رصاصة رحمه
السلام عليكم ورحمه الله وبركاته صباحكم ومسائكم خير وصحه وسلام قصيده للشاعر عبدالله ذويبان قصيده رائعه واحساس اروع دائماً مااسمعها بألقاءه المرهف اتمنى البحث عنها في قوقل فهي بعنوان رصاصة رحمه قصيده اكاد اجزم احيانا انها لي انا ومشاعري انا فكل الم في معانيها اشعر به شكراً للشاعر على احساسه واحترامه للمستمع والقارئ اتمنى ان تروق لكم إذا لك شف في شوفي .. ترانـي على شوفتك .. صحيـت الأمانـي زرعت الشـوق كلـه بـ انتظارك و أخذت الانتظار و جيت عانـي نسيت الناس لكن .. مـا نسيتـك عجزت أنساك حتـى لـو ثوانـي مليت الكون و أشغلت الجوارح نظر عيني .. سماع أذني .. لساني عطيتك شيء ما هو عند غيـرك و لا قصـرت .. لكنـك أنـانـي ...! أنا أحبـك .. و إذا ودك تـأكـد شف الله كيف بـ يدينـك هدانـي ..! غيابك صعب و الأصعب وجـودك وأنا فـ الحالتين .. أتعـب و أعانـي حبيبـي لا تواخذنـي .. و لكـن أبيك تحـط نفسـك فـي مكانـي إذا جيتـك و أنا مشتـاق تقفـي تجاهلنـي و كنّـك مـا تـرانـي و إذا صديت عنك و قلـت أبرحـل وقف قلبك على البـاب و دعانـي و لو سويت نفسـي مـا أشوفك يميل القلـب صوبـك و يحدانـي أنا يا ابن الحلال أصعـب حكايـه كتبني الوقت .. لكن مـا قرانـي ...! مضى عمـري وتقـدر تعتبرنـي غريب .. وفي زمن ما هو زماني زماني راح مع نصفي .. ونصفي نسى نفسه مع الوقـت و نسانـي أسافر حزن .. والصحبـه ثلاثـه أنا .. والصبر .. وسهيل اليماني و إذا مريـت فـ بـلاد الطفـولـه فتحت الصدر للحـزن و طوانـي هنا .. دمعه جرت من عين جاهل هنا .. لاقيـت هـمـي و الـتـقانـي هنا .. باعتنـي الديـرهـ وأهلهـا هنا .. ضحيت لـ فـلان وجفانـي هنا .. حاولت أصيح وما سمعني سوى بعض الشوارع والمبانـي أنا يـا سيـدي .. دقـه قـديمـه بغيت أخذ من الوقت .. وخذانـي على الأنقاض واقـف دون حيلـه أشوفك وجهتـي بيـن الموانـي تعال .. و طـف بـ يدينـك حنينـي تملكني .. و أنا أشعل لك حنانـي تعال .. و ضمني يـا تـاج قلبـي دخيلـك لا تخلينـي .. عشـانـي أنا شاعـر عيونـك يـا حبيبـي مع التحريف في بعـض المعاني ( و ما نيـل المطالـب بالتمنـي و لكن شوفتـك كـل الأمانـي ) محبة صـادق النيـه .. قصايـد و محبة ساقـط النيـه .. أغانـي قسـم بـ الله لـو موتـي بـيـدك و أموت ألفين مرهـ مـا كفانـي و إذا باقي من الطلقات .. طلقـه دخيلك .. حطهـا بيـن المحانـي عبدالله ذويبان تقبلوا احترامي عبدالرحمن بن سعد |
رد: رصاصة رحمه
أووووووه .. أخونا الغالي عبدالرحمن بن سعد .. قلبه خفق !! ياليت وياليت وياليت .. وعساه دااااااايم يابعدي ! ان كان يبي يجينا مثل هالقصيدة التحفة .. الله يوسع صدرك بالعافية على الاختيار الذوق تحياتي لك حبيب الجميع أخي الغالي عبدالرحمن بن سعد .. |
رد: رصاصة رحمه
ماشاء الله أخوي انتقاء مميز
بارك فيك لاهنت على النقل |
رد: رصاصة رحمه
ابو نوره
الشكوا لله وانا اخوووك لو لا الحياء والخوف من الانكسار كان شفت علووم كلن له مشاعر لكن خلها بالقلب تحرق مابقى رحيق الياسمين ربي يحفظك وشكراً على مرورك بارك الله فيكم جميعاً |
رد: رصاصة رحمه
كلمات رآئعه ومميزه
يسلم ذوقك الرآقي ابيات رائعه جدا |
رد: رصاصة رحمه
مشاء الله عليك من جد ابدعت في الاختيار
ونبي مثل هالقصايد تكفى تحرك القلب شوي ننتظر جديدك |
رد: رصاصة رحمه
كلماات ف قمه الذوق والرقي
سلمت يدااك وبنتظار ماهو اروع |
رد: رصاصة رحمه
الف شكر على مروركم الطيب
تقبلوا احترامي |
رد: رصاصة رحمه
اقف احتراما امام هذا الاختيار ,,
يجبرني الصمت لعجزي عن التعبير .. مودتي اخي العزيز .. |
رد: رصاصة رحمه
رائعة من أجمل روائع شاعرنا الكبير عبدالله .. الله يعطيكِ الف عافية اخي الكريم على هالإختيار المميز .. ودمتِ بخير .. |
الساعة الآن 01:11 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه