كشتتنا في اجازة الربيع
السلام عليكم ورحمة الله وبركاته
مساء الخير على الجميع .. كيف حالكم ان شاء الله مرتاحين اعتذر في البداية عن تأخير طرح الموضوع لكن مثل منتم عارفين الوقت في سدير محسوب علينا منب فاضي للصور :) لاحقين على نجران ونمخمخ على الصور لاسيما انها حول 1000 صورة :( انطلقنا من سدير الحبيبه يوم السبت الماضي 29/2 الساعه 10 صباحا حتى يوم الثلاثاء الساعه 9 مساء رحلة 4 ايام فليناها يالله لك الحمد ضحكنا وسمرنا وشمينا ريحة الربيع وسوينا كل شي :ض: << لاتلومونه مكبوت في نجران :( الرحلة شملت الصمان من جهة ام رقيبه الحصبيات - ام عشر - البسيتينات - البريكة اتمنى ان ينال التقرير اعجابكم واعتذر على القصور :)) مسكنا طريق الحفر وتعدينا ام رقيبه جينا ندخلها وقلنا في الرجعه ان شاء الله لكن للاسف مادخلناها جينا في الليل بس مبطي عنها لي 4 سنوات بس نشوفها من بعيد صراحة خبال تطور قوووي مره مع اني ضد هالخرابيط http://www.sudeer-up.com/upload//upl...3dead31e66.jpg تعدينا ام رقيبه وفرقنا يمين بعد المحطة لا صح قبل مانتعداها :) دخلنا المحطة وتزودنا بالزاد والوقود :ض: المهم شفنا صرافة في سيارة الصدق جازت لي الفكرة وافكر اني افتح بنك عشان هالحركة :ض: http://www.sudeer-up.com/upload//upl...8e8e578c53.jpg نزلنا البر مشينا تقريبا حوالي 15 الى 20 كيلو وصلنا لاقرب الفياض طبعا مانبي نتنعفق اول شي نبي نوصل بدري عشان نذبح ذبيحتنا ونعين من الله خير :)) وصلنا قرابة الساعه 4 وهذي صورة على السريع للفيضه :ض: http://www.sudeer-up.com/upload//upl...28dc02b2d3.jpg http://www.sudeer-up.com/upload//upl...de900117f9.jpg المهم جاء وقت سفك الدماء :ض: تم الذبح بنجاح :) http://www.sudeer-up.com/upload//upl...30c6501bb1.jpg ناظروا على السريع ولا تدققون نص اللحم رايح وطي مع السلخ :ض: المهم قطعنا لحمها وحطيناه في الثلاجة وضبطنا امورنا وتقهوينا وتعشينا في نفس الفيضة يوم جاء بكره توجهنا للحصبيات ودخلنا زياده صراحة مسه والطريق يحوم التسبد مانمر على فياض ولا شي http://www.sudeer-up.com/upload//upl...f8dc201810.jpg وصلنا بعد جهد جهيد وطريق اشهب الهب :( وصلنا للفباض وقمنا نتمشى وهذي بعض الصور http://www.sudeer-up.com/upload//upl...07abaf7f19.jpg http://www.sudeer-up.com/upload//upl...2749340cbc.jpg http://www.sudeer-up.com/upload//upl...d6b3bcbdd5.jpg http://www.sudeer-up.com/upload//upl...cde447a461.jpg ياحليلهن ذا القعدان ماخذين راحتهم للاخر :ض: http://www.sudeer-up.com/upload//upl...9583c8c760.jpg هذي فيصة العودة تقريبا احسن شي في الحصبيات << سبحان الله اي شي اسمه العودة زين مدري وش السر :ض: http://www.sudeer-up.com/upload//upl...03729b3f08.jpg http://www.sudeer-up.com/upload//upl...23aded4b80.jpg http://www.sudeer-up.com/upload//upl...7e14b57696.jpg صورة لنفس الفيضة من الاعلى http://www.sudeer-up.com/upload//upl...36c342a184.jpg http://www.sudeer-up.com/upload//upl...25e1c2fb26.jpg http://www.sudeer-up.com/upload//upl...082d63da3c.jpg خصصنا يوم للشوي لازم نغير عن الكبسات :) قطعنا اللحم وجهزناه في