^
السلام عليكم ورحمة الله وبركاته ..
اسفه على التأخير مره ثانيه 
جبت حلى سهل ولذيذ 
بس اسمحولي على هالصور الي مدري وش تبي 
ومن زينها حاطه عليها حقوق بعد
وانا اصلحه كنت اصوره بجوالي تصوير اي كلام وسريع سريع لان كنت ابرسله
لوحده تبي هالحلى وطريقته بالصور 
تتدلع بعد بس الشكوى لله وش نسوي اهم شي نعلمها السناعه
لو معي وقت سويت اشياء ثانيه وصورتها مخصوص لكم 
يالله صباح خير ادري طولتها وجبت قصة حياتي بس وش وراي على هالصبح
حلا كاسات ال ال 
تصدقون نسيت اسمه والظاهر اصلا ماله اسم
المهم نسميه حلا منتدى سدير عشان الوانه مثل الوان المنتدى
المقاديـر :
بسكوت شاهي ..
بسكوت اوريو ..
8 حبات جبن كيري او 6 ملاعق جبن سايل ..
2 حليب نستله ..
ظرف كريمه او ظرفين نسيت اصورها مع المقادير من الخرشه
ملعقة نسكافه وملعقة شوكلاته بودره ..
الطريقـه :
نجيب بسكوت الاوريو ونشيل الكريمه البيضاء منه ونكسره تكسير صغار بس مب مره
ونحطه في كاسات الحلى او العلب البلاستك المخصصه له ..
ونجيب بسكوت الشاهي ونكسره نفس الي حجم الاوريو
ونحطه فوق الاوريو بنفس الكميه ..
بعدين نحط في الخـلاط :
النستله والجبن والكريمه ونخلطها سوا ..
بعدين نقسم الخليط نصه نخليه كذا ونصه نضيف عليه النسكافه والشوكلاته ونخلطه
ويصير عندنا خليط اصفر وخليط بني
نجيب الخليط البني ونحطه فوق البسكوت بحيث انه يغطيه بس مايغطيه مره لا عادي
ترا هذا الخليط البني بس مع التصوير قلب لونه
بعدين نظيف الخليط الاصفر فوقه وكذا لين تخلص الكميه
وعقب نزينه بالهيرشي ونحطه في الثلاجه وبالعافيه عليكم
ان شاءالله يعجبكم
^