السلام عليكم حياكم الله حيا الله الجميع خالي وش هالتوهيقية موضوع رووووووووووووووووووعة ماودي ابربر واجد خل احط الاجوبة 1/ هل كنت مشآآآآكس أوكنت على نياتك وهادئ؟؟ على نياتي الى ابعد الحدود وماغير اباري الساس 2/ كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟ كنت مقرب جدا لعمي عبدالعزيز الله يغفر له ويرحمه بس اني ما اشوفه الا في السنة مرة وحدة لانه عايش في الكويت ،، اما باقي البشر ساحبين علي 3/موقف حصلّك وأنت صغير وللحين مأثر فيك؟؟ موت و غرق ولد عمي قدامي الله يشفع به والديه والله ما انسى ذاك الموقف كان صديقي 4/ أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟ بالنسبة للفلوس اظن عشرة ريال <<<< ماشاف خير في طفولته اما بالنسبة للهدايا العينية فهي لعبة تركيبة عطاني اياها صديق اخوي ...واللي قهرني شاركوني فيها كل اخواني 5/ من أقرب طفلـ/ـة من الجماعة كانت أقربلك؟؟ يعني مايضربك آو تضربك ولا تهاآوشك ولآ يهآوشك؟؟ احمد ولد عمي ما اذكر اني تهاوشت معه في حياتي 6/ كم فلقة في رآسك؟؟ مهب واجد يعني تقريبا خمسطعش 7/ وش كانت عياآآرتك؟؟ ************************ هع هع وش هالسؤاآآل؟؟ الاطخم 8/ وش اكثر حلاااوهـ كوونت تحبهاا في طفوولتك الرائعه ؟؟ حلاو مصاص لونه بني الظاهر الى الان موجود طويل وبعد حلاو حلقوم ادوخ اذا شفته وحلاو يسمونه خدود بنات 9/ ماهو مستوى الرجه اللي كنت فيها " مرتفع / متوسط / سموول " ؟ سموول بقوووة 10/ ايش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟ جاي في النص بين اخواني وخواتي وتأثيره اني يوم كنت صغير من ناحية اللبس البس ملابس اخوي اللي اكبر مني اذا صغرت عليه ولا عمري لبست جديد <<<وده ينتقم من اخوه ولا يدري شلون 11/ ايش اكثر مكان كنت تحب تروح له ؟؟ " ملاهي . حديقه ... الخ اما ملاهي كثر منها ههههههههههههه كانت امنية ماتحققت الا يوم صرت في ثالث متوسط بس كنت اروح مع عيال الحارة لحديقة الفوطة نلعب كورة حافين ونشوت البزابيز 12/ ايش اكثر لعبه كنت تحب تلعب فيهاا ؟؟ كنت العب عظيم ساري وسبع الحجر ومصاقيل بس افضل شي عندي كرة القدم 13/ هل كنت تضرب والا تنضرب والا لاتهش ولاتنش ؟؟ غالبا انضرب 14/ هل كنت تبكي كثير ؟؟ انواع الشهاق..بس ما ابكي من الالم ابكي من فوحة الكبد اذا انظلمت 15/ ايش اكثر فلم كرتوون كنت تحب تشووفه ؟؟ قرندايزر 16/ من اكثر واحد من اخواانك كان قريب منك ؟؟ يعني اللي تحب تلعب معاه ؟؟ كنت العب مع اختي خطة ودبق 17/ موقف صار لك ولحد الحين اذا ذكرته يضحكك ؟؟ كنت اتابع مسلسل صح النوم حق غوار ..المهم الحلقة الاخيرة سجنوه وقعد يغني في السجن وينادي امه ويصيح المهم خنقتني العبرة وقعدت اصيح ...شافوني اخواني وخواتي الكبار وقعدوا يضحكون علي <<< عاطفي بقوووة 18/ كنت تحب الحليب والا تشربه بالغصب ؟؟ الحليب اشربه بمحض ارادتي 19/كنت شاطر بالمدرسة ولا ؟؟ شاطر شاطر ....