قصيدة ياحافرين القبر ((كاملهـ))
 

السلام عليكم ورحمة اللهـ وبركاته



صبحكم الله بالخير والعافيه,,

تقريبا هاذي اول مشاركه لي في منتدى الشعر ,,

فحبيت اشاركم في قصيدة جميله جدا فيها معاني قيمه اخترتها لكم وعسى ان تنال على اعجابكم ,,




قصيدة الشاعر عبد العزيز بن ناصر الهذيلي من اهالي الخرج يخاطب ابن عم له يدعى عيون يقول فيها

ياحافرين القبر خلوه منزالي




عديت في مرقب بيـن الشفـا العالـي
مرقاب غـي يـذل الطيـر مـن دونـه
تلقى لحرش المواطـي فيـه مدهالـي
عنهـا القنانيـص يلتاجـن بركـونـه
حب الحبيب صبـغ مـا عـاد ينجالـي
لو كل يوم بصافـي المـاء يغسلونـه
غض النهد وان وطا فـي وادي سالـي
ينبت نفـل والزبيـدي منـه يجنونـه
له مشيـة مـا مشاهـا اول ولا تالـي
واللـي خلافـه وقـدامـه يراعـونـه
يبكي عليه القصـر والمجلـس العالـي
حتـى الفناجيـل ودلالـه ينوحـونـه
يـا حافريـن القبـر خلـوه منـزالـي
واللـي علـى قـد راسـي لا تغطونـه
خلوني اشوف من سير ومن جـا لـي
واشوف غض النهد يمشي على هونـه
وسمعت عقب العصير صيـاح رجالـي
واثـره حـراج علـى قشـه يبيعونـه
لبس الحبيـب ثويـب بريسـم غالـي
لا لبسـه التـرف دق القـاع بردونـه
والله ماهمـنـي ولا ســرق حـالـي
ياكود ظبـي علـى الرامـي يحدونـه
عساه الى من رمي يخطي بـه الوالـي
عسى القنانيـص غيـري مايصيدونـه
وان كان غض النهد ( ياعيون ) ماجالي
فتـراي ميـت وقـبـري بتحفـرونـه
ياعيون ماترحم اللـي صابـه هبالـي
على غرير طويت اليـاس مـن دونـه


فاجابه ابن عمه عيون بأبيات لم اجد منها الا بيتين




عزيز ان كان قلبك فيه ولوالي
على غزال سواد الكحل بعيونه
اصبر وصابر على مادبر الوالي
واهل الحسد وفقهم لابد يلقونه



ولأستماع القصيده بالصوت تفضلhttp://www.qassimy.com/nu/voices-act...ow-id-2852.htm

رد: قصيدة ياحافرين القبر ((كاملهـ))
 

ما قصرت

قصيدة اكثر من رائعة

رد: قصيدة ياحافرين القبر ((كاملهـ))
 

قصيده رائعه جدا

شكرا على النقل

رد: قصيدة ياحافرين القبر ((كاملهـ))
 

السلام عليكم ورحمة الله وبركاته ،،


لا يابعد حي القصيد ،، قصيدة جداً مؤثرة في بعض معانيها ،، خاصة بيتين القبر ،، رغم أني لم اتمكن من ربط المعاني بين الأبيات ،،

ففي الأبيات التالية ،، زي ما تكون يتغزل الشاعر في بنت ،،


[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عديت في مرقب بيـن الشفـا العالـي=مرقاب غـي يـذل الطيـر مـن دونـه
تلقى لحرش المواطـي فيـه مدهالـي=عنهـا القنانيـص يلتاجـن بركـونـه
حب الحبيب صبـغ مـا عـاد ينجالـي=لو كل يوم بصافـي المـاء يغسلونـه
غض النهد وان وطا فـي وادي سالـي=ينبت نفـل والزبيـدي منـه يجنونـه
له مشيـة مـا مشاهـا اول ولا تالـي=واللـي خلافـه وقـدامـه يراعـونـه
[/poem]


--------------

ثم بالبيت التالي زي ما يكون رثاء لرجل ميت ،، لأنه عادة الرجل هو صاحب القصر والمجلس العالي ،، والرجل هو اللي تبكي عليه دلاله والفناجيل ويبكي عليه مجلسه العامر بكرمه وضيوفه ،، كناية على أنه كريم في حياته ،، فمدري وش علاقة البنت بهذا الرجل ،، وليه ذكره بالأبيات ،،

