثر التراب عيّن مدير .. عنده من الخبرة كثير شال الكبار ولعّب شباب و جاب المدرب اللي له اسم ٍ مهاب و اتقدموا .. و صلوا للدور النهائي و يوم النهائي .. قبل المباراة بدقايق في البلد حصل انقلاب مسكين .. شين و فقير و في الدراسة حاول انه يستمر .. و ما استطاع وضعه صعب ..ابوه مات و هو صغير و ماترك له الا الفقر .. و امه و اخته .. و الهم من فوقه و تحته و مالقى لجل الهروب من الضياع .. الا انه يدور وظيفة .. أي وظيفة و لقى من ضيقته مخرج .. وظيفة دخلها معقول .. يمشّي الحال لو اعرج و مرت سنة و سنين .. و المسكين .. صارت كل آماله زواج و اتزاحمت في داخله الاسئلة .. منهي اللي بتقبله ؟ .. و ليه ؟ و في يوم ما مثله ابد .. شافها .. اجمل من اجمل ما رأى واضحكتله ... مستحيل ! ...اضحكتله و مشت من اول الحارة .. و لحقها و ادخلت في بيت جاره .. سأل عنها و عرف ... قنوعة و اسمها سارة تصير اخت لمرة جاره ارسل لها اخته .. تجس النبض جت البشاير راح لمه .. و فرحته كبر السما و الأرض و افقت ! .. ابشرك يمه .. لقيتها يمه سارة اخت حصة مرت منصور .. ابيها و هي تبيني .. و ابغى منك الشور خلاص يا يمه خلاص .. بقول لهمومي الوداع .. بقول لهمومي الوداع قالتله امه : يا ولدي .. بس هذي اختك في الرضاع عبدالرحمن بن مساعد :a (1): |
رد: ( نــــــــــحـــــــس ) لصاحب السمو الملكي الأمير / عبدالرحمن بن مساعد
نهاية محزنه ..
روووعه مانقلته فدائما مبدع بالاختيار.. ننتظر جديدك بكل شوق.. |
رد: ( نــــــــــحـــــــس ) لصاحب السمو الملكي الأمير / عبدالرحمن بن مساعد
واو هذه هي قصائده رقة وعذوبه
سلاسه ونعومه صح لسانه وسلمت اناملك |
رد: ( نــــــــــحـــــــس ) لصاحب السمو الملكي الأمير / عبدالرحمن بن مساعد
لاااااااااااا حرررام
وربي تضيق الصدر سلمت لنا وسلمت يمناك |
الساعة الآن 01:12 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه