صبـــــاحكم ورد يالغالين
[motr]
كل عام وأنتم بخير وعافيه
[/motr]
جعلها سنة خير وبركه ع الجميع..
( دلال المر )
[poem=font="Arial,7,indigo,bold,italic" bkcolor="skyblue" bkimage="http://www.sudeer.com/vb/mwaextraedit2/backgrounds/7.gif" border="solid,1,deeppink" type=1 line=1 align=center use=sp num="0,black""]
أشرب من دلال المهانه بقهويك=أشرب فناجيل الغبن بأيد دانه
أشرب عذاب اللي قضا العمر يرجيك=يا ماشربت رضاك ضيم ومهانه
حياة من حبك على الذل ترضيك=يرضيك أعيش بهالغرابيل أمانه
مادام حبي صار لعبه بأياديك=وصارت حياتي ماتهمك فعاااانه
أشرب بنفس الكاس والله لأرويك=ألين أشوفك قلت يكفي ل؟؟نه
والله لأخلي الضيم يسهر لياليك= لينك تقول الله ما أكبر جنانه
أبيك بالحسرات تشكي وأهنيك=أبيك تذكر وقتٍ أقفى زمانه
يومك تناديني وأنا بأمرك أجيك=وقت سقيتك من غلاه وحنانه
ولابغيت الزود بعيوني أعطيك=عصرٍ مضالك مآخذ به ميانه
كانت أحبك من شفااااتي تكفيك=ولا قلتها عزيت بالحب شانه
كنت أحسبٍ حبي سراج ٍ يضويك=كنت أحسبك بالحب شخص تكانه
لا واحسافه ماضيٍ كنت هاويك=عذب الحكي ماتاخذ الآاا سمانه
لا واحسافة حب قلبٍ مصافيك=قلبٍ عطى حبه وحصل خيانه
قلب عطاك الود .. وبكل مافيك=تاخذ ولا تعطي على ذا ضمانه
أبشرك مامت أنا في حراويك=سليت والمولى به الإستعانه
بكره تقول أرجوك ياهووه وشفيك=ياكثر مابك من عذاب وشطااانه
وبكره تقول أحساس قلبي يناديك=ومن الندم يعض ضرسك بنانه
وبكره تقول أني تحسفت وأبيك=وتندم على فعلك وزلة لسانه
خلاص طابت نفس منهو وثق فيك=شخص شرى حبك وعلا مكانه
خسارتك يومك تناسيت ماضيك=وأرخصت قلبٍ كان بيدك رهانه
على كثر صبري تكاثر معاصيك=قلبٍ يحبك ليه ترضى هوانه
اليوم شفني كيف أهدد معاليك=آخر سمو .. المجد تقبل طمانه
ماعاد لي قدره أجاهد بلاويك =غيرت فنجال الصبر بأستكانه
اليوم أنا اللي يا حياتي بقهويك=بسقيك مر اللي شربته وعاااانه
أشرب دلال ٍ لقمت من تجافيك=أشرب دلال الضيم بيدين دانه
[/poem]
وسلامتكم
دانة القصيد