منتديات سدير - (( آلا يآ نسآيم هبآيب نجد مرنه ))

منتديات سدير (http://www.sudeer.com/vb/index.php)

- ¨° بيت الشوارد °¨ (http://www.sudeer.com/vb/forumdisplay.php?f=109)

- - (( آلا يآ نسآيم هبآيب نجد مرنه )) (http://www.sudeer.com/vb/showthread.php?t=158200)

(( آلا يآ نسآيم هبآيب نجد مرنه ))

يآعازف العود جرحي باللحن غنّــه
مـــن خافـقٍ بالقوافي يكتب هـمومه

القــلـب هايم وهاجوس المسا دنّـه
على وليفٍ يزين الشعر بقدومــــــه

بــيــن التمني وبين الوجد والونّــه
ليـلٍ سرابي وليـلٍ طابت حلومـــــه

جـاريت جـرح الغـرام اللي ضحك سنّه
وعيني تخــايـــل لبرقٍ لاح بغيومـه

لـي غاليٍ مـتفـقٍ ظـني عـلى ظـنّه
اللـه يجيره صدوف الوقت وسهومـــه

احـلامنا عـالي المرقاب يـرقــــنّه
وتبقى طوال الدهر ما هي بمهدومــــه

عذب الوصايـف سـواليفـه لهـن رنّه
مثل الجواهر وعـقد الماس منظومـــه

وبنت العــز ســـــيد الغيد يزهنّه
بــالزين حطّم جمال الكون ورقومــه

اللي عطاه الولي مــال الملا مـــنّه
دايــم عـلـى خاطـري ذكراه مختومه

يـغــيـب عـنـي لطيف الروح لـكنّه
له صورةٍ في خيالي دوم مرســومــه

انـا حـبـيـبي على الدستور والسنّـه
فـياض قـلبي عـلى طرياه مــاسومه

آلا يــا نــســايم هـبايب نجد مرنّه
ردن عـليه السلام وهـاتن علومـــه

يــا روض وســـمٍ غداله بالنفل خنّه

كــن ( صيته ) فـوق العشب معزومـه

ويـا شـبه صـفرٍ بـيوم السبق معتنـه
ويــاعـيـن حـرٍ تعلى وادرج الحومه

سـال الـشفق في شفاه وقلت من كنـّه
حمرة شفق شعشعت بغيوم ملمومـــه

بـيوت شعـري على الصفحه يطيعـنـّه
واسرارنا عـــن جميع الناس مكتومـه

رآآآآآقت لي

اطيب تحيآآآتي

http://www.afif.ws/sahat/images/smil...3ad5e11aac.gif http://www.afif.ws/sahat/images/smil...icons/rose.gif