|
ويلكم ياهل البدل ياهل البشوت
[poet font="Times New Roman,14,black,bold ,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
ويلكم ياهل البدل ياهل البشوت = تحملون الاثم في دمٍ يباح يسفكون الدم وانتم في سكوت = وين فزعات العرب وين الكفاح تصرخ الاطفال من هدم البيوت = والنساء ويا العجايز في صياح الجثث متناثره جرحا وموت = والقذايف فوقهم ليل وصباح لا أمان ولا شراب وقل قوت = ولا علاج ولا دكاتر للجراح تأكلون الموز والمنجا وتوت = فالحين ان قالت العربان طاح ما تعرف شفاهكم غير الشروت = وان طلبتوا شئ تلقونه متاح تركبون البنز والكدلك وحوت = وللمسافات الطويله أم جناح تسافرون وتسكنون (بماريوت) = وترقدون الليل متعه وارتياح ما تركتو لشعبكم رايٍ وصوت = ما سلم من بطشكم راعي الفلاح اتركو اهل المساجد بالقنوت = ما لهم في وقتنا غيره سلاح لي متى وانتم يوجّهكم (ريموت) = لي متى ذلٍ وخوفٍ وانبطاح عبدالخالق البعيجان(ابن شارخ) [/poet] |
الله ثم الله عليك اخوي عبدالخالق
اسمحلي اقولها انت شاعر منتدى سدير الاول انا بصراحه اكتشفت شي ان عائله البعيجان الكريمه مبدعه في كل شي في الشعر في التجاره في الخطابه في كل الامور البارحه قام احد الشباب جزاه الله الف خير يحدث بعد صلاه العشاء...ولا قالولك هذا الي ينقاله صح لسانك ولله درك ولا فض فوك فهو يطلق على هذا الشاب ابدع وايما ابداع سئلت عنه وقالوا هذا ( الشيخ) سالم البعيجان تحياتي لك يا ابن شارخ واتمنى شغل التقاطيع تقطعه وتصير معانا على طول |
السلام عليكم
ياهلا بأخوي بن شارخ ماشاء الله عليك قصيدة أجمل من الرااااائعة [c][gl]تــــحـــيـــاتـــي لــلــجــمــيـــــع[/gl] [/c] |
[shdw]ابن شارخ[/shdw]
مساء الخير وتسلم على ما قدمت وتقدم لنا من إبداعات إرتبطت باسم ابن شارخ ... تحياتي .. |
هلا وغلا اخوي هوجاس
أشكرك على هذا الاطراء ، وعلى تكرمك بقراءة ابياتي المتواضعه اخي صدقني انا متطفل على الشعر وعابث باوزانه وبحوره وقوافيه واتعلم من من سبقني وغاث الشعر بما اكتب لكن اقولكم تحملوني ، وحروفك شهادة اعلقها على صدري ووسام اعتز به اتمنى ان اكون عند حسن ضن الجميع ثانيا الشيخ سالم البعيجان من اسر الخرج والبعيجان اللي انا منهم من روضة سدير فاشكرك للمتابعه وحرصك الدائم على متابعة مواضيعي واما عن الانقطاع ، فعملي وارتباطاتي تجبرني على الغياب ولكن ثق ان قلبي معكم ، وان طالت الغيبه عليكم اكثر من المعتاد فاعرف اني بالسرداب ، الله يكفينا وياك شره تحياتي لك اخوك عبدالخالق البعيجان |
هلا وغلا اخوي ثامر
الروعه والجمال هو حضورك ، وقراءتك لابياتي وتوقيعك هو اللي زينها الله لا يخلينا منك وشاكر لك على كل حرف كتبته تحياتي لك اخوك عبدالخالق البعيجان |
هلا وغلا من تويم
الله يمسيك بالنور اشكرك على تواجدك في متصفحي وعلى توقيعك تحت ابياتي المتواضعه الله يسلمك من الشر، هذا واجبنا واقل ما نقدم لسدير واهلها وانتم نرجو منكم السماح لنا على قلة ما نقدم لكم ، ويعلم الله انكم تستاهلون اكثر تحياتي لك اخوك عبدالخالق البعيجان |
السلام عليكم و رحمة الله و بركاته
مشكور أخوي ابن شارخ.
قصيده في قمة الروعه. |
اقتباس:
لكن اسمحلي هالمره لن افوتها لك ولن اسمح لتواضعك ان يسايرنا فمن قال انك متطفل على الشعر؟؟؟...اذا كان كذلك فاتمنى حقيقه ان يزيد عدد المتطفلين اذا كانوا على شاكله ابن شارخ ولكن حاشاك فأنت شاعر وشاعر كبير وتكرم عن لفظ متطفل يا شاعر يا كبير اما عن قولك بأنك عابث باوزان الشعر وقوافيه وبحوره...فهنيئاً لنا بهذا العابث والذي يمتعنا كل الامتاع بافضل ما تجود به قريحته ولا ادري هل لي بدرس عندك في تعلم العبث في اوزان الشعر وبحوره وقافيته؟؟؟واكون لك من الشاكرين اشكرك على التوضيح بخصوص الشيخ سالم البعيجان...لله دركما جميعاً عفواً ماذا تقصد بالسرداب؟؟؟؟ |
هلا وغلا اخوي ابوعمر
شكرا على تكرمك بقراءة ابياتي المتواضعه وشكرا على هذا الاطراء وصدقتني يابوعمر ان الروعه والجمال في حضورك وتوقيعك تحت ابياتي الله لا يخلينا منك ولا تحرمنا من هالطله تحياتي لك اخوك عبدالخالق البيعجان |
هلا وغلا اخوي هوجاس
والله اتعبتني فانت كريم ولا تنظر الا بعين الكرم لبستني تاجٍ كبيرٍ عليه ---------- والتاج بين قيمته في معانيه الله لا يخلينا منك يالغلي أما السرداب يدخلونه المظاليم واللي يقولون الحق الله يكفينا وياك شره تقبل تحياتي اخوك ابوناصر |
نتشرف أن يكون بيننا شاعر بهذا التمكن والتواضع ...
لا أزيد عن ما قالوه إخواني إلا : لا تبخل علينا بالشيء الجديد .. . . . أخوك / المنيعات |
أخوي ابن شارخ....شاعر منتدى سدير الاول
أنت ما تستاهل التاج..هو من يستاهلك عسى الله يمتعنا دائماً فيك وفي ابداعاتك يا الغالي وما نبي القطاعه ولا بوديك للسرداب:) |
هلا وغلا اخوي المنيعات
اشكرك على هذا الاطراء وشهادتك اعتز بها واعلقها على صدري توقيعك على ابياتي يزينها ويزيدها تشريف الله لا يخلينا منك تحياتي لك اخوك عبدالخالق البعيجان |
هلا وغلا اخوي هوجاس
اشكرك على متابعة مشاركاتي واتمنى ان اكون عند حسن ضنك وضن الجميع تحياتي لك اخوك ابوناصر |
| الساعة الآن 12:14 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه