كل مره تقبل .. افرح
و لا افرغ لحالي .. واشرح
وش مضالي معك
ولا اجمع ولا اطرح
بس متجمّد في مكاني
انتظر ,,
وصول كل الاماني
ثمن تفتح باب زنزانة السجين
و يحتري يد لمه كودها تلين
عينن فوق و عينن تحت
تنظر ساعة الرضى و الحنين
واثرك مثل اول و كل مره
تطلع السجين من حجره
بس عشان تحقق معه
انه لازال سجينك
وراك شربت واكلت
وراك ذاك تركت
وذاك عرفت
ابي ارد و اجواب
واكون معك رقيق
عسى ماتمشي
وينتهي التحقيق
عشان ماتصك الباب
و تروح وارجع ارتاب
وانتظر متى يجي السجان
وكوده هالمره له قلبن
يطلع لي فرج و يبان
بس حتى كلامي
ماتسمعه
ولا عذري تقبله
مهمه سريعه
روتينيه
تتاكد ان سجينك
لازال في ظروفه الغبيه
ثمن تقفي وانت ضامن
ان خطك هذا امان
وانا لا افرغ لحالي .. واشرح
وش مضالي معك
ولا اجمع ولا اطرح
بس متجمّد في مكاني
انتظر ,,
ساعة
فجر,,