|
افتح شبابيك الهوى جيتك اليوم
افتح شبابيك الهوى جيتك اليوم بحساس من زود الوله عده ايطير جيتك مثل طفلن له ايام محروم عن حضن امه بعدته المقادير وجيتك مثل عودن له ايام مهموم وده يلاقي باخر الوقت تقدير وجيتك حضن عاشق وهايم ومغروم وده يضمك لين تصبح على خير متى تحس ان الهوى شي مقسوم من قسمة الخالق على خلقه يصير ومتى تحس اني لك اطيح واقوم واتعب على شانك واقدرك وآغير لي في هواك احلام وامال وعلوم واحزاب واصحاب وقصيد وجماهير وهموم وافكار وهواجيس وحلوم وادروب واخطار وعذاب ومشاوير وحب وغلا واخلاص ومعاند ولوم واحساس والهام وشعور وتفاكير وصحبة سهر ومقاطعة لذة النوم واشواق جياشه وعشق وتعابير في ذمتك مابان لك شي مكتوم من بعد ماصورت الاوضاع تصوير لاتحسب انك شي عابر ومعدوم وتاريخ حبك فاق كل الاساطير في كل شي اتخيلك واسمعك دوم واتأملك في الوقت الأول ولآخير من ماضي الأيام ليومك اليوم وغلاك عندي ماحصل فيه تغيير وانا لك الله مأقبل البيع والسوم ولا ارضى علي ولاعليك المخاسير لاْني الوحيد اللي على بحرك يعوم واللي عرف مرساه في رحلة السير لحظه حبيبي قبل يسبقني النوم بضم صدرك لين تصبح على خير |
رد: افتح شبابيك الهوى جيتك اليوم
فقيده
دائما انتقائك رائع مثلك يالغلا لا عدمناكي |
رد: افتح شبابيك الهوى جيتك اليوم
هلا وغلا بالغاليه بقايا الذكريات
اكتمل الجمال بحضورك العطر والابداع أساسه مرورك الراقي شكراً لكِ من القلب على هالطله |
رد: افتح شبابيك الهوى جيتك اليوم
قصيده روووعه
راقت لي يامشرفتنا فقيدة امها يسلمووو.. ولك تحياتي وفالك طيييييب |
رد: افتح شبابيك الهوى جيتك اليوم
الرائع هو ان أجد شروق حضورك الراقي في متصفحي المتواضع
سلم لنا مرورك العطر وبارك ربي فيك وفالك أطيب أيها الطيب أخي مذهل |
| الساعة الآن 01:46 PM. |
Powered by vBulletin® Copyright ©2000 - 2024, Jelsoft Enterprises Ltd. موقع و منتديات سدير 1432 هـ - 1435 هـ
جميع ما ينشر في المنتدى لا يعبر بالضرورة عن رأي القائمين عليه وإنما يعبر عن وجهة نظر كاتبه