والله جد شاطر يا مقبل لا تضحك 20/ كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟ ايه اصوم واذا عطشت رحت اتمضمض واكثر مضمضة الين ابلع لي كم جغمة ترويني 21/استايلك وانت صغير.. كيف كآن؟ يعني رسمي ولا انسان متلحط متعفش >>متعفش يعني ما تهتم بالملابس زي ستايل اي مواطن يلبس ثوب كمومه فيها خبنة وثوب قماشه ابو غزالين بس من دخلت المتوسط وانا صاير امريكي 22/كلمه دآآيم على لسآنك!! جغ جغ <<<< هالكلمة اقولها اذا حلفت وحسيت ان اللي قدامي ماصدقني اقولها مع وضع اليد بجانب الحلق 23/هل هناك شخص كنت دايم تتبلى عليه يعني تسوي المصيبة وهو ينضرب ؟؟ لا ما اذكر 24/جريمة او مصيبة لـ هذا اليوم تذكرها و مستحيل تنساهاا ؟؟ كنت اسرق مجلة ماجد من مكتبة قريبة لبيتنا 25/ما هو اقوى عقاب في حياتك ؟؟ فلكة 26/نشيد كنت تحبه أيام الطفوله ؟؟ هري هري مثل النمر يجري خلفي وانا اجري اصلا ما كان حولنا اناشيد مافيه الا منيرة الثنيان واناشيد حنا بنات البدو 27/ماهي الموآقف اللي عرضت فيها اهلك للاحراج؟؟ ما اذكر الا مرة وحدة تسببت في جرح بنت خالي * بحكم طفوله ان الواحد يكون برئ وحبيت اسال عن 28/اكثر موقف صدمك يوم انت صغير واثر عليك يوم كبرت ؟!.. شفت واحد من عيال جيراننا يتتن (( يدخن )) ارتعت يوم شفته 29/كيف كان اول يوم مدرسه لك بكيت ولا لا ..؟ الا والله بكيت انواع الصياح ما انساها وابوي يسحبني للمدرسة 30/ ضعت في مكان؟ .. سوق او حديقه او كورنيش .. اذا اي قولنا السالفه ..؟... ضعت في سوق البطحا ...يقال لي بختصر طريق وضعت وقعدت اصيح وجاب الله واحد يعرف ابوي ومسك يدي ووداني 31/وشهي اجمل هديهـ خذتها في طفولتك...ومانسيتها ابد...؟! سيارة ونان (( اسعاف )) جابها عمي من الحج 32/بصراحهـ من كنت تحب بطفولتك اكثر امك ولا ابوكـ....؟! بصراحة ابوي 33/في انسان معين تحس انك كرهتهـ في طفولتك وذا اي ليهـ...؟! كنت اكره توفيق الدقن هو ممثل مصري دايم ادواره شريرة وثرثار الجنوب وهذا يجي في المصارعة واستاد موسى الفلسطيني اللي كل ماشافني صفقني 34/متى هي المرة من المرات اللي حقدت فيها على اهلك وانت صغير\يعني سوولك حركه قدام احد وانقهرت بقوة ؟؟ شريت عسكريم مرة وتوزيت عشان اكله وخذوه مني وقسموه بيني وبين اخواني يقولون انه يوجع الحلق وماينفع تاكله لحالك 35/لحقت تتابع/ين سبيستون ؟؟ ولا القناه الاولي بالصبح والعصريه ؟؟ القناة الاولى الثانية 36/هـل كنت تغلط في نطق الحروف ..؟ لا بس كان ودي انطق حرف الكاف (( تســ )) ولا تعلمتها الا في خامس 37/موقف سويته ..والى الحين مااحد يدري عنه ؟ فحطت بسيكل وانا ما اعرف افحط وجيت مجاوب على وجهي 38/مين اعز صديق طفولة و الى الان متواصل معه>><؟ هو المشرف العام لمنتديات سدير سابقا (( ابن ماضي )) صديق الطفولة والشباب وربما الكهولة ================ والان اقدم لكم الجنوبي ليشاركنا هذا الموضوع المتميز القفوا تحيتي