قصيدة بمناسبة فوز ((العم محمد العبيد))
 

السلام عليكم ورحمة الله وبركاته ومساء الخيرات والمسرات على اعضاء هذا الصرح الشامخ وزواره الكرام وحياكم الله جميعاً

عبر اثير هذا المنتدى الغالي اتقدم بأسمى ايات التبريكات والتهاني الصادقه للأستاذ /محمد عبد المحسن العبيد عضو المجلس البلدي بروضة سدير على فوزه بالانتخابات البلديه ونتمنى له وجميع الاعضاء بالتوفيق والسداد

وقصيده بهذه المناسبه

[poem=font="Tahoma,5,black,bold,normal" bkcolor="transparent" bkimage="backgrounds/4.gif" border="double,4,burlywood" type=1 line=0 align=center use=ex num="0,black""]
بسم الكريم اللي يسوق المقادير=الواحد المعبود جلا جلآله
نثني عليه إن قدر الشر والخير=ونذل له من هيبته وإنتقامه
الشعر عندي هيبته هدرة بعير=وأنا نصيبي منه ذروة سنامه
وبسم العبيد كبارهم والمصاغير=أهل التويم أهل الشرف والشهامه
ومن دون قاصر بالرجال المناعير=كلٍ بعلم الطيب وُشح وسامه
مبروك ياعمي زبون المخاسير=فوزك على روس النشاما عمامه
منزالك القمه على طويق والنير=مثل الحرار اللي تنوش الغمامه
الله يسدد خطوتك واصل السير=وترسم على شفاه الرجال إبتسامه
عضوية المجلس حضاره وتطوير=أصعد بها قامه وقامه وقامه
خل البلد تزهى سواة النواوير=واللي هقابك ماتنوشه ندامه
اقبل بيوت مسخر الشعر تسخير=لك منه تقديره وجل احترامه
وختمة بيوت الشعر وعضٍ وتذكير=صلو على المختار قرم الزعامة
[/poem]

رد: قصيدة بمناسبة فوز ((العم محمد العبيد))
 

يستا هل ابو عبد المحسن كل خير

رد: قصيدة بمناسبة فوز ((العم محمد العبيد))
 

الاخ التويم الاصل تستاهل الطيب

::
 

رد: قصيدة بمناسبة فوز ((العم محمد العبيد))
 

وعليكم السلام ورحمة الله وبركاته ،، ومساك الله بالخير ،،
 

اللهم صلي وسلم على نبينا محمد وعلى آله وصحبه اجمعين ،،

وبارك الله فيك أبو إبراهيم .. عز الله ابدعت في هذه القصيدة الرائعة ،، و أبو عبدالمحسن يستاهل المدح عسا الله يوفقه في خدمة وطنه واخوانه الزملاء ،،

وصح الله لسانك ،، ولاهنت يالقرم ،،


تحيتي لك ،،

رد: قصيدة بمناسبة فوز ((العم محمد العبيد))
 

اشكر ابن الاخ العزيز ناصر على هذه القصيدة الشامخة كشموخه والشكر موصول لكل من أشاد بي واتمنى ان اكون عند حسن ظن الجميع والله ولي التوفيق