هنا ريح راسك وانعش احساسك
 

هدية للجميع وعطوني رايكم الله لايهينكم

ياعجبي من حال الناس
ذا مبسوط وذا محتاس
والثالث موجوع الراس
غيره ماعنده احساس


عجيبه فعلا دنينا
تتقلب تلعب ويانا
احيانا تصبح معانا
واحيان تمر وتنسانا



يوم يمر تشيل الهم
واحيانا منها تسلم
واحيان تقول لك انطم
واحيان تقول لك ياعم



هذي الدنيا لا ماتكمل
والشاطر من هو يتحمل
يعمل في دنيانا يعمل
حتى ياخذ دور الاجمل



ذا تاجر وذا فقير
ذا سليم وذا كسير
ذا صاحي يتعب كثير
غيره نايم بالسرير




وسع صدرك في دنياك
في بيتك مع اخوياك
خل البسمه تملا فاك
تهوي الدنيا وهي تهواك





لاتنسى تكرم جيرانك
اكرمهم ابرز حنانك
احذر لاتكشر باسنانك
سمعهم صوتك والحانك





خلك ياصاحب متغاضي
عن جملة اخطاء الماضي
تلقا نفسك جدا حاضي
بالرضا الكامل متقاضي





ثم عليك بطاعة الله
والسنه من رسول الله
لاتتركها ياعبدالله
والنتائج حلوه والله


ابوعبدالمحسن
;) ;) ;) ;)

يا النسيب مالك مثيل
 

حلوووووووووة بالمرة والله حلوة يابو نسب بس وين الي بيطبق او يتعض (:confused: :mad: :o :p

الأخ الكريم : عبدالله المهيدب

هل أنت صاحب الأناشيد ؟

و شـــــكــــــــراً

الله يعطيك العافيه..........:) :)

شكرا للاخوان الغالين على شعوركم

الاخ الجريوي جواب سوالك ( نعم )

ابوعبدالمحسن;)

كان عندي إحساس قوي أنك أنت هو


وطالما أنك أنت هو فإني أدعوك لمواصلة مشوارك الناجح


ولي عندك رجاء بأن تتحفنا في إنزال شريط أناشيد للبراعم يعرفهم على مناطق بلادهم الغالية وبالطبع لن تنسى سدير


أخيراً ... الله يعطيك العافية .

الاخ الجريوي
ياليتك تقوم بكتابة الافكار ونبذه عن كل بلد يمكن الحديث عنه وازهل الباقي لا وينزل اسمك بالشريط

اخوك ابوعبدالمحسن ;)

الغالي أبو عبدالمحسن

والله مشروعك قوي ـ وانت قول وفعل ـ وبصراحة الفكرة خشت برآسي وسأبدأ فيها إن شاء الله قريباً قريباً

يالله يابو ..... شد حيلك والله يوفق
والكلام للجميع
اللي عنده فكرة مفيده
******يبرز لنا روعة جديدة
انتظرها من بريده
****** مرسله وحنا نفيده


ابوعبدالمحسن;)

الاخ ابو عبدالمحسن
السلام عليكم ورحمة الله وبركاته

نسأل الله ان يتقبل منا ومنكم صالح العمل

الله يعطيك العافيه ونريد المزيد من الابداع



العطار/// المهيزع

المهيزع
اسم جذاب ومملوح **** وين ماتجي وين ماتروح


ابوعبدالمحسن

يعطيك العافيه اخوي ..

حلوه مره... بدون مجامله

شكرا جزيلا ياسلطان

مشاعر برزت من سلطان
***** جلبت لي سعدا وأمان

ابوعبدالمحسن;)