لغز بسيط لمحبي الالغاز
 

لغز بسيط من تأليفي يقول:
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انشدك عن بنت عن اربع بنيات = من دونها جيش غدا تحت امرها
قدرها قدر الملك فالعريضات = ياللي فهمتوا العلم هاتوا خبرها[/poem]


العريضات : الاراضي

اللغز مايبي له الا شوي تفكير وان شاء الله تجيبونه

بانتظار رمعاتكم

وتقبلوا خالص تحياتي

*@:

جاري التفكير لكن بدون إشارات مرور!!

[align=center]والله اني ماادري بالضبط لكن هوو المقصود به ( النساء )



ولك تحياااااااااااتي...............[/align]

سمسومه
الله يرحم والديك فكينا من الاشارات

احس انك لو تشغلين مخك شوي بتجيبينه zs:

بالتوفيق سمسومه


.....................
القرم انت حول الاجابه هي وحده من الحريم المشهورات

يالله شد حيلك واسبق سمسومه

<<<< يحس انه بيجيبه


..............................................

شكرا لمروركم


ولكم خالص تحياتي

واحد منسم يقول أنها

بنت الهاص أو بنت الديمن أو بنت الشيريا أو بنت السبيت

هههههههه

ممتاز سمسومه

بالله شلون عرفتي انها شجرة الدر

عزا الله انك فطينه











بس للاسف مالك لوا

<<<<<<<<<<< هذا اللي بينجلد هاليومين

حاولي والله انك تفكرين صح

وعشان اقرب لتس الاجابة هي مهيب من حريم منول هي من حريم هالزمن

يالله احتري رمعتس الجايه

ولك خالص تحياتي

ابن عمي عزيز

الله يهديك وراك حاكم وانت معك ميه ؟؟؟؟



الله يرجك هيضتني للبلوت


مالك لوا يالذيب مهيب لابنت الهاص ولا الديمن ولا السبيت ولا الشيريا


يالله ياولد عمي اسبق سمسومه وجبها


بانتظار الرمعه الجايه


ولك خالص تحياتي

همممممم


يمكن بطاقة الصراف .. !!

والا .. ؟

سديراويه

الله يهديتس قولي امين


الحين اقول لك حرمه تقولين بطاقة الصراف


هههههههههههههه

مالك لوا يالذيبه :D

حاولي تحللين ردودي على الاعضاء وتجيبينها


في انتظارك


ولك خالص تحياتي

سمسومه تراك تحومين حول الجواب


كل اللي يبي لك كيس فصفص وروقان وتجيبينه


يالله شدي حيلك خلينا نفرح فيك
<<<<<<< وش عندك يا ابوها


بانتظارك


ولك خالص تحياتي

الجواب سيتم الاعلان عنه مساء يوم السبت