[عبدالله الصالح]

[align=center]
السلام عليكم ورحمة الله



اسعد الله اوقاتكم جميعا بكل خير



وصحت السن زملائي الشعراء جميعا ممن سبقوني في نثر ابداعاتهم هنا بمناسبة المليون مشاركة


ويسعدني ان اشارك بالابيات التالية


واتمنى ان تنال اعجابكم او جزء منه



يقول /



[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

مابين هوجاسٍ عزلني وهوجاس = يطير بي لأحضان طيفك واجيله
ارسم تفاصيل اللقى بين الانفاس = واعيشها بين البرد والمليله
يابنت مالي في بحر حبك قياس = ولالي على طيش النواعس وسيله
اقضي تفاصيل الزمن خاوي الراس = عشقي معي والحلم نلقى بديله
واليوم في راسي مواويل واجراس = قصيدةٍ في حق اهلها قليله
صحيح شعري ملك حسنك والاحساس = كن الشعر فيني جمالك دليله
لاشك دايم يعشق الحبر قرطاس = والشوق مالك في تجاهله حيله
سلام ياصرح بني بين الاقواس = له منزلٍ محدٍ تجرا يزيله
مليون مع مليون حرفٍ وقرناس = تستاهل العليا وراس الطويله
ياسدير فيك من اللألي والالماس = عقدٍ فريد وامنياتٍ جميله
الصرح شامخ والمباني على ساس = والي يأسس مايشوف الفشيله
نمشي على منهج ومبدأ ونبراس = هذا الهدف واضح وحنا نخيله
بقيادة الي عزمهم يثني الفاس = ادارةٍ ثقل الجبل ترتكيله
ماهمهم حاسد وحاقد وبلاس = وما عندهم صعبة ولا مستحيله
والعاقل اللي في دجى النت محتاس = يبحث على قوقل ويلقى الحصيله
اهل الكرم والجود والعلم والباس = تلقى لهم بسدير مجمع وعيله
يفزع لهم قوقل وياهو على آس = ومحركات البحث دايم تجيله
البوصلة ما تضرب اخماس واسداس = تشر عليه ولو حصل تنحنيله
ياسدير لك مليون بوسة من الناس = اصعد.. وانا خطوات ليلي ثقيله
[/poem]



وسلامتكم جميعا



ابو مشعل
[/align]