الاسياخ http://www.sudeer-up.com/upload//upl...f7091d895a.jpg الصور تتحدث << يعني لحم على الفحم وش تبون اقول :ض: http://www.sudeer-up.com/upload//upl...76800afb4c.jpg http://www.sudeer-up.com/upload//upl...8ab80628eb.jpg تعشينا ونمنا .. واشرقت الشمس لتعلن عن يوم جديد http://www.sudeer-up.com/upload//upl...653a7ce582.jpg واحد من الشباب متحمس وجايب طحين وعدته يبي يخبز لنا ومحدثكم ماعنده مشكلة انواع التعزيز << يعززون عشان يضحكون لاصار مهوب زين شعب سعودي :) لاتتدققون في التدوير لان الرجال سوى مصطلح هندسي جديد :ض: http://www.sudeer-up.com/upload//upl...c56b523631.jpg هذا يسوي خبر وهذا يحمس الكبدة وهذا جالس يلعب عليهم ويصور :ض: << مهوب تصدقون والله كارفيني في تعسيل الواعين :( بس يالله لاجل عين تكرم مدينه << ابد ابد ماله دخل http://www.sudeer-up.com/upload//upl...9b22c3b4ce.jpg والله الخبر مش بطال كويس والله http://www.sudeer-up.com/upload//upl...f5f0678533.jpg هذا رفيقنا جالس في فرن المخبز :ض: المهم انا اكتشفت ان ماودك تسوي شي عند بزران لانهم يقلدون :ض: قال واحد من الجمهور يعني اللي يتفرجون :ض: قال بسوي فطائر :nsad: قلنا سو فطائر وش ورانا :ض: http://www.sudeer-up.com/upload//upl...b9f9076ea9.jpg مابي اوريكم صورتها بعد ماخلصت عشان ماتنظلونه << ترى يافلان منب فاضي ارقع لك كل يوم :) http://www.sudeer-up.com/upload//upl...456b4e8e58.jpg مشينا من الصمان وبنطلع لام عشر .. طبعا بنطلع عند محطة البطيحانيه ونمسك طريق ام عشر المهم بعيده والله حول 50 كيلو لاننا دخلنا كثير :( مالكم في الطويله << ماسك بهم خط وتقول مالكم في الطويله :) قطعتنا سكة الحديد الجديده الظاهر انها رايحة لجدة صراحة شغل عدل http://www.sudeer-up.com/upload//upl...26f0d0cc50.jpg تذكرون راعي الفطائر :( أنبه ضميره ودرى انه غلطان ولا يمكن اننا نسامحه فقرر قراره النهائي انه ينتحر :( http://www.sudeer-up.com/upload//upl...c7f20dbdcd.jpg مابي اكذب عليكم واقول اننا نصحناه ماينتحر لاننا حاسين كلنا بغلطته عاد قال بجلس لين يشتغل القطار الجديد قلنا سو اللي تبي اهم شي لن تنجوا من فعلتك ايها الاحمق :ض: مشينا شوي لين طحنا في مصنعهم وشغلهم http://www.sudeer-up.com/upload//upl...79e6fc3a84.jpg http://www.sudeer-up.com/upload//upl...4f482ebff1.jpg http://www.sudeer-up.com/upload//upl...f4514c9179.jpg http://www.sudeer-up.com/upload//upl...c95f8c3cb2.jpg توكلنا على الله ومسكنا الخط ومشينا تقريبا 60 كيلو الى ام عشر صورة الهجرة من فوق http://www.sudeer-up.com/upload//upl...32c85cb324.jpg وهذي روضتهم مشبوكة عند الديره احسن ربيع بس ماشاء الله بس ماتندخل :( http://www.sudeer-up.com/upload//upl...6092ec6fb6.jpg http://www.sudeer-up.com/upload//upl...e6fd9d2fa8.jpg دخلنا للشعيب وفيه فياض حلوة اعتبره الافضل مثل البريكة بس البريكة زحمه مره عالم وقلق صور منوعه لبعض فياض ام عشر http://www.sudeer-up.com/upload//upl...f25285b73a.jpg صورة لجلستنا تعرفون الشمس حاره :ض: http://www.sudeer-up.com/upload//upl...1d4366802e.jpg مشينا للبسيتينات