منتديات سدير - العلمي ولا الأدبي ..........

[align=center]

العلمي ولا الأدبي .............

--------------------------------------------------------------------------------

هذه مناقشه حاده بأبيات شعر بين طالبات الأدبي والعلمي أتمنى تعجبكم
احتاروا البنات وين يدخلون علمي ولا أدبي وكل وحده دخلت القسم اللي تبيه يا أنها مع صديقاتها
واللى تبي تفتك من الرياضيات والفيزياء واللي تبي تفتك من التاريخ والي تبي ......واللى تبي......

(( وفي هالوقت قامت وحده من البنات العلمي كتبت هالقصيده((

حسبي الله على من تسلط على المسلمين
ضعنا ونبي رايكم يالسامعين
سهرنا الليل ورحنا نقول دارسين
وقلوبنا من الأسئلة حافظين
حفظنا الذهب والفضة وجانا الخارصين
والفراغات مليناها كلها تخمين
ورحنا للسؤال الثاني على بالنا فاهمين
معادلات مع الاوزان عز الله ضايعين
ماعرفنا من الرموز الا الماء والاكسجين
والا السؤال الثالث يامن يعين
مسالة مانعرف لها راس من رجلين
اكتبي الصيغة الوزنية ماحناعارفين
والقوانين والله يستر على القوانين
تكسرت الآلة من الطقطقة مابقى الا زرين
والمصيبة مشرفتنا تصرخ يانايمين
من زود الوناسة شايفتنا قاعدين
سلمنا الأوراق مافيها صح الا اثنين
الاسم ورقم الفصل وعلى الباقي مشطبين
ياناس أنصفونا من الظالمين
وإلا ترانا آخر السنة من الراسبين
وآخرتها سلامتكم يالربع والسالمين
وإذا مااشتكينا لكم نشتكي لمين

(( شافوها بنات الادبي فتبرعت وحده منهم وردت((

من قال لكم تدخلون علمي يالمجانين
هذي هي سوات ايديكم يالفالحين
اسهروا ليلكم مع نهاركم ياالشاطرين
وحنا بنشخر مع النايمين
وحفظ الادب والمكتبة ومواد الدين
على طول بنجاوب دامنا حافظين
قلنا لكم نيوتن وفيثاغورس ميتين
وجعلكم ماتصيرون بأنفسكم فالحين
وآخرتها الله يسلمكم يالسامعين
وان شاء الله نشوفكم مع الراسبين

(( تنرفزوا بنات العلمي وقالوا <<<(( هذي عاجبتني مررررررره

دايم عند الاداره يامخبل متهاوشين
تحطون راسكم براس العلمي يالمساكين
ترى لكم الكرف والبيت وغسل المواعين
اتركوا عنكم الحقد مركزنا منتوب واصلين
حنا لنا العلم والمستقبل يالمساكين
وآخرها الله لايسلمكم من البلاء يالمساكين
وآخر السنة إن شاء الله نكون من الناجحين

وصلى الله على نبينا محمد[/align]