من يبيجاوبني على كل ماصار
 

بسم الله الرحمن الرحيم



السلام عليكم ورحمة الله وبركاته

أخواني .. هذه القصيدة شاركت فيها بمناسبة احتفال أهالي التويم لعيد الفطر المبارك لعام 1428هـ ..



من يبيجاوبني على كل ما صار ..


[frame="13 98"]
[poem=font=",6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]


بسم الله اللي يعلم السر وجهار=اللي لبيته كل عامٍ يحجون
ابدا قصيدي ياهل العرف والكار=مثايلِ تفهم به القاف موزون
يا مرحبا واهلين وانتم هل الدار=وحنا ضيوفٍ وأنتم اللي تعزمون
اقراب واحباب ومجموعة أخيار=ما فيهم القاصر حشى لو تعدون
نفرح بجيتكم كبيرين وصغار=منزالكم في العين وأنتم تعرفون
في ملتقانا دايمِ نلفت أنظار=بشهادة الجيران والعلم مضمون
قلته وانا في خاطري صالي النار=اسهر وخلق الله بليله ينامون
المجد الاول صار يا ناس تذكار=مسلسلاتٍ تنعرض في التلفزون
مدري ولكن كيف يا ناس محتار=قامت تحاصرنا سياسات صهيون
حطو مشاكل وافسدوا كل الاقطار=واصبح جميع الناس حاقد ومشحون
وانا بعيد الفطر بحــّرك النار=وأطرح سؤال وأكثر الناس يدرون
وش يقصدون بذبحته وقت الاسحار=في العيد والحجاج بمكه يطوفون
من يبيجاوبني على كل ما صار=ويقول لي كيف الخطا صار وشلون
أنا أشهد انه عار ثم عار ثم عار= على الذي فيهم ضمير ويحسون
مهما يكن مخطي و خاين وغدار=بموتة طلع شيٍ مخبا ومدفون
ناظر وش اللي صايرٍ وسط الأنبار=موت ودمارٍ والعذارى يصيحون
وحنا مغير نبرر الحرب باعذار=نقول يستاهل خبيث وملعون
أحوالنا تعرض عبر كل الأقمار=في كل دوله صار الاسلام مطعون
يا طيبنا في كثرة الهرج شطار =ما كن منا وبيننا شخص مغبون
أن التفت يمين ولديت ليسار=شفت القهر والذل والضعف والهون
القدس تصرخ من سنين ٍ للأحرار=وين العروبه وين الاسلام تكفون
مابه تكافئ بين صاروخ وأحجار=أراملٍ وأطفال بغزه يموتون
يارب عونك وأنت علام الأسرار=سلط على الكفار واللي يحقدون
وختامها صلوا عدد وبل الأمطار=على محمد صفوة الخلق في الكون[/poem][/frame]


محـمـــد بن عبد المحسن العبـــيد ..

رد: من يبيجاوبني على كل ماصار
 

وعليكم السلام ورحمة الله وبركاته ،،

واللهم صلي وسلم على نبينا محمد وعلى آله وصحبه أجمعين ،،


ومساك الله بالخير يا أبو عبد المحسن ،، والله يعطيك العافيه ،، لهذه القصيدة الرائعة ،،


أكثر ما لفت نظري في هذه القصيدة ،، هو ملائمتها للوقت وللمناسبة ،، فما أشبه هذه القصيدة بخطبة العيد ،،

لقد احتوت لفت نظر وتذكير بالخطر الذي يحيق بالأمة العربية ،، وبيان ما يدبره اليهود لها من مكائد ،، وتضمنت كذلك غيرة على مستقبل الأمة العربية والإسلامية ،،



صح الله لسانك ،، وتسلم يمناك ،،

رد: من يبيجاوبني على كل ماصار
 

رد: من يبيجاوبني على كل ماصار
 

الاخوه الزوار اشكركم على المرور والاشاده امابخصوص القصيده فالاخطاءوارده
علماً بأن من يقوم بالكتابه ابنائي فأرجو من المشرف التعديل للأخطاء الإملائيه
البيت الحادي عشر/ بستنتج أفكار
البيت الثاني عشر / يطوفون
وشكر خاص للأخ ذياب

رد: من يبيجاوبني على كل ماصار
 

صح لسانك يابو عبدالمحسن ....


شاعر جزل ومميز دوماً ....

لك الود يالغالي ..

رد: من يبيجاوبني على كل ماصار
 

[align=center]


/
\

يارب عونك وأنت عـلام الأسـرار

سلط على الكفار واللـي يحقـدون

[/align]


امين يارب
وحتما سيــأتي يوم النصر والفرج
من رب العالمين ..

ابيات جزله / صح قلمك
لاحرمك المولى اجرها

/
\

رد: من يبيجاوبني على كل ماصار
 

رد: من يبيجاوبني على كل ماصار
 

رد: من يبيجاوبني على كل ماصار
 

رد: من يبيجاوبني على كل ماصار