والبريكة بعد النوم في ام عشر وهذي صورتين للبسيتينات http://www.sudeer-up.com/upload//upl...36c4183f12.jpg http://www.sudeer-up.com/upload//upl...7187f7d72d.jpg للاسف جينا للبريكة والجو كدره شوي وعج والربيع طالع اشهب :( لكن الحمد لله شبعنا من الربيع 4 ايام اليكم بعض الصور من البريكة http://www.sudeer-up.com/upload//upl...21a1f4f172.jpg http://www.sudeer-up.com/upload//upl...b6e9b471c8.jpg http://www.sudeer-up.com/upload//upl...460d1607d6.jpg اعجبتني حركته في صندوق الهايلوكس :ض: http://www.sudeer-up.com/upload//upl...b57cd29a47.jpg مشينا متجهين الى الديار :ض: مرينا على فيضة حلوة قبل النفود http://www.sudeer-up.com/upload//upl...ea102906e4.jpg http://www.sudeer-up.com/upload//upl...aa1a739e4d.jpg دخلنا النفود بنطلع على مشذوبه اقرب طبعا قطعنا تقريبا 40 كيلو نفود لانه يختصر الكثير http://www.sudeer-up.com/upload//upl...3eb41c1559.jpg صراحة مناظر خطيره في الرمل ربيع وفله http://www.sudeer-up.com/upload//upl...45c03607aa.jpg وصلنا بسلام قبل المغرب لمشذوبه http://www.sudeer-up.com/upload//upl...978efa7d3a.jpg تقهوينا يوم جاء المغرب عدنا الى الديار محملين بالغبار والتعب :ض: اعتذر على الاطالة .. واتمنى ان ينال التقرير اعجابكم :)) |
رد: كشتتنا في اجازة الربيع
مآآآآآآآآآآآآآآآآآآآآآآآآآآآآآآآآآآآآآآآشآآآآآآآآآ آآآآآآآء اللهـ
رحلهـ موفقهـ مشكور أخوي |
رد: كشتتنا في اجازة الربيع
تقرير بصراحة رائع جدا جدا
اشكرك |
رد: كشتتنا في اجازة الربيع
ماشاء الله والله الربيع رائع,,,,
تقبل مروري |
رد: كشتتنا في اجازة الربيع
ياسلاااااام
طلعه ولا احلى وتغطية جميلة يابعدي وخاصه الخبز هههههه |
رد: كشتتنا في اجازة الربيع
ماشاءالله رحله جميله ...
|
رد: كشتتنا في اجازة الربيع
هلا والله ابو العز يا اخوي مافيك خير تسير وهنا فيها هههههه
ما شاء الله تبارك الله رحلة جميلة لاهنت عليها بس ليه ما صورت وانت تذبح الذبيحة ههههه او على قولة حمد ما يتحملون يشوفون الدم ههههههه لك الود والتقدير يا الغالي اهنئيك على الرحلة الرائعة الله يديمها امين لاهنت |
رد: كشتتنا في اجازة الربيع
وعليكم السلام ورحمة الله وبركاته
ما شاء الله تبارك الله مناظر ترد الروح شكراً لك |
رد: كشتتنا في اجازة الربيع
ماشاء الله عليكم :))
رحله سعــــيده والحمد لله على سلامتكم ويعطيك العاافيه .. |
رد: كشتتنا في اجازة الربيع
http://www.sudeer-up.com/upload//upl...b57cd29a47.jpg
ماشاء الله .. رحلة مميزة .. وتقرير مبدع كالعادة اخوي عبدالعزيز .. |
رد: كشتتنا في اجازة الربيع
يعطيكـ العافية أخوي عبدالعزيز ..
تقرير ماشاء الله شـامل .. والحمدلله على سلامتكم .. |
رد: كشتتنا في اجازة الربيع
ربيع يشرح الصدر ما شاء الله ~
شكرآاً لك آخوي ؛ ع التغطيــة =) |
رد: كشتتنا في اجازة الربيع
ما شاء الله شغل عدل
و تقرير مميز يعطيك العافية |
رد: كشتتنا في اجازة الربيع
ماشاء الله كشته توسع الصدر
تعيدونها بالعافيه الف شكر |
رد: كشتتنا في اجازة الربيع
ماشاء الله رحله موفقه وربيع زين
|
الساعة الآن 11:12 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه