قصيدتان متبادلتان بين صالح التمامي وعزيز
 

[align=center] يسرني أن أقدم لكم هاتين القصيدتين المتبادلتين بين الشاعر صالح بن حسين التمامي ( أبو حسين ) وبيني ، أرجو أن تنال رضاكم .
أخوكم : عزيز[/align]


[poem=font="Simplified Arabic,4,black,bold,normal" bkcolor="transparent" bkimage="backgrounds/15.gif" border="double,4,black" type=0 line=0 align=center use=ex num="0,black"]
خصله

سلام الله على منهو بخص صاحبه واسلوبــه=عليه أشكي من اللي يرتجي وصلي وابي وصله
ونــارٍ تشـتعل تطفـــي ونــار الشـــوق مشبوبـــــه=نهــــــار ولـــــيـــل تتـــوقد مع الأشــــواق متصــــله
وإلى من قـلت يا نار الغلا وش جاك هالنوبه=أشوفك صاملــة ماانتي عن الأثنــين منفصــلـــه
تقول أنتــم سبب شبــي وشــبي ياهــو عقوبه=ألا وش لــون يرخـص لك وألا وش لــون ترخص له
وقـلت أرخصت له مجبر علينــا أسبــاب مكتــوبه=وهــو لي مرخـص قصــده يشعـلل بالهـــوى خصــله
وقضينا ما ابتدينــا به حكــاية كلـــها عذوبــه=وفصــــلي غـــايـــمٍ ممطــــر وبــــارق راعــدٍ فصله
ومعه لاشي أيضا فـــاز سرى بقلوب منهوبه=ويــــوم أفكـــر وإلا غـيري وعلى الجـــوال متصـــله
وجـــــاني بـــاكيٍ نــــــادم حبيبي معـــلن التــوبـه=يقـــول أخـــطيت واسمح لي عرفت الحب وش أصله
وطبعــه للعـــذر يسبق وطبعـــه أكبر عيـوبه=ولـكــن ماغــلى عن غير نــــور العــين يرخـــص له
والا يــابــو يزيـــد إفــزع لقلبٍ العنــا صوبه=إذا مــاعــــاد لــه قـــدرة يــواصل أعــلنـــوا فصـــلـه

كلمات : صالح بن حسين التمامي
**********

نصله

هلا باللي طلب فزعة هلا به هو ومكتوبـــــه=رفيــقٍ مخــلصٍ وافــي عــزيزٍ أصلــه وفصلــه
كريــمٍ كـل من ينصـاه يعــوّد مـعـه مـطـلـوبـــــــه=يآثــر به عــلى نفــسه ولـو هــو شن مــخـصص لـــه
جزل لامن عطى يعطي بنفسٍ غير مغصوبه=رفــيقــه لا طلب فزعة يقول أبشـر ويقحص لـه
ويابن عمي ترى الدنيا مثل ما قـيل مرغوبـه=إلــى مـن صــار عــنــدك خــير كلٍ صار يبــلص لـه
ولا يـدرى وش الخيرة تجي الرغبـات مقـلوبـــــه=ولـــعــل أمـــرٍ جلب حزنك يجــي في يوم ترقـص له
وراعي الحب من طبعه يحب يشوق محبوبه=يـحــــب يحـــرك أشجـــانه ولو هو كان مخلــص لـه
ونفس محبك أعذرها على ما صار مغـلوبــه=يــبــي وصــلك ولكــن جـــاء بطــريقه من تربص له
ولا يـدرى وش الخـافـي وكـلٍ يسـتره ثـوبـــــــــه=وســــهــم الحـب مـا يذبـح سـوى من يضـربـه نصلـه
عقول أهل الهوى يـاما ويـاما تصير مسلوبـه=ومن هــو صار في ها لحال شرع الحـب رخّــص له
وفصلك مستحيل يــتم وأنت من تنــادوا بــــه=تخـــليــنـي بـلا رفــقـــة وأقــعــد في الهـــــوى نصله

كلمات : عزيز [/poem]

[align=center]روعه كروعة الشاعراً ببالتوفيق اخوي عزيز ونتطلع للمزيد من تلك القصائد فلا تبخلو علينا
لكم خالص تحيات
اخوكم مسافر عودة سدير[/align]

أخي الحبيب / عزيز


لله درك ودر المبدع أبوحسين

قصيدتين فيهن من الجزاله الشيء الكثير.

أبداع.

روعة.

سلاسة.

وليس غريبٍ ذلك على مثلكم فمنكم نتعلم وبكم نفخر.

آمل مداومة التواصل بكل مالديك من شعرك وشعر الرائع أبوحسين.

فالكل متعطش لكل ماتكتبون.

وتقبل تحايا أخيك الصغير / راعــي الــروضـــة،،،

روعه كروعة الشاعراً ببالتوفيق لك خالص تحيات

روعة...

صح لسانكم يا هل العوده...

تستاهلون يالاجواد كل علم غانم...


تقبل يالحبيب عاطر التحية ...فمان الله...



.

[align=right][size=5]


(( ابو زيد

صح بدنك يالغالي وأشكر لك مرورك الكريم ،

وأود الإفادة أنني لست من أهل العودة وإن كان يشرفني ذلك ،

وإنما أنا من أهل (الرويضة) وهي قرية صغيرة وادعة تقع

في الغرب من مدينة المجمعة بمسافة عشرين كيلو متر ،

دمت سالماً لأخيك))




حياك الله يا عزيز...

عندي خبر ...بس ما كل ما يعرف يقال...


نتشرف بمعرفة الرجال مثلك وشرواك..

يابو محيسن جعلك عمرك طويل وحلالك نامي..



تقبل كل تحية وتقدير...




أخيّك الصغير ...ابو زيد...فمان الله,,,
[/size][/align]





.

روعه من جد
تسلم اخي عزيز

تحيه طيبه


اخجل من الكتابه في مواضيعك اخي عزيز !!!!!! .

فاعجابي بما تكتب يشتت فكري ويعقد الساني ويضيع حروفي .
واخشى ان لا اوفيك حقك وحق من تنقل عنه
فانتم من نتشرف بمدحهم وثنائهم وليس العكس .





لا استطيع ان اقول الا لا تحرمنا من قصائدكم المتبادله فلها متعه منقطعة النظير .


لك تحياتي وتقدير