عشقت الليل يوم أنه .. يهيّض خاطري المكبوت
ويشرح صدري العاني .. بهبّة برد نسماته
صلاة الفجر تنقلني .. عوالم طافت الملكوت
وتنزل بي نقيّة بال .. جاف الهم حزّاته
قسى عمرٍ على خودٍ .. تعمّر في الخيال بيوت
جداي أني ليا مريت .. أشوفك وسط حجراته
عريبة جد ما ترضا .. بغير الصبر شرب وقوت
يداوي خاطرٍ ملتاع .. ويجبر كسر عثراته
يضيق المزن من غيثه .. ويلقا في البحر مكتوت
متى ضيقي يبل ظماه .. ولو من دمع عبراته
هواجيسي تجي وتروح .. تقل أمبيرها موقوت
وفكري طافيٍ ضيّه .. يداري الحزن بسكاته
عسى جوفٍ حضن قلبٍ .. يروف بخافقٍ منهوت
وعسى وبل السعد ينصا .. غلق صدره وزفراته
بقلمي