منتديات سدير - مجرد شعر اعجبني

البارحة من بين صفحات لوراق =منه رسالة صادفتها عيوني
لمحت اسمه باخر السطر براق=حروفه تلامى في ثنايا جفوني
شلت الرسالة بين طرفي ولحداق=ونفضت عنهاغبارها بكل هوني
جالت بها عيوني برأفة واشفاق= خايف يمزقها تزايد جنوني
كانت لاخيرة قبل هجران وفراق=ايام كانوا لي ملاذي وعوني
اخر رسالة منه مضمونها اشواق=ووعود ذكراها تحرك شجوني
سألت الرسالة ووابل الدمع ينساق=عثنون هاطل من غزير المزوني
وين الحبايب وين حلان لعماق =وين الذي باحساسهم يحتووني
وين الذي كانوا لي صحاب ورفاق=واهلي وخلاني وارضي وكوني
وين الذي قالوا لو الوقت بواق= من بين كل الناس بايشتروني
وين الذي ماردهم اي عواق = لا الشوق ناداهم تعنوا وجوني
وين الذي يسرون في كل غساق= باحلى الليالي كانوايسامروني
ولهم فراقي يوم ماكان ينطاق =ولا جيت اسافر بالموادع بكوني
وين الذي قالوا ان الشوق حراق= وقالوا لرب البيت بايشتكوني
وين الوعود وين عهداً وميثاق =ووين اليمين اللي بها عاهدوني
يمين نبقى مابقى الوقت عشاق=وياكيف خانوا عهدهم واخلفوني
ياذا الرسالة خبري انسان مشتاق=وعلميني كيف عاشوا بدوني
وخبريني كيف لازلت تواق =لشوفة اللي تسببوا في طعوني
وغيرهم ماقد قبلته ولا لاق =روحي واحساسي وقلبي عصوني
وعدت للواقع وقد بان لشراق=وبيدي رسالة تنتحب من غبوني
حتى الرسالة صابها هم وارهاق=وكن الرسالة تقول لا تعذبوني
عاتبت نفسي كيف اهذي لاوراق=مجرد رسالة قد نسوها ونسوني

منقول