قصة العمده مع سياراته الثلاث
السلام عليكم ورحمة الله وبركاته
اليكم قصة العمده مع سياراته الثلاث .. (وهذه القصة لها خمس سنوات) .. فقد تعطلت جميعها ، وامضى اسبوع كامل بدون سياره ، فقال هذه القصيدة التي لا تخلو من الفكاهة والموعظة .. يقول: [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] قال الذي سيارته مصدومه=ذي قصتي مع صنعة الخـ ــرداعه. شكواي لله واقبل المقسومه=رب كريم يرحم الملتاعه. الاوله صارت حديد كومه=والثانيه طبت وطاح اذراعه. والثالثه قبل ارمضان وصومه=بالنصف من شعبان الى ها الساعه في ورشة رفارفه مرجومه=والسمكري كثيرةٍ اطماعه. ما طاع يبدى السمكره في يومه=الهاه عنها راعي القرشاعه. اول نهاره والظهر في نومه=ساعة يقوم وفرشته باصباعه. قعدت اهوجس وش بلا هالبومه= ما سمكر الموتر عساه أبقاعه. قاعة جليب فتحته مختومه =وعقارب في قاعته لساعه. قعدت اهوبي واشتمه ولومه=والحوش دونه تلعة ورداعه. واسياقة السيكل تبي تعلومه=راح الشباب وصعبة مرجاعه حل المشيب وصعبةٍ القومه=كل المفاصل تتعبه باوجاعه. حتى المناظر بالمخابي كومه=واذنيه خطرن تطلب السماعه. عود ولا يقدر يشيل اهدومه=ولاعاد يومي في الهوى مقلاعه. وجهه تعرفط كنه البرشومه=بانت تجاعيده ومال اذراعه. ما يفرق الحميض بالتنومه= ولا ميز الخرمان بالنعناعه. هذاك ماله عن عصاه اوشومه=وإذا اذن المذن عليه الطاعه. صلوا على اللي امته مرحومه=شفيعنا ابيوم تطق الساعه. اعداد خلقه بالسما وانجومه=وإعداد حب جمعه زراعه. [/poem] (مع تحيات ابوسلطان) |
رد: قصة العمده مع سياراته الثلاث
الله يعينك أخوي أبوسلطان على ها السيارة وأن صبرت عليها ترى بتغثّك أكثر بس حلاوتها ها الأبيات الجميلة تسلم أخوي وبارك الله فيك |
رد: قصة العمده مع سياراته الثلاث
صح لسانك يبوسلطان ..
والله يكفينا وياك العنا وكب النيسان .. تحياتي |
رد: قصة العمده مع سياراته الثلاث
ما تنلام يا راعي الخطامه فحب الوطن من الا يمان ويستحسن ان يكون. الها جوس يبي منك/. تنتين. بدل منك اثنين مع تحيات. العمده ابو سلطان
|
رد: قصة العمده مع سياراته الثلاث
لغز المنتدى:-انشدك عن رجال في حجم فنجال @@ حي ولإينفس وهوفيه مصلو ح. - حي يجيه اعيال في شبه الاميال @@ اوحيت ذكره عندموسى ولانوح. - فيه الذنب والراس واثويب قرطاس@@ ولاله اطراف سواهن ولار و ح. مع تحيات / العمده ابوسلطان
|
الساعة الآن 10:25 AM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه