نجديه سديـــر
 

السلام عليكم ورحمه الله وبركاته

نجديه سدير

هي الشاعره هدى بنت فهد البراهيم المعجل من شاعرات سدير وتعتبر في الوقت الحالي هي شاعره سدير الاولى
لها عده مقالات في الصحف المحليه ولها زاويه ثابته في جريدتي اليوم والجزيره
نشرت قصائدها في عدد من الصحف والمجلات وكانت تحفتها الفنيه والتي نشرت في مجله المختلف بعنوان زهره اللوتس والتي لاقت نجاح منقطع النظير
يتميز شعرها بسهوله الالفاظ والتركيب وقوه المعنى ويتميز كذلك بالصدق الواضح ويظهر ذلك جلياً من خلال قراءه الشخص العادي لقصائدها

نبدأ بالوطن وليس هناك اجمل ولا اروع من الوطن

[poet font="Simplified Arabic,14,firebrick,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الوطن عنقوده عذوق الفرح=والبلح رمان حباته كرز
ابشري يا يمه الصدر انشرح=من فضل رب جمع شمل الخرز
في عقود ترقص بشوق المرح=عرضه لشيخ تولى واحترز
لملم الضحكات صبًرها وطرح=ماضي قد كان بجهود حرز
الوطن يمه تباشيره فرح=تربته رمان وحدوده كرز
[/poet]

مشكور أخوي هوجاس على المعلومات اللي تقدمها عن الشاعره المبدعه نجدية سدير وبصراحه أنا تعجبني قصيدتها في سدير وليتك تقدمها لنا إذا هي عندك ...


تحياتي.

هلا والله وغلا باخوي من التويم...وابشر بسعدك..وهذي هي القصيده


[poet font="Simplified Arabic,14,firebrick,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يفز قلبي كل ما قالوا سدير=الله يا كبر الغلا في فؤادي
من خلقه الدنيا وأنا افز واطير=سدير عشقي غايتي هي مرادي
الخير فيها ديرتي منبع الخير=رغم البعاد سدير شربي وزادي
يالله يا المنان لو فتره عصير=أرقد وأدوج فارضها والوهادي
وامتع الانظار عشقي ابد غير=أحبها وان قالت الناس عادي
لا جنيف لا لندن ولا ديره غير=حتى ولا لبنان مثلك بلادي
تزهر في قلبي ذكريات وتباشير=كل ما طرت لي ديرتي في بعادي
وافز من نومي واناديك يا سدير=لله در اللي يحبك ينادي
بالخير أنا ابعثها لكم في فم الطير=ينطق بها وجدان مابه سوادي
ينطق بها وجدان نجديه سدير=ينطق بها وجدان ماهوب عادي
[/poet]

تسلم أخوي هوجاس وما شاء الله عليك بس .. جهد واضح وتنسلم على طرح القصيده ..

بس عندي ملاحظه وهي إن البيت هذا أذكر إنه فيه بعض الإختلاف .:

لا جنيف لا لندن ولا ديره غير حتى ولا لبنان مثلك بلادي

...
لا جنيف لا لندن ولا ديره زبير حتى ولا لبنان مثلك بلادي


وش رايك ؟؟؟

تحياتي.

تسلم اخوي من التويم

بس القصيده هذي أخذتها من ديوان شعراء المعجل وهي مصدري حقيقه

وممكن انها قالت زبير وخاصه اذا علمنا انه هناك عدد لا بأس به من عائله المعجل ذهبت للزبير

ما قصرت يا هوجاس وليتك تتحفنا بما لديك من قصائد لنجدية سدير....


تحياتي لك .

مشكور أخوي هوجاس على المعلومات اللي تقدمها عن الشاعره المبدعه نجدية سدير وبصراحه قصائدها جداً مميزه وسهلة المعنى

وياليت نشوف لك زياده من قصائدها المميزه وتسلم وما قصرت..........

تحياتي.,.,.,

""" تنحني للذل قامات ..
ويراع !!

""" وقامة [ اللوتس ] شموخٍ في ..
عذوب !!

تسلم يا هوجاس

ويعطيك الف الف عافيه

هذي القصيده لنجديه سدير رثاء في سماحه الشيخ الوالد عبدالعزيز أبن باز رحمه الله تعالى

[poet font="Simplified Arabic,14,firebrick,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
سبحي يا نجد إذا بلًت سحابه=قبر شيخ تشرق افضاله عليًه
بالتقى والدين وعلوم الصحابه=مع كتاب الله مع سنه نبيًه
سبحي وتسبح أفواه القرابه= والشجر والظل والمسلم وذيًه
سبحي للواحد المرسل كتابه=من يقدًر موته الفرد وخويًه
سبحي ذا شيخنا لا واسفابه= ارتحل من بيننا جـــته المنيًه
افتقده العلم والمسجد وبابه=كل ركن فيه دمعات سخيه
الطفل والأم والشيخ وجنابه=واليتيم ودمعه البنت البريًه
والشباب بموتته ذاق اغترابه=غربته من فقدته قايد سريًه
ارتحل من بيننا غاب وغيابه= مثل غيبه شمس قد كانت قويًه
تارك علم مسطر في كتابه= للي يجهل بعض من دين البريًه
هو شفيعه يوم يشتد اقترابه=الحساب ويجزل الله العطيًه
شيخنا وان مات ما ماتت سحابه= تهطل بعلمه ونزجيه التحيًه


[/poet]


رحمك الله يا أبن باز

[c]http://www.shojoon.org/album/animati...shojoon402.gif [/c]

أشكرك جزيل الشكر أخي هوجاس على هذا المجهود الكبير الذي تبذله في سبيل إثراء المنتدى الأدبي بكل مالديك من إمكانات أدبيه ... خصوصًا وأنت تتحدث عن شاعرة تنتمي لمنطقتنا الحبيبه سدير ...
أكرر لك شكري وإمتناني ..
وتقبل فائق إحترامي وتقديري ...