لاب توب اسوس مستعمل استعمال نظيف للبيع للجادين فقط
بسم الله الرحمن الرحيم السلام عليكم ورحمة الله بركاته عندي جهاز لاب توب شركة اسوس موديل f81s استخدام شخصي ماله الا 10 شهور عندي لالحين بقراطيسة وربي شاهد حتى بطاريته ماشتغلت عليها ابد لالحين بلصقة وختم الشركة مانفكت ابد وهذي بعض مواصفاته الاساسية : اللون : ابيض شاشة : 14-15 المعالج : انتل كور تو ديو الويندوز : فيستا بس انا غيرته لويندوز بروفيشينال كرت السماعه منفصل الهارديسك: 320 الرام: 3 جيجا وفيه مدخل hdmi والسي دي شغال وله 3 مداخل يو اس بي وايرلس بلوتوث كاميرا الجهاز مانفك نهائيا ولا تصلح شي فيه ابد ابد غير اني غيرت الويندوز وبيني وبينه رب العالمين لااغشكم ولاتغشوني وارجو من الاخوه ان لايبخسوا سعره علي لانه جديد ونظيف والشغل عليه ممتاز ماشاء الله بس انا حابه اغير ونفسي بجهاز صغير الحجم اخذه معي وين ماروح ويدخل باي شنطة ملاحظة : الجهاز بقراطيسة مرررررررره حتى غلاف الشاشة والماوس الاصبعي لالحين عليه ونظيف ولونه بيبين نظافته للي بيشريه رجاءا الموضوع للجادين فقط لاحد يناقش وهو مافي راسه شراء واهم شي لاتنسون لاتبخسوا سعر الشي اللي يستاهل طبعا اللي يبي الجهاز راح ارسله التفاصيل وان بغى الجهاز واكد عليه ارسلت له صور الجهاز بعد وتراي مااحلل ولا ابيح اي احد يناقش في الموضوع وهو موب جاد في الشراء على فكرة معي ماوسه وشنطته الاصلية من نفس الشركة اللي بس يبي الجهاز بالحاله بعته ياه بدون ماوس وشنطة وبراعيه باذن الله فيه اما اذا مع الماوس والشنطة اللي يبي يشتريه بسومه طيبه ترضيني لان الماوس بالحاله سامته وحده مني بـ150 ريال ، بس قلت اشوف اذا احد يبي الجهاز كامل مع كل توابعه ويسومه سومه طيبه ترضيني وترضي ضميره بعته الجهاز بملحقاته كامله الله يرزق الجميع تحياتي اختكم ام لجووووووووووووووووووووون |
رد: لاب توب اسوس مستعمل استعمال نظيف للبيع للجادين فقط
اهلين اختي ام لجين
نفتح المزاد ونقول 1200 ريال والله يجيب الخير |
رد: لاب توب اسوس مستعمل استعمال نظيف للبيع للجادين فقط
نبي صور بعد آذنك ~
|
رد: لاب توب اسوس مستعمل استعمال نظيف للبيع للجادين فقط
[align=center]
اهلين اختي ام لجين ونقول 1300 ريال] والله يجيب الخير [/align] |
رد: لاب توب اسوس مستعمل استعمال نظيف للبيع للجادين فقط
اخواني اول شي الله يجزاكم خير
سامه مني راعي محل كمبيوترات في السوق بالف وسبع بس الجهاز يسوى اكثر وانتم تعرفون محلات الكمبيوتر يخسفون السعر عشان هم بيبيعونه بفايده ولولا ان الجهاز يسوى ماكان عطاني السعر ذا من ناحية الصور اللي يبيها باحاول احطها اليوم او بكره في الموضوع وسلامتكم |
رد: لاب توب اسوس مستعمل استعمال نظيف للبيع للجادين فقط
الله يرزقك ..
شاريته بكم اختي أم لجين حتى لانبخس السعر ,, وكم الحد ؟ |
رد: لاب توب اسوس مستعمل استعمال نظيف للبيع للجادين فقط
هلا اخوي
انا ابي فيه 1800 بدون ماوس وشنطة لان الماوس سامته وحدة ب150 ريال بالحاله والا الجهاز يسوى اكثر بس انا ابي حق الجهاز الصغير اللي ابي اشتريه مو طامعه في اكثر من كذا والبيعه للي يزود اما اذا احد يبيه كامل راح يكون بزيادة على حدي اللي حاطته اليوم باذن الله اضع صوره |
رد: لاب توب اسوس مستعمل استعمال نظيف للبيع للجادين فقط
الجهاز شريته قبل فترة بـ2999 يعني بـ3000 ريال
يعني باخسر فيه اكثر من الف وميتين ريال مع انه نظيف وجديد يعتبر حتى بطاريته ماشغلتها ابد ابد الله يرزقني ويرزق الجميع |
رد: لاب توب اسوس مستعمل استعمال نظيف للبيع للجادين فقط
لا اله الا الله
اخواني حبيت ابلغكم انو الجهاز اللي يبي يشتريه ممكن يشوفه ماعنده مشكله |
رد: لاب توب اسوس مستعمل استعمال نظيف للبيع للجادين فقط
عجزت انزل الصور ماعرفت كيف الطريقة اليوم باتعلم الطريقة تنزيل الصور وانزلها لكم
|
رد: لاب توب اسوس مستعمل استعمال نظيف للبيع للجادين فقط
مشكووره خيتو لكن هو مستعمل يعني فرق انك شاريتيه جديد ب3000
والا؟؟عالعموم موووفقه بس بسألك حلو استخدامه وش سبب بيعك له ؟؟ |
رد: لاب توب اسوس مستعمل استعمال نظيف للبيع للجادين فقط
ايه ياقلبي شريته ب3000 وباخسر فيه 1200 ريال مع انه استخدام شخصي ونظيف وحتى بطاريته مافكيتها ابد يعني استخدامي كهرب
استخدامه حلو ومافي اي عيوب حتى انا من النوعيه اللي اغير الاب توب بين كل فترة وفتره والاسوس من افضل الانواع اللي جربتها لاني والله جربت الايسر وعيوبه حدث ولاحرج وجربت الديل كان يعلق كثير وعل قلبي واعطيته اختي وشريت الاسوس ذا بصراحة انه استخدامه مميز وهي الشركة الوحيده اللي فيها ضمان عالشاحن والبطارية لعامين وكذلك الاسوس هم اللي اخترعوا المذر بورد لذلك الجهاز قوي ماشاء الله بس انا ودي بجهاز صغير الحجم يعني حق 10 بوصه ابي اخذه معي بكل مكان واحطه باي شنطة وخصوصا حنا بوقت اجازة واستراحات وطلعات وروحات وجيات يعني ابي شي خفيف انقله كيف مابغيت وناوية اشتريه اسوس باذن الله بس صغير واسالوا عن الاسوس بتعرفون هو الافضل دائما |
رد: لاب توب اسوس مستعمل استعمال نظيف للبيع للجادين فقط
ماشاء الله
الله يوفقكـّ و يرزقكـ | ~ |
رد: لاب توب اسوس مستعمل استعمال نظيف للبيع للجادين فقط
ويوفقك اخوي
|
رد: لاب توب اسوس مستعمل استعمال نظيف للبيع للجادين فقط
السلام عليكم
هل الجهاو لازال موجود أو بيع؟؟؟ وكم اخر سومه وشكرا |
الساعة الآن 02:46 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه