بسم الله الرحمن الرحيم
السلام عليكم ورحمة الله وبركاته
أترك بين أيديكم هذه القصيده المتواضعه
وأن شاء الله تنال على أعجابكم
ملاحظه بسيطه يوجد أحرف مسكنه ومشدده
ولا اعرف كيفية وضع هذه العلامات ...
صــلووو علــى الــنــبــي
كل ما شفت القمر يضوي بليل(ن) عـتـيـم
يطري علي صاحبي رمـــز الـوفـا والغلا
رمـــز الـزهـر والبختري والمعاني تـهـيـم
رمـــز المحبه ورمــز الحب رمــز الحلا
الـحـب عـنـدي أله قــدر ومـقـام وحـشـيـم
ماني من اللي يحب أسـقـاط ريــم الفلا
دايـــم نــرد الـعـنـادي والـمـعــادي هـشيم
أقولها والـعـرب تــعــرف زحــول الملا
حــنـا الـبـداوه وطـبـع شـمام لا مـا نضيـم
حــنـا الـبـداوه بــداوه دوم فــوق العلا
يـاصــاحـبـي يـانــديـم الـعـمـر يا أغلا نديم
سلام يا سـيـد الــخـفـرات وأهــلاً هـلا
ياســكــر الـخـلـق ياحـلـم الـصبا يا حليـم
يالفاخره في وصوف الحسن وصفك خلا
يالـفـاخـره فـي جمال الـكـون قــدرك مريم
يالفاخره في ربوع الكون محد(ن) سلا
ياعين حــر أشـقــر(ن) دايم لصيده فهيم
يعرف لقنص الفرايس جسر ما يجهلا
هذي وصوف الـغـلا والحب ماهــو سقيـم
والـنـور فــي خــدها يـبـرق ومـتـكـملا
ســبـحــان رب الـخـلايـق في عباده عليم
أحـسـن بـخـلـق الخلايـق والـحلا جـمـلا
والفاخره لـو يطول الوصـف ماهو صميم
الـفـاخـره فـاخــره والـفـخـر ما يـنـجـلا
وسلامتكم
وأن شاء الله تكون نالت على رضائكم وأعجابكم
أخــــوكــمــ
ناصر بن فهاد