[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يبكي عليه القصـر والمجلـس العالـي=حتـى الفناجيـل ودلالـه ينوحـونـه [/poem]


--------------

ثم في الأبيات التالية ،، يخاطب حافرين قبر يخلوا القبر منزاله ،، لأنه بوده يختبر مشاعر البنت ،، فطلب منهم أنهم ما يغطوا رأسه ،، لأجل يشوف من راح يجي يبكي علي لما يموت ،، كود حبيبته تجي ويشوفها تترحم عليه عند قبره ،،

[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يـا حافريـن القبـر خلـوه منـزالـي=واللـي علـى قـد راسـي لا تغطونـه
خلوني اشوف من سير ومن جـا لـي=واشوف غض النهد يمشي على هونـه[/poem]


----------------


ثم في البيت التالي،، معناه مرتبط مع البيت الأول اللي ذكر فيه ،، يبكي عليه القصر والمجلس العالي ،، ولو كان المقصود هو البنت وأنها ميته،، فكيف يطلب من حافري القبر أنهم ما يغطوا رأسه لأجل يشوفها إذا جت تبكي على قبره ،،


[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
وسمعت عقب العصير صيـاح رجالـي=واثـره حـراج علـى قشـه يبيعونـه [/poem]


--------------

وفي الأبيات التالية ،، معانيها مرتبطة مع معاني البيتين اللي بدايتها ياحافرين القبر ،،

[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لبس الحبيـب ثويـب بريسـم غالـي=لا لبسـه التـرف دق القـاع بردونـه
والله ماهمـنـي ولا ســرق حـالـي=ياكود ظبـي علـى الرامـي يحدونـه
عساه الى من رمي يخطي بـه الوالـي=عسى القنانيـص غيـري مايصيدونـه
وان كان غض النهد ( ياعيون ) ماجالي =فتـراي ميـت وقـبـري بتحفـرونـه
ياعيون ماترحم اللـي صابـه هبالـي=على غرير طويت اليـاس مـن دونـه [/poem]



-----------------------

فالبيتين هذه لو تشيلها من القصيده ،، راح تلاحظ أن معاني القصيدة متسقة مع بعضها وجيدة وتحكي عن بنت عايشه وماماتت ،، والبيتين هي :

[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يبكي عليه القصـر والمجلـس العالـي=حتـى الفناجيـل ودلالـه ينوحـونـه
وسمعت عقب العصير صيـاح رجالـي=واثـره حـراج علـى قشـه يبيعونـه[/poem]


-----------------------

وشوف القصيده لو اعدت ترتيبها ،، وحذفت البيتين السابقة منها ،، أعتقد انه راح يتناسق المعنى ،، كقصيدة غزلية وعذبة للغاية ،،

[poem=font=",6,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
عديت في مرقب بيـن الشفـا العالـي=مرقاب غـي يـذل الطيـر مـن دونـه
تلقى لحرش المواطـي فيـه مدهالـي=عنهـا القنانيـص يلتاجـن بركـونـه
والله ماهمـنـي ولا ســرق حـالـي=ياكود ظبـي علـى الرامـي يحدونـه
عساه الى من رمي يخطي بـه الوالـي=عسى القنانيـص غيـري مايصيدونـه
يا عيون ماترحم اللـي صابـه هبالـي=على غرير طويت اليـاس مـن دونـه
حب الحبيب صبـغ مـا عـاد ينجالـي=لو كل يوم بصافـي المـاء يغسلونـه
له مشيـة مـا مشاهـا اول ولا تالـي=واللـي خلافـه وقـدامـه يراعـونـه
لبس الحبيـب ثويـب بريسـم غالـي=لا لبسـه التـرف دق القـاع بردونـه
يـا حافريـن القبـر خلـوه منـزالـي=واللـي علـى قـد راسـي لا تغطونـه
خلوني اشوف من سير ومن جـالـي=واشوف غض النهد يمشي على هونـه
غض النهد وان وطا فـي وادي سالـي=ينبت نفـل والزبيـدي منـه يجنونـه
وان كان غض النهد ( ياعيون ) ماجالي =فتـراي ميـت وقـبـري بتحفـرونـه
[/poem]



-------------------


الله يعطيك العافيه أخوي شرواك ،، لأختيارك الرائع ،، وصح لسانك ،، وصح لسان الشاعر عبدالعزيز الهذيلي ،،



دمت بخير ،،

رد: قصيدة ياحافرين القبر ((كاملهـ))
 

راائعة كروعتكًُ

أختيار موفق ,, أشكرك :))