بسم الله الرحمن الرحيم
ألا ياصاحبي
[poem=font=",7,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
على الله لاغريب ولا غرابه=يموت الحلم في زهرة شبابه
ويحيى الياس في نظرة عيوني=وأنا حظي مثل قوس الربابه
ألا ياصاحبي سامحك ربي=تركت اللي لك ايتعّب ركابه
وطاوعت الزمن وأبعدت عنّي=وقلبي معك ماهمّك عذابه
وأنا ماقلت شعري للشماته=ولا سليت سيفي من جرابه
أقوله من غلا قلبٍ هويته=وغلاه ابوسط قلبي مادرابه
وأقول الوصل أخير امن القطاعه=وأقول السيف عزه من نصابه
وصحيح إن الجفا مرٍ مذاقه=وصويب الحب مايبرى صوابه
لكن الهم في عوج الحنايا=تمرّكز وسط قلبي وإنتحابه
ومن طوّل معه سقم الليالي=يقولون العرب سقمه غدابه
حبيب الروح ياشين المفارق=عليّه ليه شنيّت الحرابه
ورغم الجور والصد المطوّل=ودمعٍ حرّق الخد إنسكابه
أبيك إتبيحني حيٍ وميّت=وأبيك اتعيش في عز و مهابه
وليا قفّت ضعونك عن ضعوني=ترى نهجي على نهج الصحابه
[/poem]