منتديات سدير - ياحبيبي ترى القلب بعدك سرح

من القصائد المغناة قديما للشاعرخلف بن هذال ,

تمتاز بصعوبة حفظها , لتكرار الكلمات المتشابهه والتراكيب اللفظية , والسجع المترادف

اعجبتني حيل وحبيت انقلها لكم ..

ياحبيبي ترى القلب بعدك سرح , وانجرح جرح ماشفت مثلُه جريح

المحبة تجر المواليف جر الشجر .. وأنت الأرواح جريتها

أنت سبة جروج لجت وأرهجت , رجت العمر وإن جيت أباقوم أطيح

ساقني سم من طعم سم سمن سم , وإنقسم نصف قلبي وناديتها

قلت ياناعس الطرف وش ذا الجفا , ماصفى الجو حتى معك نستريح

قال من جرّب الحب يلقى الشقا , مابقى غير رجلك وعنيتها

قلت من شافكم ياسمي البحر , إنتحر وأرخص الروح علم ٍ صريح

صابرن مثل صبر الجمل للحمل , ليت الأقـدام سارت وسريتها

قال ماكل من شافنا حافنا , كافني الشر لأفضحك وأطلع وأصيح

قلت من صاح مجنون تكفون تـــدرون مـــا كل خطـوة تعديتها

قال يامرحبا دق راس الجرس , والحرس لاتسولف بعلمٍ فضيح

أحفظ الراس بلباس والناس ~ لاتطـّلع..رحمةٍ فيك سويتها

قلت ياسيد البيض ياأبيض غضيض , الحضيض الذي عاشرك يامليح

عشرتك تنشري بالذهب ياذهب , ذا وذا ذابت الكبد وأوذيتها

كيف توذي محب بحبك بكى , وأشتكى تحسبك صرت كاسب مديح

مادريت إن هذا البلا ياحــلا , حـل حـالٍ بحيلك تبليتها