قصيدة للشاعر المرحوم حمد المعجل
قصيدة ( هيضتني بغناك ياساجع الورق )
هيــضتــني بغـنـاك ياساجــع الــورق 0000 وذكرتني عصرا قديم مضى لي ذكـرتـنـي يا اـلـورق مـنتـوقه العنـق 0000 وقبلك انا يا لـورق دالـه وسـالـي زودت حرق القلب حرق على حرق 0000 وخليت كل الناس تسخف لحالي ذكـرتنـي مـقـطان خـلـي علـى عـرق 0000 ذكـرتـنـي سجـات هاك الليالــي يا زيد دام الشمس تظهـر مع الشـرق 0000 والله ما انسى واحدا قد صفا لـي الـزين واجـد مـار( نورة) بهـا فـرق 0000 زادت على كل العرب بالجمالي خص الى لبست ثويب الهـوى طرق 0000 نفنوف لاس فـوق طوقـه هـلالي هي منوتي يا زيد مـن جـمـلـه الخلـق 0000 وان ماحصل يازيد كف المجالي رحم الله الشاعر حمد بن عبدالكريم المعجل |
بيض الله وجهك
والف شكر على هالقصيده الرائعه . |
شاعر سدير
تسلم والله ياشاعر سدير على ردك وعلى فكرة انا من اشد المعجبين بقصائد المرحوم حمد العبدالكريم المعجل
واشاء الله راح ابحث عن المزيد من قصائدة وراح تنزل في المنتدى |
الله يعطيك العافيه..........:) :)
|
اخوي هجرس
لا يكون خاطرك الا طيب قصايد المرحوم / حمد العبد الكريم المعجل عندي اكثرها في ((ديوان شعراء المعجل)) وانا على اتم استعداد بان اوفر عليك الجهد واكتب بعض قصائده في المنتدى الغالي . |
مشكور اخوي مسافر وانشاء الله عقبال ما اصير عضو نشيط جدا مثلك 000 بس خلنا على بالك راعيها
|
تسلم اخوي شاعر سدير وياليت نشوف قصائد خاصه لك في المنتدى
والله يوفقك ( ابو ريان ) عاشق سراب |
الساعة الآن 11:01 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه