|
خيانة .. !!
[poem=font="Simplified Arabic,5,red,bold,normal" bkcolor="transparent" bkimage="backgrounds/26.gif" border="none,4,gray" type=2 line=0 align=center use=ex num="0,black"]
ابرحل وباخذ لهفتي وآخذ اشواقي=واببعد عن ْديارك وارّوح مراح الطير من اليوم بحرق ذكرياتي مع اوراقي=وابطعـن خفوق ٍ ناوي ٍ يذكرك بالخير اباهد خيمة غفلتي واطوي رواقي=وابرحل ولا ابغى منك عذر ٍ ولاتبرير قتلتي الفرح يوم الفرح لاح بافاقي=وظلمتي قـديم الشوق والله يا.......... ؟ خيانتك أعمت ناظري وكسرت ساقي=لك الله يا كسر ٍ فنا مالقى تجبير كذبتي وكذبتي لين زودتي ارهاقي=وسرقتي من عيوني الهنا وخانني التفكير انا اللي على عهد الوفا دايم ٍ باقي=وغيري على درب الخيانة بتل في السير طعونك يا ....... تتعب جروحها الراقي=تخيـْـل بسهمها خافق المبتلا وتغير كرهتك كرهتك جد من داخل اعماقي=كرهت اسمك وصوتك وطاريك بدّ الغير كرهتك كراهة عيني لجرح خفاقي=مثل كره راعي الطيب لـْمجَـالس اهل الكير كرهت الغلا والحب والشعر واشواقي=وكرهتك كراهة مدمن البخل للتبذير كشفك الولي ليّـه قبل يدني ازهاقي=وبانت فعولك يوم ربي نوى بي خير ابرحل قتيل طعوني وعمرك الباقي=ابرتاح من جرحي وعند الله التدبير ابشّــْرك طحتي اليوم من محجر احداقي=ولا عاد لك عندي معزة ولا تقدير[/poem] قديم الشوق |
رد: خيانة .. !!
بصراااااحة كلماااات حلللللللللللللللللوة
صح لساااانك ولسااان الشاااعر محبكم / FATA--JALAJEL |
رد: خيانة .. !!
أخي الغالي / FATA--JALAJEL
أهلا ً بك وبمرورك الكريم وأشكرك على مشاعرك الصادقة لكن للأسف شكلي ماني عاجبك !! ولا اشلون تقول : صح لسانك ولسان الشاعر !!! أعتقد ياغالي اني ماكتبت ولا نوهت بأن القصيدة من منقولة أو أنها من نظم غيري !! القصيدة وانا اخوك لي بس أعتقد انك ماقريتها كاملة لأنك لوقريتها كاملة عرفت انها لي على العموم شكرا ً لك مرة أخرى وتقبل خالص تحياتي أخوك / قديم الشوق |
رد: خيانة .. !!
::
: بداية احييك اخي الكريم ( قديم الشوق ) .. على تواجدك بيننا وعلى نبض قلمك العالي ... المحتوي بـ شموخ .. ماااااااااأبشع الخيانه ... ان اتتك من شخص تغليه ..!! فتنصدم وتنهار ... ولكن تكون هذه الصدمه // قوة لك فيما بعد ... لك قلب ينبض ........ بالوفاء والصدق ... عش من اجله // واترك من خان ..// لان اكيد لايستحق الحب والتقدير والهيام انرت بـ هذه المقطوفه العاليه بـ حروفها .. واتمنى لك / وقت / مفيد / وممتع بيننا .. :: : ملاحظه // عيون الشعر ... لـ شعر المنقول فقط ... وبوح القوافي // ساحه لـ شعرائنا ... ونبضهم الصادق .. لـ ذالك سيتم نقلـ معزوفتك هذه هناك لـ مكانها المناسب شاكرة ... عطائك ... ودما بـ شوق لـ جديدك تحيتي لك :: : اختك ( دمعة ألم ) .. |
رد: خيانة .. !!
قديم الشوق ........... مرحبا فيك
قصيده وجدانيه لها اسبابها والله لايجعل الخاين بخير تسلم ويسلم بووووووووووحك ودام عطاءك العذب |
رد: خيانة .. !!
قديم الشوق
الله يعطيك العافيه |
رد: خيانة .. !!
كرهتك كراهـة عينـي لجـرح خفاقـي
مثل كره راعي الطيب لْمجَالس اهل الكير كرهت الغلا والحب والشعـر واشواقـي وكرهتك كراهة مدمـن البخـل للتبذيـر أبيات رائعه جدا وتشبيه جميل صح لسانك وفي انتظار جديدك |
رد: خيانة .. !!
هلابك ياقديم الشوق
وياهلا بعطر تواجدك وياهلا بحضورك المشرق مصافحة رائعه واطلالة فاتنه وحضور اول نفتخر ونسعد به صح لسانك ولاهنت ياغالي كل الحب والتقدير اخوك ناصر ظماالعشق |
رد: خيانة .. !!
ابو نواف
صح السانك رائع والكصيدة رائعة |
رد: خيانة .. !!
أختي الغالية / دمعة ألم ..
أهلا ً بك في هذا المتصفح الذي يتشرف بمرورك وأشكرك كل الشكر على كل كلمة خطها يراعك الكريم وشكرا ً على التنويه والتوضيح ونقل القصيدة لمكانها المناسب وأعتذر عن تأخر الرد لبعض الظروف وتقبلي خالص تحياتي وعظيم إحترامي أخوك / قديم الشوق |
رد: خيانة .. !!
صح لسانك قديم الشوق .. ولاهنت على روعة الابيات..
تحياتي.. |
| الساعة الآن 07:44 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه