رحلة الـ 5000 كيلو
 

السلام عليكم

اسعد الله اوقاتكم مشاهدين هذا الموضوع بكل خير

في البداية وش هالبرد عندكم في سدير :(

الحمد لله على سلامتنا بعد رحلة دامت حوالي اسبوع ومشي حوالي 5000 كيلو :)

الرحلة تخص شمال المملكة العربية السعودية << بالله

ثاني العيد صباحا الساعه 7 انطلقنا من ديار العز سدير :)

ونمر ديره يقال لها طابه وحولها فوهه بركانية قديمة

http://aabbzz.jeeran.com/k1.jpg

قبل مانوصل حائل مرينا كم ديرة حولها

ومن اهمها النعي بشد العين حيث ابز معالمه وجود قبر عنتر بن شداد الله يذكره بالخير :lipssealed:

ونروح لشعيبنا المفضل مشار :))

الله يحلل جو سدير هالايام :( برد عظيم حيث اني ماخليت خلق مالبسته فروه وكوت وبجايم الدنيا :(

ويوم اصبحنا ننطلق متوجهين لتبوك

وفي الطريق شاهدنا هالاجرام

http://aabbzz.jeeran.com/k2.jpg

محمل ابو الموتر غضا :(

مرينا تبوك وهالديار اللي حولها

اعتذر عن انقطاع الصور لان هالمناطق مافيها شي وانحن نبي شمال زيادة :))

ونمرح عند ديرة صغيرة نسيت اسمها :(

ونصبح ونكمل مسيرتنا المبجلة :)

ونوصل بالسلامة الى حقل

حقل تقع على خليج العقبة يعني هي ارفع شي في الخليج حيث يوجد فيها منفذ للاردن

صورة من جبل لمدينة حقل

http://aabbzz.jeeran.com/k3.jpg

المهم نوقف ونضبط هاك القبابيط :)

http://aabbzz.jeeran.com/k4.jpg

رحنا نتمشى العصر

ومار نمر سفينة قد غرقت قبل سنوات عدة :)

http://aabbzz.jeeran.com/k5.jpg

اعتذر عن عدم وضوحها ماوصلنا لها الا متاخرين شوي

ويوم جاء الليل نشوف انوار الاردن ومصر وفلسطين للاسف ديرة اسرائيلية :(

المهم ذاك اليوم كان هواء قوي ونطق رواقنا واشوى كنه ذراء شوي

ونصبح وننطلق ونمر جبال اللوز

وكانت رفيعة جدا

ونلقى جليد فيها مع اننا وصناها متاخرين تقريبا 11 الظهر

http://aabbzz.jeeran.com/k6.jpg

ونمشي ونلقى مصري قحطاني :) فاتح بقالته والرجال عز يقهوينا بس عيينا لان النهار لازم نمشي عشان نشوف الطريق والمناطق الحلوة

ونمر كم ديرة على البحر ونتمشى فيهن

ونلقى عين تنبع موية

http://aabbzz.jeeran.com/k8.jpg

http://aabbzz.jeeran.com/k9.jpg

ومستغلينها يعبون خزان :)

المهم نروح لم ديرة يقال لها مقنا

وفيه جبل معروف يسمونه طيب اسم يتميز بالضيق والجبال المرتفعه وفيه عيون تنبع

ذكرني بجبل لجب في جيزان شي عجيب سبحان الله

http://aabbzz.jeeran.com/k10.jpg


حجم السيارة عند الجبل

http://aabbzz.jeeran.com/k11.jpg

واحد من العيال يغسل بموية العين

http://aabbzz.jeeran.com/k12.jpg

الجبل تمشي تقريبا كيلو بعدين يجي حصا توقف عنده السيارات

طبعا حرس الحدود مشددين هناك مره لانهم يقولون يجي معه مهربين

المهم يوم وقفن الشيارات قالوا ربعنا بنمشي على رجلينا ونسال ولا طولة تقريبا 4 كيلو :(

ومار نمشي في البطحاء والله ياحولت عيوني من المشي

ساعه رايحين وساعه راجعين

وكنك يابو زيد ماغزيت اول 500 نفس اخر شي :(

ونروح نعين من الله خير ونمرح

ونصبح وننطلق للحنان

وشو الحنان !!

هذا رمل اذا حفرت بيدينك يطلع صوت :)

ومار نوصل وقعدنا نحفر كننا بزران :)

وخذ يا اصوات

http://aabbzz.jeeran.com/k13.jpg

المهم فيه طعس كبير

قال واحد من الربع خل نرقاه :(

قلت اسمحوا لي معي الكاميرا وفية هواء اخاف تخرب << مقصر اصلا منيب فاضي ارقى :68:

المهم يوم رقوا شوي ومار يقصرون وكمل واحد منهم اللي مصملنا ماشاء الله عليه

http://aabbzz.jeeran.com/k14.jpg

العجيب في الامر

خوينا يوم وصل للقمة قعد وقام يتزحلق الجدير بالذكر يوم وصل نصف الطعس طلع صوت قوي مره كنه دباب :)

واخيرا نوصل للي نصف الرحلة عشانها قرية الديسة

ماهي الديسة ياترى << مسوي بيشوقكم :)

الديسة شعيب بين جبال وفيه عين تنبع قوية طول العام وكنها سيل يمشي

http://aabbzz.jeeran.com/k15.jpg

وهذي صورة للشعيب من زاوية اخرى

http://aabbzz.jeeran.com/k16.jpg

وجيناك بعدها نازين جنوبا

ونمر ضباء والوجة واملج

ونقف في ينبع

ونتمشى على الشاطئ ونقلى هاللي مسوي دعاية لعكازة :)

http://aabbzz.jeeran.com/k18.jpg

وتعشينا ونزلنا جنوبا الى تعدينا المدينة المنورة بـ 100 كيلو ونوقف وننام

ونصبح ونحرك الى ديرتنا

وهكذا انتهت رحلة الـ 5000 كيلو :)

اتمنى ان ينال الموضوع اعجابكم

واعتذر عن القصور

رد: 5000 كم
 

رد: 5000 كم
 

ماشاء الله رحلة جدا جميلة حسيت أني رايح معكم

وهالأماكن مغيبة عن الناس إعلاميا ولا نعرف عنها شئ أبدا

وشوقتنا ياشيخنا لهالأماكن

http://aabbzz.jeeran.com/k10.jpg

روووعة هالصورة ماشاء الله

تقبل تحياتي ومروري يالغالي

رد: 5000 كم
 

الحمد لله على السلامة
وتسلم على الصور الاكثر من رائعة
وارجو ان تتقبل مروري

أخوك :: أمير شقراء

رد: 5000 كم
 

ماشاء الله عليكم يا شيخو ....

عز الله انها رحلة موفقة ...بصراحه اول مره نشوف هالمناظر وهالمناطق ..

بيض الله وجهك ..

والحمد لله على السلامه ...

رد: 5000 كم
 

[align=center].. هلا وغلا والحمد لله على السلامه ومشكور على الموضوع والتغطيه يالغالي ..[/align]

رد: 5000 كم
 

عاشق ديرتي

:)

حياك الله يابعدي

فعلا الرمل اللي يطلع صوت كنا حريصين جدا لروحة له

شاكر لك يابعدي

رد: 5000 كم
 

رد: 5000 كم
 

نصراوي سديراوي

ياهلا ويامرحبتين

الله يسلمك يابعدي

وشاكر لك تواجدك

رد: 5000 كم
 

ماشاء الله عليكم

فيكم صبر وجلد .. تذكرني بايام شبابي :)


صراحه رحله مكوكيه ومناطق جميله ..


حلو الواحد يسافر ويكتشف اماكن جديده وناس جدد


مشكور شيخو ..

رد: 5000 كم
 

ماشاء الله

والله ياضربتم مشاوير ميب سهلة ..

تقرير جميل استمتعت بمطالعت..

يعطيك العافية شيخنا

رد: 5000 كم
 

السلام عليكم ورحمة الله وبركاته

ماشاء الله تبارك الله

اولاُ الحمد لله على السلامة >> كنك ماتصلت علي من حقل يوم توصيني على ذيك الشغله >> بتوجعهم بطونهم ادري

==

رحلة موفقة ومميزة وبصراحة انا اول مرة ادري ان عندنا هالحركات الحلوة

وبالتأكيد المملكة العربية السعودية فيها العديد من المناطق الرائعة ولكننا للأسف نفتقد السياحة ومقوماتها ..

رد: رحلة الـ 5000 كيلو
 

رحله حلوه ماشاء الله

موفقين

رد: رحلة الـ 5000 كيلو
 

[align=center]وعليكم السلام والرحمة

رحلة شكلها رائعة وتقريرها حلو وجميل ، بس الله يحفظ الجميع .

رحمت أهاليكم صراحة :( أحس قلوبهم كانت مقبوضة أثناء تلك المغامرة حتى وصلتوا لهم .[/align]

رد: رحلة الـ 5000 كيلو
 

رحلة موفقه وعوداً حميد وعساكم ما صخنتم عقب هالرحلة اخوي شيخ شمر
..
سلامي لطاقم الرحلة وبالتوفيق